“આસમાન સે ગીરે ઓર ખજૂર પે અટકે” ! પેરાગ્લાઈડિંગ દરમિયાન સેકન્ડોમાં ખેલ બદલાયો, વીડિયો જોઈને દંગ રહી જશો

સોશિયલ મીડિયા પર દરરોજ હજારો વીડિયો વાયરલ થતા હોય છે, પરંતુ અમુક વીડિયો એવા હોય છે જેને જોઈને તમે હલી જાઓ. અત્યારે એક એવો જ વીડિયો ઈન્ટરનેટ પર ધૂમ મચાવી રહ્યો છે, જે પેરાગ્લાઈડિંગનો શોખ રાખતા લોકો માટે ચેતવણી સમાન છે. આ વીડિયો જોયા પછી તમે એડવેન્ચર સ્પોર્ટ્સ કરતા પહેલા સો વાર વિચાર કરશો.

શું છે આ વીડિયોમાં?

પેરાગ્લાઈડિંગ કરતી વખતે સામાન્ય રીતે લોકો આકાશના નજારાનો આનંદ માણતા હોય છે, પરંતુ આ વાયરલ વીડિયોમાં કંઈક અલગ જ જોવા મળ્યું. વીડિયોની શરૂઆતમાં એક યુવતી હવામાં ઉડતી દેખાય છે, પણ અચાનક હવાનો પ્રવાહ કે ટેકનિકલ ખામીને કારણે તેનું સંતુલન બગડે છે. જોતજોતામાં પેરાગ્લાઈડર પટકાવા લાગે છે અને યુવતી આકાશમાંથી સીધી નીચેના ગાઢ વૃક્ષોમાં જઈ પડે છે. જાણે પેલી કહેવત સાચી પડી હોય કે ‘આભથી પડ્યા અને ખજૂરના ઝાડે અટક્યા’.

સોશિયલ મીડિયા પર પ્રતિક્રિયાઓનો ધોધ

આ વીડિયો એક્સ (ટ્વિટર) પર @gharkekalesh નામના એકાઉન્ટ પરથી પોસ્ટ કરવામાં આવ્યો છે, જેમાં કેપ્શન આપ્યું છે કે ‘આ ડરામણું છે’. વીડિયો જોયા બાદ લોકો જાતજાતની કોમેન્ટ્સ કરી રહ્યા છે. એક યુઝરે લખ્યું કે, “આ એડવેન્ચર છે કે સુસાઈડ મિશન?” જ્યારે અન્ય એક યુઝરે રમૂજમાં નોંધ્યું કે, “નીચે પડતી વખતે પણ તેના હાથમાંથી કેમેરા સ્ટિક ન છૂટી!”

Damn! This seems scary pic.twitter.com/DjclmC3NuH

— Ghar Ke Kalesh (@gharkekalesh) April 21, 2026

સલામતી સામે સવાલો

સદનસીબે આ દુર્ઘટનામાં યુવતીનો જીવ બચી ગયો હોય તેવું લાગે છે, પરંતુ આ ઘટનાએ સુરક્ષાના ધોરણો સામે મોટા સવાલો ઉભા કર્યા છે. એડવેન્ચર સ્પોર્ટ્સ કરાવતી સંસ્થાઓ પર કેટલો ભરોસો કરવો તે હવે ચર્ચાનો વિષય બન્યો છે. જો તમે પણ આગામી સમયમાં પેરાગ્લાઈડિંગ કરવાનું વિચારી રહ્યા હોવ, તો આ વીડિયો જોયા પછી તમારી હિંમત ચોક્કસથી ડગી જશે.

Vastu Tips: તમારા આશિયાનાને આપો આ 10માંથી કોઈ એક શુભ નામ, ઘરમાં આવશે સુખ-સમૃદ્ધિ અને અપાર શાંતિ!