Dahod: બેંક ઓફ બરોડાની ગંભીર બેદરકારી, બેંક બહાર ખાતાધારકોના ડોક્યુમેન્ટ ફેંકી દેવાયા, જુઓ Video

દાહોદના સુખસરમાં બેંકની ગંભીર બેદરકારી સામે આવી છે. બેંકની બહાર ખાતેદારોના મહત્વના દસ્તાવેજો બેંકની બહાર ખુલ્લામાં ફેંકી દેવામાં આવ્યા હતા. બેંકની બહાર આ પ્રકારે મહત્વના દસ્તાવેજો ફેંકી દેવાને લઈને સ્થાનિક બેંકના ખાતેદારોમાં રોષ ફેલાયો હતો. બેંકમાં આપેલા મહત્વના દસ્તાવેજો બેંકની બહાર ફેંકી દેવાયેલી હાલતમાં જોવા મળ્યા હતા. આ દસ્તાવેજોને ઉપયોગ ઠગ ટોળકીઓ પણ કરી શકે છે એવો પણ ભય રહેલો છે.

આધારકાર્ડ, પાસબુક, ફોટો ગ્રાફક સહિત ચૂંટણી કાર્ડ અને અન્ય મહત્વના દસ્તાવેજોને બેંક ઓફ બરોડાની બહાર ફેંકી દેવાયેલી હાલતમાં જોવા મળ્યા હતા. મોટાભાગના દસ્તાવેજો એવા છે કે, કોઈ તત્વો તેનો અન્ય ઉપયોગ કરી શકે છે. આમ ગુનાઈત પ્રવૃત્તીમાં પણ આ દસ્તાવેજો કોઈ શખ્શો તેનો ઉપયોગ કરી શકે છે. દસ્તાવેજોમાના ચૂંટણી અને આધારકાર્ડનો ઉપયોગ ગેરકાયદેસર રીતે હોટલમાં રોકાણ કરવા માટે પણ કોઈ ઉપયોગ કરવાનો ભય રહેલો છે. જેને લઈ લોકોમાં બેંકની ગંભીર બેદરકારીને લઈ રોષ ફેલાયો હતો.

આ પણ વાંચોઃ  Sabarkantha: નવા ખરીદેલા ઘરનો દસ્તાવેજ કરવા ગયેલો યુવક કચેરીમાં જ ઢળી પડ્યો, 35 વર્ષના યુવાનનુ મોત

દાહોદ સહિત  ગુજરાતના તમામ જિલ્લાના સમાચાર વાંચવા માટે અહીં ક્લિક કરો