Bhavnagar : શિહોરમાં નકલીની ભરમાર ! SOGએ 1185 કિલો બનાવટી માવો જપ્ત કર્યો, જુઓ Video

ગુજરાતમાં દિવસે દિવસે નકલીની ભરમાર સામે આવી રહી છે. ત્યારે ભાવનગરમાં નકલી માવો બનાવતી એક ફેકટરીનો પર્દાફાશ કરવામાં આવ્યો છે. ત્યારે શિહોર તાલુકાના આંબલા ગામે સ્પેશિયલ ઑપરેશન ગ્રુપ (SOG) દ્વારા કાર્યવાહી હાથ ધરવામાં આવી હતી. SOGની ટીમે ફેક્ટરીમાંથી 1185 કિલો બનાવટી માવો જપ્ત કર્યો છે.

તપાસ દરમિયાન ખુલાસો થયો કે આ માવો બનાવતી ફેક્ટરી લાયસન્સ વિના ગેરકાયદેસર રીતે કાર્યરત હતી. ઉપરાંત, ફેક્ટરીમાં સ્વચ્છતા અને ખાદ્ય સુરક્ષાના ધારાધોરણોનું સહેજ પણ પાલન કરવામાં આવતું નહોતું. જપ્ત કરાયેલા નકલી માવાના નમૂનાઓને લેબ ટેસ્ટિંગ માટે મોકલી દેવામાં આવ્યા છે.

ફેક્ટરીમાંથી 1185 કિલો બનાવટી માવો જપ્ત કરાયો

મહત્વપૂર્ણ છે કે, દિવાળીના તહેવારો નજીક આવી રહ્યા છે, ત્યારે બજારમાં માવાની માંગમાં નોંધપાત્ર વધારો જોવા મળે છે. આવા સમયે કેટલાક વેપારીઓ દ્વારા નફાખોરી માટે નકલી અને ભેળસેળયુક્ત માવો તૈયાર કરીને બજારમાં સપ્લાય કરવામાં આવતો હોવાનું ધ્યાને આવ્યું હતું. પોલીસે આ પ્રકરણમાં વધુ તપાસ હાથ ધરી છે.

મહત્વનું છે કે, દિવાળીના તહેવારો નજીક આવતા બજારમાં માવાની માગ વધતી હોય છે. ત્યારે કેટલાક વેપારીઓ નફાખોરી માટે ડુપ્લીકેટ માવો તૈયાર કરી સપ્લાય કરતા હોય તેવું ધ્યાને આવ્યું. જે બાદ SOGની ટીમે કાર્યવાહી કરી. પોલીસે નકલી માવો બનાવવાની ફેક્ટરીનો પર્દાફાશ કર્યો. 1 હજાર 185 કિલો બનાવટી માવો જપ્ત કર્યો છે. જેના નમૂના લેબ ટેસ્ટ માટે મોકલાયા છે. જો કે, અહીં તપાસમાં એ પણ સામે આવ્યું કે, ફેક્ટરી લાયસન્સ વિના ગેરકાયદે રીતે ચાલતી હતી. તેમજ ત્યાં સ્વચ્છતા અને ખાદ્ય સુરક્ષા ધોરણોનું પાલન ન થતું હોવાનું પણ બહાર આવ્યું છે.