કેરલ સ્ટોરી જેવી જ ઘટના બની કપડવંજમાં, પરિણીતાના આપઘાત કેસમાં વિધર્મી યુવકની ધરપકડ, જુઓ Video

કપડવંજમાં વિધર્મી યુવકના ત્રાસની વધુ એક ઘટના સામે આવી છે. કપડવંજમાં વિધર્મી યુવકના ત્રાસથી કંટાળીને યુવતીએ આપઘાત કર્યો હોવાની ઘટના બની છે. 11મી મેના રોજ અંજા ઉર્ફે અંજી પરમારે આપઘાત કર્યો હતો. અંજીના આપઘાત કેસમાં પોલીસે મોહસીન અલી નિઝામ અલી સૈયદ સામે ફરિયાદ દાખલ કરી છે. તપાસમાં સામે આવ્યું છે કે પ્રેમ સંબંધ રાખવા માટે આરોપી સતત ધમકી આપતો હતો. એટલું જ નહીં પ્રેમ સંબંધ ન રાખે તો બદનામ કરવાની પણ આરોપીએ ધમકી આપી હતી.

આ પણ વાંચો : ડાકોરમાં પોલીસ કર્મીની યુવાન પુત્રીનો આપઘાત, તપાસ શરૂ

આ સમગ્ર બાબતે યુવતીએ કંટાળી નર્મદા નહેરમાં ઝંપલાવીને આપઘાત કર્યો હતો. ઘટનાની હકિકત સામે આવતા પોલીસે મૃતકના પિતાની ફરિયાદને આધારે આરોપીની ધરપકડ કરી છે. મહત્વનું છે કે મૃતક યુવતી પરણિત હતી, અને તેને ચાર મહિનાનું બાળક પણ હતું. નરાધમ વિધર્મી આરોપી યુવક મોહસીન અલી પણ બે બાળકોનો પિતા છે. આમ ખેડામાં વિધર્મી યુવકોના ત્રાસની ઉપરા છાપરી 2 ઘટનાઓએ સમગ્ર જિલ્લામાં ચકચાર જગાવી છે.

ખેડા જિલ્લા સહિત ગુજરાતના તમામ જિલ્લાના સમાચાર વાંચવા માટે જોડાયેલા રહો