કરચલીઓ, ડ્રાયનેસ અને પિમ્પલ્સથી મળશે ‘છુટકારો’, ટ્રાય કરો આ 100% નેચરલ હોમમેડ ફેસવોશ

આજના ભાગદોડભર્યા જીવનમાં ત્વચાનું ધ્યાન રાખવું ખૂબ જ પડકારજનક બની ગયું છે. અવારનવાર લોકો ચહેરાની સુંદરતા જાળવી રાખવા માટે મોંઘા ફેસવોશ અને સ્કિન કેર પ્રોડક્ટ્સનો ઉપયોગ કરે છે. જો કે, ઘણીવાર ઘરમાં રહેલી કેટલીક સાધારણ વસ્તુઓથી પણ ચહેરાની સફાઈ માટે પાવડર ફેસવોશ તૈયાર કરી શકાય છે.

બેસન, લાલ મસૂર દાળનો પાવડર, ઓટ્સ પાવડર, કસ્તૂરી હળદર અને સૂકા ગુલાબની પાંદડીઓનો પાવડર મિક્સ કરીને બનાવેલું આ મિશ્રણ ત્વચાને હળવી રીતે સાફ કરવામાં મદદ કરી શકે છે.

ઘરે ફેસવોશ કેવી રીતે બનાવવું?

ઘરે ફેસવોશ બનાવવા માટે તમારે એક વાટકીમાં 1 ચમચી બેસન, 1 ચમચી લાલ મસૂર દાળનો ઝીણો પાવડર, 1 ચમચી ઓટ્સ પાવડર, ચપટી કસ્તૂરી હળદર અને અડધી ચમચી સૂકા ગુલાબની પાંદડીઓનો પાવડર લેવો. બધી વસ્તુઓને સારી રીતે મિક્સ કરીને એરટાઈટ ડબ્બામાં રાખો.

ફેસવોશ કરવા માટે એક ચમચી પાવડર લો અને તેમાં જરૂરિયાત મુજબ સાદું પાણી અથવા ત્વચાના પ્રકાર મુજબ હાઈડ્રેટિંગ સામગ્રી મિક્સ કરીને હળવી પેસ્ટ બનાવો. તેને ચહેરા પર હળવા હાથે લગાવો અને પછી પાણીથી ધોઈ લો.

બેસન અને મસૂર દાળ

બેસનનો ઉપયોગ ત્વચાની સફાઈ માટે કરવામાં આવતો રહ્યો છે. ત્યાં જ, ઝીણી પીસેલી મસૂર દાળ ત્વચામાંથી વધારાનું તેલ અને ગંદકી દૂર કરવામાં મદદ કરી શકે છે. ધ્યાન રાખો કે, દાળના પાવડરને જાડો રાખીને સ્ક્રબની જેમ ઘસવાથી બચવું. આવું કરવાથી ત્વચામાં બળતરા થઈ શકે છે.

ઓટ્સ અને ગુલાબ

ઓટ્સ ત્વચાને શાંત અને સુંવાળી અનુભવવામાં મદદ કરી શકે છે. સૂકા ગુલાબની પાંદડીઓના પાવડરનો ઉપયોગ સુગંધ માટે કરો. જો ગુલાબ કે અન્ય કોઈ ઘટકથી એલર્જી હોય તો તેનો ઉપયોગ ન કરવો.

ઉપયોગ કરવાની રીત

1. રોજ સવારે કે સાંજે હથેળી પર 1 નાની ચમચી આ પાવડર લો.
2. આ પેસ્ટને ભીના ચહેરા પર લગાવો અને 1 થી 2 મિનિટ માટે હળવા હાથે ગોળાકાર મોશનમાં (સર્ક્યુલર મોશન) મસાજ કરો.
3. ત્યારબાદ સામાન્ય પાણીથી ચહેરો ધોઈ લો.
4. ઓઈલી સ્કિન વાળા તેમાં થોડું ગુલાબજળ કે દૂધ ઉમેરે.
5. ડ્રાય સ્કિન વાળા તેમાં થોડું દહીં કે પાણી મિક્સ કરીને પેસ્ટ બનાવે.

Disclaimer: આ લેખમાં આપવામાં આવેલી માહિતી સામાન્ય જાણકારી અને હેલ્થ એક્સપર્ટ્સના સૂચનો પર આધારિત છે. કોઈપણ આહાર કે ઉપાય અપનાવતા પહેલા તમારા ડોક્ટર અથવા સંબંધિત નિષ્ણાતની સલાહ અવશ્ય લેવી.

દવાઓ છોડો, અજમો અપનાવો… ગેસ, એસિડિટી અને ખાટા ઓડકાર દૂર કરવાનો ‘દેશી ઉપાય’