નોઈડા એક્સપ્રેસ વે પર સ્કોર્પિયો ચાલકે કર્યો ખતરનાક સ્ટંટ, Video જોઈ સૌ કોઈ થયા સ્તબ્ધ
સોશિયલ મીડિયા પર વાયરલ વીડિયોમાં નંબર પ્લેટ વગરની બ્લેક સ્કોર્પિયો નોઈડા એક્સપ્રેસ વે પર કેટલાક ખતરનાક સ્ટંટ કરતી જોવા મળી રહી છે. સ્કોર્પિયોના ચાલકે એક જ સમયે ટ્રાફિકના અનેક નિયમોનું ઉલ્લંઘન કર્યું હતું,
સોશિયલ મીડિયા પર ડ્રાઇવિંગને લગતા ઘણા વીડિયો સોશિયલ મીડિયા પર વાયરલ થતા હોય છે. જેમાં ઘણા વીડિયોમાં ડ્રાઇવર ટ્રાફિકના નિયમોને ધ્યાનમાં રાખીને આવા સ્ટંટ કરતા જોવા મળે છે તો કેટલાક લોકો ટ્રાફિકના નિયમોનો ભંગ કરીને આ પ્રકારના સ્ટંટ કરતા જોવા મળે છે. નોઈડા એક્સપ્રેસવેનો આવો જ એક નવો વીડિયો વાયરલ થઈ રહ્યો છે.
સોશિયલ મીડિયા પર વાયરલ વીડિયોમાં નંબર પ્લેટ વગરની બ્લેક સ્કોર્પિયો નોઈડા એક્સપ્રેસ વે પર કેટલાક ખતરનાક સ્ટંટ કરતી જોવા મળી રહી છે. સ્કોર્પિયોના ચાલકે એક જ સમયે ટ્રાફિકના અનેક નિયમોનું ઉલ્લંઘન કર્યું હતું, ખતરનાક સ્ટંટ કરતી વખતે વાહનમાં નંબર પ્લેટ ન હતી અને વાહનમાં ટિન્ટેડ બારીઓ હતી. એવું માનવામાં આવે છે કે રીલ બનાવવા માટે આખો સ્ટંટ શૂટ કરવામાં આવ્યો હતો. વીડિયોમાં તમે જોઈશકો છો કે એક કાળા રંગની સ્કોર્પિયો ઝિગ-ઝેગ કરતા ખૂબ જ તેજ ગતિથી રસ્તા પર જઈ રહી હતી. ડ્રાઇવરના આ કૃત્યને કારણે રસ્તા પરના અન્ય મુસાફરોના જીવને પણ જોખમ ઉત્પન્ન થઈ શકે છે.
Scorpio driver performing dangerous stunts on Noida Expressway..How could someone be so careless..? #CP_Noida #trending #ViralVideo pic.twitter.com/53WE61DBR8
— SuVidha (@IamSuVidha) January 27, 2023
પોલીસ તપાસમાં જોતરાઈ
સોશિયલ મીડિયા પર આ વીડિયો સામે આવ્યા બાદ તે ઝડપથી વાયરલ થયો છે. આ વીડિયોને ટ્વિટર પર “IamSuVidha” નામની આઈડીથી શેર કરવામાં આવ્યો છે. સોશિયલ મીડિયા પર વીડિયો વાયરલ થતાં જ નોઈડા ફેઝ 1 પોલીસ સ્ટેશનની પોલીસ એક્શનમાં આવી ગઈ હતી અને ટ્રાફિક પોલીસ પણ તેના પર નજર રાખી રહી છે. હાલ સમગ્ર મામલાની તપાસ કરવામાં આવી રહી છે અને સ્કોર્પિયો ચાલકની પણ શોધખોળ હાથ ધરવામાં આવી છે.