મોરબી: પિતાએ પગ પકડ્યા, બહેને હાથ પકડ્યા અને જનેતાએ ગળુ દબાવી લાડકવાઈ દીકરીની કરી હત્યા, વીડિયોમાં જુઓ શું હતુ કારણ
મોરબીના વાંકાનેરમાં આવેલા દીઘલિયા ગામની છે. જ્યાં 16 વર્ષની સગીરા તેની મોટી બહેનના નણદોઇના પ્રેમમાં પડી જેના પરિણામે તેને મોત મળ્યું. આબરૂ બચાવવા સગીરાના માતા-પિતા અને મોટી બહેને જ તેની હત્યા કરી.
મોરબીમાં સગીર દીકરીનો પ્રેમ સંબંધ મંજૂર ન રહેતા માતા-પિતા અને બહેને ઉતારી મોતને ઘાટ અને પછી પાપ છૂપાવવાનો પ્રયાસ કર્યો. આ ઘટના મોરબીના વાંકાનેરમાં આવેલા દીઘલિયા ગામની છે. જ્યાં 16 વર્ષની સગીરા તેની મોટી બહેનના નણદોઇના પ્રેમમાં પડી જેના પરિણામે તેને મોત મળ્યું. આબરૂ બચાવવા સગીરાના માતા-પિતા અને મોટી બહેને જ તેની હત્યા કરી.
પ્રેમમાં પાગલ સગીરાની હત્યા
સગીરા ઘરમાં સૂતી હતી ત્યારે તેના પિતાએ તેના પગ પકડ્યા, બહેને હાથ પકડ્યા અને માતાએ મોઢા પર ઓશિંકું મૂકીને ટૂંપો આપ્યો હતો. જો કે સગીરાનું મોત ન થતા તેનું ગળું પણ દબાવ્યું અને ત્યાર બાદ દુપટ્ટા વડે રિંકલને ફાંસો આપીને હત્યા કરી નાંખી. હત્યા બાદ કોઇને ખબર ન પડે તે રીતે તેને કુદરતી મોતમાં ખપાવવાનો પ્રયાસ કર્યો. સગીરાને હાર્ટ એટેક આવ્યો હોવાનું કહીને પરિવાર રડવા લાગ્યો. જેથી કોઇ તેમના પર શંકા ન કરે. પરંતુ સગીરાને હોસ્પિટલમાં ખસેડાતા પાપનો ભાંડો ફૂટી ગયો હતો.
પિતાની કરી ધરપકડ
મહત્વનું છે કે સગીરા તેના મોટા બહેન નણદોઇના પ્રેમમાં પડી હતી અવારનવાર તેની સાથે ફોન પર વાત કરતી. જો કે પરિવારજનોને જાણ થતા તેમણે સગીરાને સમજાવી હતી. પરંતુ સગીરાએ કોઇની વાત ન માની..જેને લઇ મોટી બહેનના નણંદ અને નણદોઇના છૂટાછેડા થઇ ગયા હતા. તેનો ઝઘડો સગીરાના ઘર સુધી પહોંચ્યો. પરિવારથી સહન ન થયું જ્યારે રિંકલના મોટા બહેને પિયરમાં જાણ કરી. ત્યારે પરિવારે પોતાની આબરૂ જાળવવા તેને મોતને ઘાટ ઉતારી દીધી. પોલીસે સગીરાના પિતાની ધરપકડ કરીને વધુ કાર્યવાહી હાથ ધરી છે.
