ભક્તિમાં ઓળઘોળ ! લડ્ડુ ગોપાલનો હાથ ખંડિત થતા પુજારી થયા ભાવવિભોર, ડોક્ટરે ચેકએપ કર્યુ પછી જ માન્યો આ ભક્ત,જુઓ Video
આગ્રામાં એક ચોંકાવનારો કિસ્સો સામે આવ્યો છે.જેમાં લડ્ડુ ગોપાલની મુર્તિ ખંડિત થતા આ પુજારી ચેકઅપ કરાવવા માટે હોસ્પિટલ પહોંચી જાય છે.
Viral : ભગવાન પ્રત્યેની આરાધના અને શ્રદ્ધાની તમે ઘણી કહાની સાંભળી હશે, પરંતુ ઉત્તર પ્રદેશના (Uttar Pradesh) આગ્રા જિલ્લામાં ભગવાનના અનોખી ભક્તિ (Devotee) સામે આવી છે. અહિંયા એક પૂજારી કૃષ્ણજીની મૂર્તિ ખંડિત થતા ખુબ ભાવવિભોર થઈ જાય છે અને નવાઈની વાત તો એ છે કે આ ભક્ત રડતા રડતા મુર્તિ લઈને હોસ્પિટલ (Hospital) પણ પહોંચી જાય છે.
આ ભક્તે ડોક્ટરને લડ્ડુ ગોપાલને હોસ્પિટલમાં દાખલ કરવા કહ્યું. જો કે પહેલા તો ડોક્ટરને કંઈ સમજાયું નહીં, પરંતુ બાદમાં ડોક્ટરે પૂજારીની લાગણીનું માન રાખીને ભગવાનની સારવાર શરૂ કરી.
જુઓ વીડિયો
लड्डू गोपाल की प्रतिमा का टूटा हाथ जुड़वाने अस्पताल पहुंचे पुजारी. देखें वीडियो #Agra pic.twitter.com/EcnxMOKsvb
— Hindustan Smart (@hindustan_smart) November 19, 2021
તમને જણાવી દઈએ કે, આગ્રાના (Agra District) શાહગંજ વિસ્તારમાં શુક્રવારે પૂજારી લેખ સિંહ મંદિરમાં પૂજા કરવા પહોંચ્યા. આ દરમિયાન તે પૂજા માટે ભગવાનને સ્નાન કરાવે છે અને ત્યારે તેના હાથમાંથી મૂર્તિ પડી જતા તે ખંડિત થઈ જાય છે.આ ઘટનાથી પૂજારી ખુબ દુઃખી થયા. બાદમાં રડતા-રડતા તે કૃષ્ણજીની મૂર્તિને ખોળામાં લઈને જિલ્લા હોસ્પિટલ પહોંચ્યા. એટલુ જ નહી આ પૂજારી લડ્ડુ ગોપાલને ત્યાંની હોસ્પિટલમાં દાખલ કરાવવાની જીદ પર અડગ હતા. જ્યારે ડોક્ટરોએ ના પાડી તો પૂજારી રડતા રડતા બેભાન થયા.જેથી તેનુ માન રાખીને ડોક્ટરે ભગવાનની સારવાર કરી.
30 વર્ષ પહેલા મુર્તિની પ્રતિષ્ઠા થઈ હતી
માહિતી અનુસાર, લેખ સિંહ શાહગંજના ખાસપુરા વિસ્તારના પથવારી મંદિરમાં પૂજારી છે. 30 વર્ષ પહેલા આ મંદિરમાં શ્રી કૃષ્ણની મૂર્તિની પ્રતિષ્ઠા કરવામાં આવી હતી. લેખ સિંહ નામના આ પુજારી બાળકની જેમ લડ્ડુ ગોપાલની સંભાળ રાખતા હતા. જેને કારણે મુર્તિ ખંડિત થતા આ ભક્ત ભાવવિભોર થઈ ગયા હતા.
આ પણ વાંચો: Viral Video: ભોજપુરી ગીત લોલીપોપ લગેલુ પર દાદીએ લગાવ્યા ઠુમકા, રમુજી વીડિયો સોશિયલ મીડિયામાં થયો વાયરલ
આ પણ વાંચો: ગજબ હો બાકી ! આ છે દુનિયાનો અનોખો ધોધ, જ્યાંથી દર સેકન્ડે નીકળે છે 300 લીટર પાણી
Latest News Updates
