બનાસકાંઠાના કોંગ્રેસના ઉમેદવાર ગેનીબેનને બદલી નખાય તો નવાઇ નહીં: શશિકાંત પંડયા

ભાજપના ડો. રેખાબેન ચૌધરી અને કોંગ્રેસના ગેનીબેન ઠાકોરે પ્રચાર કાર્ય જોરશોરથી શરુ કર્યુ છે. આ દરમિયાન કોંગ્રેસે વાવના ધારાસભ્ય ગેનીબેન ઠાકોરને મેદાને ઉતારતા જ મજબૂત મહિલા ઉમેદવાર મેદાને ઉતાર્યાનો માહોલ સર્જવાનો પ્રયાસ કર્યો હતો. જોકે સામે ભાજપે યુવા અને શિક્ષિત મહિલા ઉમેદવારને ઉતારીને મજબૂત દાવ ખેલ્યો છે.

આ પણ વાંચો: સાબરકાંઠા લોકસભા બેઠક પર કોંગ્રેસે ડો તુષાર ચૌધરીને મેદાને ઉતાર્યા, ઉમેદવાર વિશે જાણો

આ દરમિયાન હવે પૂર્વ ધારાસભ્ય શશિકાન્ત પંડ્યાએ એક બેઠકમાં કહ્યુ છે કે, કોંગ્રેસ હવે બનાસકાંઠાના ઉમેદવાર બદલી નાંખે તો નવાઇ નહીં. એટલે કે ગેનીબેન ઠાકોરને જ બદલીને નવા ચહેરાને મેદાને ઉતારે એવા સંકેત આપતી વાત કરીને સૌને ચોંકાવી દીધા છે. શશિકાન્ત પંડ્યાએ આકરા પ્રહારો દરમિયાન કહ્યુ હતુ કે, રોહન ગુપ્તાએ ચૂંટણી લડવાની ના પાડી હવે ગેનીબેનને કોંગ્રેસ બદલી નાંખે તો નવાઇ નહીં. આ વીડિયો હવે સોશિયલ મીડિયા પર પણ ખૂબ વાયરલ થવા લાગ્યો છે.

ગુજરાતના તમામ જિલ્લાના સમાચાર વાંચવા માટે અહીં ક્લિક કરો