TV9 GUJARATI | Edited By: Mamta Gadhvi
Updated on: Mar 11, 2023 | 2:00 PM
મહિસાગર જિલ્લાના સંતરામપુરના ગોથીબ ગામે લગ્ન મંડપ ઉડી ગયો. ભારે પવનને કારણે જાનૈયાઓ પર મંડપની પાઈપો પડી હતી. લગ્ન મંડપ ઉડતા જ લોકોમાં નાસભાગ મચી ગઈ હતી. તો અમુલ લોકો ઈજાગ્રસ્ત પણ થયા છે. જેને સારવાર માટે નજીકની હોસ્પિટલમાં ખસેડવામાં આવ્યા છે. આ સમગ્ર ઘટનાનો વીડિયો પણ સામે આવ્યો છે. જેમાં જોઈ શકાય છે કે વરરાજા ઘોડે ચડીને હજુ મંડપમાં પહોંચે છે, ત્યાં જ ભારે પવનને કારણે મંડપ ઉડી જાય છે.
આ પહેલા છોટા ઉદેપુર જિલ્લાના બોડેલી નજીકના એક ગામમાં આ પ્રકારની ઘટના સામે આવી હતી. જેમાં મંડપ સાથે ત્રણ યુવાનો હવામાં ઉડ્યા હોવાનો વિડીયો વાયરલ થયો હતો. આ ઘટનામાં ત્રણ યુવાનોને સામાન્ય ઈજા પહોંચી હતી. મહત્વનુ છે કે બોડેલીના કાથોલ ગામે એક પરિવારમાં લગ્ન પ્રસંગની વિધિ ચાલી રહી હતી.
આ દરમિયાન અચાનક વાવાઝોડું આવતા મંડપ ઉડવા લાગ્યો. જેમાં મંડપ બચાવવા માટે ત્રણ યુવાનોએ મંડપને પકડ્યો પરંતુ ભારે પવનને કારણે મંડપની સાથે ત્રણ યુવાનો પણ ઉડવા લાગ્યા અને બાદમાં નીચે પટકાયા હતા આ સમગ્ર ઘટનાનો વીડિયો સોશિયલ મીડિયા પર ખુબ વાયરલ થયો હતો.
Copyright © 2023 TV9 Gujarati. All Rights Reserved.
