Gujarati Video : ગુજરાત વિદ્યાપીઠના વિદ્યાર્થીઓ માટે માઠા સમાચાર, ફીમાં કર્યો 10 ટકાનો વધારો
ગુજરાત વિદ્યાપીઠે ફીમાં 10 ટકાનો વધારો કરવાનો નિર્ણય કર્યો છે. બે વર્ષ સુધી આ ફી વધારો લાગુ રહેશે. બે વર્ષ બાદ ફરી ફી વધારાની સમીક્ષા કરવામાં આવશે. સાથે જ વિદ્યાથીઓ માટે બાયોમેટ્રિક હાજરી ફરજિયાત કરાઈ છે.
અમદાવાદ સ્થિત ગુજરાત વિદ્યાપીઠના વિદ્યાર્થીઓ (Gujarat Vidyapith) માટે માઠા સમાચાર મળ્યા છે. વિદ્યાપીઠે ફીમાં 10 ટકાનો વધારો કરવાનો નિર્ણય કર્યો છે. બે વર્ષ સુધી આ ફી વધારો લાગુ રહેશે. બે વર્ષ બાદ ફરી ફી વધારાની સમીક્ષા કરવામાં આવશે. સાથે જ વિદ્યાથીઓ માટે બાયોમેટ્રિક હાજરી ફરજિયાત કરાઈ છે. આ ઉપરાંત વિદ્યાર્થીઓની બે વાર હાજરી પુરાશે.
રાજકોટની ખાનગી શાળાઓમાં ફી વધારો થયો હતો
તો બીજી તરફ રાજકોટની ખાનગી શાળાઓએ 5 હજારથી લઇને 55 હજારનો ફી વધારો કર્યો હોવાનો આક્ષેપ કરવામાં આવ્યો હતો. રાજકોટની આર.કે.સી શાળામાં ધો-12 વિજ્ઞાન પ્રવાહની ફી 2.04 લાખ હોવાનો દાવો થયો હતો. એસ.એન.કે શાળામાં જુનિયર કેજીની ફી 1.99 લાખ સુધી પહોંચી હોવાનું જાણવા મળ્યું હતુ. તથા નિર્મલા કોન્વેન્ટ શાળાએ ધો-11 સાયન્સમાં વર્ષ 2022-23 માટે 54 હજાર 920નો ફી વધારો કર્યો હોવાનો દાવો થઇ રહ્યો હો. વર્ષ 2017-18માં ખાનગી શાળાઓ બેફામ ફી વસૂલી ના શકે તે માટે ફી રેગ્યુલેટરી કમિટી બનાવાઇ હતી.
