Viral Video : પોલીસ સ્ટેશનમાં નાગિન ડાન્સ, સ્વતંત્રતા દિવસની ઉજવણી પર ભાન ભૂલીને નાચ્યા પોલીસ જવાનો

ભારતની આઝાદીના 75 વર્ષની ઉજવણી ભારતમાં ધામધૂમથી કરવામાં આવી. હર ઘર તિરંગા અને આઝાદીના અમૃત મહોત્સવ જેવા કાર્યક્રમો અને અભિયાનને કારણે દેશમાં ચારે તરફ દેશભક્તિનો માહોલ હતો. દર ઘર પર ત્રિરંગો હતો અને નાનાથી લઈને મોટા સુધી સૌ દેશભક્તિના રંગે રંગાયા હતા. ઉજવણીના અનેક ફોટો અને વીડિયો સોશિયલ મીડિયા પર વાયર થયા હતા. સતત દેશની સેવામાં અને આપણી રક્ષાની જવાબદારી લઈને જીવતા પોલીસ જવાનનો કેટલાક વીડિયો પણ સ્વતંત્રતા દિવસે વાયરલ (Viral Video) થયા હતા. આ વીડિયો ઉત્તર પ્રદેશ પોલીસના (UP Police) છે.

હાલમાં ઉત્તરપ્રદેશ પોલીસના ડાન્સના બે વીડિયો સોશિયલ મીડિયામાં વાયરલ થયા છે. આ બન્ને વીડિયો અલગ અલગ પોલીસ સ્ટેશનનો છે. એક વાયરલ વીડિયોમાં પોલીસ સ્ટેશન બહાર, ધ્વજવંદન બાદ એક પોલીસ અધિકારી અને પોલીસ જવાન નાગિન ડાન્સ કરી રહ્યા છે. બીજા એક વાયરલ વીડિયોમાં દેખાય રહ્યુ છે કે એક ખુલ્લા મેદાનમાં સ્વતંત્રતા દિવસની ઉજવણી દરમિયાન પોલીસ જવાનો અને કેટલાક પોલીસ અધિકારીઓ દેશભક્તિના ગીતો પર મસ્ત ડાન્સ કરી રહ્યા છે. આ બન્ને વીડિયો લોકો ખુબ વાયરલ થઈ રહ્યા છે. લોકો આ બન્ને વીડિયો પર પોતાની પ્રતિક્રિયા પણ આપી રહ્યા છે.

પોલીસના નાગિન ડાન્સનો વાયરલ વીડિયો

आजादी का अमृत महोत्सव: पीलीभीत की पूरनपुर कोतवाली में 15 अगस्त पर जमकर हुआ नागिन डांस….@igrangebareilly @pilibhitpolice pic.twitter.com/EmmFy0PYhC

— Vivek Bajpai (@VivekBa24442430) August 15, 2022

આ વીડિયો ઉત્તર પ્રદેશના પીલીભીતના પૂરનપુર કોતવાલી પોલીસ સ્ટેશનનો છે. આ વીડિયોમાં જોઈ શકાય છે કે સ્વતંત્રતા પર્વના અવસરે પોલીસ સ્ટેશનને સરસ રીતે શણગારવામાં આવ્યુ છે. કેટલાક પોલીસ જવાન અને અધિકારીઓ ઉજવણી માટે ભેગા થયા છે. તે બધા વચ્ચે એક પોલીસ અધિકારી મદારીને શરણાઈ હાથમાં લઈ નાચી રહ્યો છે અને પોલીસ જવાન નાગિન બનીને નાચી રહ્યો છે. આસપાસ ઊભા લોકો આ ડાન્સનો આંનદ લઈ રહ્યા છે.

સ્વાતંત્રતા પર્વની ઉજવણીમાં ખુબ નાચ્યા પોલીસ અધિકારીઓ

Kudos to #UPPolice

What an amazing way to celebrate #IndependenceDay2022 🇮🇳

Yogi Baba ki Police 🙏

Jai Hind Jai Bharat ❤️ pic.twitter.com/32yJgBEsqr

— PhiLosoPher_2.2™ (@philoso007) August 15, 2022

આ પણ વાયરલ વીડિયો પણ ઉત્તર પ્રદેશના એક પોલીસ સ્ટેશનનો છે. પોલીસ સ્ટેશનને ખુબ સારી રીતે શણગારવામાં આવ્યુ છે. એક ખુલ્લા મેદાનમાં ડીજે વાગી રહ્યુ છે. અને ઘણા બધા પોલીસ જવાનો અને પોલીસ અધિકારીઓ દેશભક્તિના ગીતો પણ ડાન્સ કરી રહ્યા છે. વ્યસ્ત જીવનમાંથી તેમણે પોતાના માટે હળવાસની પળ શોધી કાઢી હતી અને પોતાના સાથીદારો સાથે તેનો આંનદ લીધો હતો.