Pakistan News : પ્રોજેક્ટ મિલાપ ! પાકિસ્તાની છોકરી, ભારતીય છોકરો… ‘મૈં હું ના’ સ્ટાઈલમાં થઈ સગાઈ !
Pakistan News : આ અનોખી કેકની તસવીર સોશિયલ મીડિયા પ્લેટફોર્મ ટ્વિટર પર શેર કરવામાં આવી છે અને કેપ્શનમાં લખ્યું છે કે, 'મારી બહેન હમણાં જ તેના ભારતીય બોયફ્રેન્ડ સાથે સગાઈ કરી છે'. આ ફની પોસ્ટને અત્યાર સુધીમાં 3 લાખ 49 હજારથી વધુ વખત જોવામાં આવી છે.
દેશભક્તિની ફિલ્મો ઘણીવાર લોકોમાં એક અલગ લાગણી અને ઉત્સાહ પેદા કરે છે. આવી ફિલ્મો જોયા પછી ઘણી વખત લોકો વિચારવા લાગે છે કે કાશ તેમના જીવનમાં પણ એવી તક હોય કે તેઓ તેમની દેશભક્તિ બતાવી શકે. જોકે દરેકના નસીબમાં આવું બનતું નથી. તમે શાહરૂખ ખાન અને સુનીલ શેટ્ટીની ફિલ્મ ‘મેં હૂં ના’ જોઈ હશે, જેમાં ભારત અને પાકિસ્તાન વચ્ચે ‘પ્રોજેક્ટ મિલાપ’ નામનું અભિયાન શરૂ થાય છે, જેને વિલન સુનીલ શેટ્ટી રોકવાનો પ્રયાસ કરે છે, પરંતુ છેવટે, તે અભિયાન શરૂ થઈ જ જાય છે. હાલમાં આ થીમ પર આધારિત એક વેડિંગ કેક સોશિયલ મીડિયા પર ખૂબ વાયરલ થઈ રહી છે, જેના પર લખ્યું છે ‘પ્રોજેક્ટ મિલાપ શુરુ’.
આ પણ વાંચો : Viral Video: કોલેજ ફંક્શનમાં યુવતીએ કર્યો એવો ડાન્સ કે બધા જોતા જ રહી ગયા, લોકોએ કહ્યું- સાડીમાં આવો ડાન્સ કરવો અશક્ય
સગાઈમાં બનાવી અનોખી કેક
વાસ્તવમાં મામલો એવો છે કે, એક પાકિસ્તાની છોકરી એક ભારતીય છોકરાના પ્રેમમાં પડી જાય છે, ત્યાર બાદ તેઓ લગ્ન કરવાનો નિર્ણય કરે છે. તે પહેલા તેની સગાઈ થાય અને તેણે સગાઈમાં બનાવેલી કેકની તસવીર સોશિયલ મીડિયા પર વાયરલ થઈ રહી છે. ચિત્રમાં તમે જોઈ શકો છો કે એક ખૂબ જ સાદી કેક બનાવવામાં આવી છે, જેના પર વિવિધ રંગોની ગુલાબની પાંખડીઓ સજાવવામાં આવી છે અને કેકની ઉપર જ એક નાની ગોળ ચોકલેટ મૂકવામાં આવી છે, જેના પર ફિલ્મી શૈલીમાં લખેલું છે. ‘Project Milaap Begins’ એટલે પ્રોજેક્ટ મિલાપ શરૂ.
‘પ્રોજેક્ટ મિલાપ’ની આ કેક જુઓ
my sister just got engaged to her indian boyfriend so you know we had to address the elephant in the room somehow pic.twitter.com/U25RxcJhco
— Mishal (@mishalengelo) February 19, 2023
આ અનોખી કેકની તસવીર સોશિયલ મીડિયા પ્લેટફોર્મ ટ્વિટર પર @mishalangelo નામની આઈડી સાથે શેર કરવામાં આવી છે અને કેપ્શનમાં લખ્યું છે, ‘મારી બહેનની હમણાં જ તેના ભારતીય બોયફ્રેન્ડ સાથે સગાઈ થઈ છે’. આ ફની પોસ્ટને અત્યાર સુધીમાં 3 લાખ 49 હજારથી વધુ વખત જોવામાં આવી છે, જ્યારે 4 હજારથી વધુ લોકોએ પોસ્ટને લાઈક કરીને અલગ-અલગ પ્રતિક્રિયાઓ આપી છે.
એક યુઝરે મજાકમાં લખ્યું છે કે, ‘દુનિયામાં ક્યાંક ને ક્યાંક આવું પણ થતું હોય છે અને અહીં મારા પેરેન્ટ્સ મને બીજી જ્ઞાતિના બોયફ્રેન્ડ બનાવવાની પણ પરવાનગી નથી આપતા’, જ્યારે અન્ય એક યુઝરે પણ આવી જ રીતે લખ્યું છે કે, ‘મારા પેરેન્ટ્સ તો મને બોયફ્રેન્ડ બનાવવાની પરવાનગી પણ નથી આપતા, તે કોણ છે તેનાથી કોઈ ફરક પડતો નથી.
