Rain Data : ગુજરાતના 18 તાલુકામાં ખાબક્યો ધોધમાર વરસાદ, સૌથી વધુ અમરેલીમાં 3 ઈંચથી વધારે વરસાદ વરસ્યો, જુઓ Video

ગુજરાતના અનેક વિસ્તારોમાં ધોધમાર વરસાદ વરસ્યો છે. છેલ્લા 24 કલાકમાં ગુજરાતના 18 તાલુકામાં વરસાદ વરસ્યો છે. સૌથી વધુ અમરેલી જિલ્લાના અમરેલી તાલુકામાં 3.39 ઈંચ વરસાદ વરસ્યો છે. જૂનાગઢના મેંદરડામાં 1.73 ઈંચ વરસાદ ખાબક્યો છે. અમરેલીના લાઠીમાં 1.30 ઈંચ, જૂનાગઢના માંગરોળમાં 1.26 ઈંચ વરસાદ ખાબક્યો છે. આજે પણ દક્ષિણ ગુજરાત,સૌરાષ્ટ્રમાં ભારેની વરસાદની આગાહી કરવામાં આવી છે. અનેક વિસ્તારોમાં ગાજવીજ,ભારે પવન સાથે વરસાદની શક્યતા છે.

ગુજરાતમાં ભારે વરસાદની આગાહી

હવામાન વિભાગની આગાહી અનુસાર ગુજરાતમાં 5 દિવસ વરસાદની શક્યતા છે. 27 મે સુધી રાજ્યમાં સાર્વત્રિક વરસાદની આગાહી કરી છે. દક્ષિણ ગુજરાતમાં અને દક્ષિણ સૌરાષ્ટ્રમાં ભારે વરસાદની આગાહી હવામાન વિભાગે વ્યક્ત કરી છે. જે મુજબ ગાજવીજ અને ભારે પવન સાથે કમોસમી વરસાદ પડી શકે છે. આ સાથે જ 35-50 કિમી પ્રતિકલાક સુધી પવનની ગતિ રહેવાની પણ આશંકા વ્યક્ત કરાઈ છે.

સામાન્ય રીતે રોજબરોજના તાપમાનને હવામાન કહેવાય છે. જ્યારે આબોહવામાં થતા ફેરફારને પણ આપણે હવામાન તરીકે ઓળખીએ છે. ભારતમાં શિયાળો, ઉનાળો અને ચોમાસુ આ રીતે ત્રણ પ્રકારની ઋતુઓ હોય છે. ઋતુઓને લગતા અન્ય સમાચાર વાંચવા અહીં ક્લિક કરો..