Viral Teacher : જ્યારે વર્ગખંડ બન્યો કુરુક્ષેત્રનું મેદાન, શિક્ષકની અનોખી ભણાવવાની રીત વાયરલ, જુઓ Video

સોશિયલ મીડિયા પર હાલમાં એક વીડિયો જબરદસ્ત વાયરલ થઈ રહ્યો છે, જે જોઈને તમે પણ કહી ઉઠશો કે “શિક્ષક હોય તો આવા”. એક શિક્ષક પુસ્તકિયા જ્ઞાનથી ઉપર ઉઠીને વિદ્યાર્થીઓને જીવનનું સૌથી મોટું  ‘શ્રીમદ ભગવદ ગીતા’નું જ્ઞાન એક અનોખા અને પ્રેરણાદાયક અંદાજમાં આપી રહ્યા છે.

વીડિયોની શરૂઆતમાં જ આપણે એક શિક્ષક વર્ગખંડમાં માત્ર ઉભા રહીને લેક્ચર નથી આપી રહ્યા, પરંતુ પૂરા જોશ અને જુસ્સા સાથે, જાણે કોઈ નાટકનું પાત્ર ભજવી રહ્યા હોય તેમ ગીતાના શ્લોકો અને તેના અર્થને રજૂ કરી રહ્યા છે. તેમના હાથના હાવભાવ, ચહેરા પરના ભાવો અને અવાજનો ઉતાર-ચઢાવ એટલો પ્રભાવશાળી છે કે જાણે સાક્ષાત ભગવાન શ્રીકૃષ્ણ અર્જુનને ઉપદેશ આપી રહ્યા હોય તેવું વાતાવરણ સર્જાય છે. તેઓ “મન કરે તો પ્રાણ દે, મન કરે તો પ્રાણ લે” જેવી પંક્તિઓ ગાઈને ધર્મના માર્ગ પર ચાલવાની પ્રેરણા આપે છે.

વિદ્યાર્થીઓની એકાગ્રતા પણ જોવા જેવી હતી. સામાન્ય રીતે વર્ગખંડમાં વિદ્યાર્થીઓ કંટાળતા જોવા મળે છે, પરંતુ અહીં દ્રશ્ય બિલકુલ અલગ છે. તમામ વિદ્યાર્થીઓ પોતપોતાની બેન્ચ પર બેઠા છે. તેમના ચહેરા પર આશ્ચર્ય, આદર અને જિજ્ઞાસાના ભાવો સ્પષ્ટ દેખાય છે. કોઈ પણ વિદ્યાર્થી અંદરોઅંદર વાતો નથી કરી રહ્યો કે તેમનું ધ્યાન ભટકેલું નથી. તેઓ શિક્ષકના દરેક શબ્દ અને હાવભાવને પકડી રહ્યા છે, જાણે તેઓ આ જ્ઞાનને આત્મસાત કરી રહ્યા હોય.

આ વાયરલ વીડિયો સાબિત કરે છે કે જો ભણાવવાની પદ્ધતિ રસપ્રદ હોય, તો વિદ્યાર્થીઓ ગમે તેટલા અઘરા વિષયને પણ સરળતાથી સમજી શકે છે. આ શિક્ષકે ગીતાના જ્ઞાનને વિદ્યાર્થીઓની ભાષામાં અને તેમની સમક્ષ લાઈવ પર્ફોર્મન્સ આપીને સમજાવ્યું છે. તેમની આ શૈલી વિદ્યાર્થીઓના મન પર ઉંડી છાપ છોડી જાય છે. આવા શિક્ષકો જ સાચા અર્થમાં રાષ્ટ્રનું નિર્માણ કરે છે, કારણ કે તેઓ વિદ્યાર્થીઓને માત્ર પરીક્ષા માટે તૈયાર નથી કરતા, પરંતુ જીવનની પરીક્ષાઓ માટે પણ તૈયાર કરે છે.

વૈષ્ણોદેવીમાં વિવાદ, મંત્રોચ્ચાર દરમિયાન CEOને બુટ કાઢવાનું કહેતા ભડક્યા, વીડિયો વાયરલ