Animal Shocking Video Viral video : વ્યક્તિએ ચિત્તા સાથે આવી રીતે લીધી સેલ્ફી, લોકોએ પૂછ્યું – માણસ જીવતો છે કે ગયો….
ચિત્તા સાથે સેલ્ફી લેતા વ્યક્તિનો આ વીડિયો IFS ઓફિસર ક્લીમેન્ટ બેને ટ્વિટર પર શેર કર્યો છે. તેની સાથે કેપ્શનમાં લખ્યું છે કે, African Selfie, Cheetah style. લોકોએ પૂછ્યું - માણસ જીવતો છે કે નહીં?
અનોખી સેલ્ફી (Unique Selfie) લેવાની લાલસામાં લોકો પોતાનો જીવ જોખમમાં નાખવાથી ડરતા નથી. હાલમાં સોશિયલ મીડિયા (Social media) પર આવો જ એક વીડિયો (Video Viral) સામે આવ્યો છે, જેને જોઈને લોકો દંગ રહી ગયા છે. વાસ્તવમાં, વાયરલ ક્લિપમાં, એક વ્યક્તિ ચિત્તા સાથે સેલ્ફી લેતો બતાવવામાં આવ્યો છે. બન્યું એવું કે, જંગલ સફારી દરમિયાન અચાનક એક ચિત્તો કૂદીને કાર પર ચઢી ગયો. આ જોઈને અંદર બેઠેલો વ્યક્તિ ગભરાવાને બદલે તેની સાથે સેલ્ફી લેવા લાગ્યો. વીડિયોમાં જોઈ શકાય છે કે ચિત્તો વ્યક્તિના મોંની એકદમ નજીક બેઠો છે. હવે આ વીડિયો જોઈને નેટીઝન્સ પૂછી રહ્યા છે કે આ વ્યક્તિ જીવતો છે કે ગયો.
વાયરલ થઈ રહેલા વીડિયોમાં તમે જોઈ શકો છો કે, સફારી કારની આસપાસ એક ચિત્તો ઘૂમી રહ્યો છે. તે પછી અચાનક કૂદીને તેના પર ચઢી જાય છે. આ પછી, તે સનરૂફ પર કૂદી પડે છે અને ત્યાં આરામથી બેસી જાય છે. વીડિયોમાં જોઈ શકાય છે કે, ચિત્તાને ખૂબ નજીકથી જોઈને અંદર બેઠેલા પ્રવાસીઓ ગભરાઈ જાય છે. પરંતુ પછી ડ્રાઈવર મોબાઈલ કાઢી લે છે અને ચિતા સાથે સેલ્ફી લેવા લાગે છે. આ જોઈને પ્રવાસીઓ પણ દંગ રહી જાય છે. તેમાંના કેટલાક તો વિચારતા પણ હશે કે, આ વ્યક્તિ શું મૂર્ખતા કરી રહ્યો છે. એક ક્ષણ માટે તો ડ્રાઈવર પણ ગભરાઈ ગયો. પરંતુ તે પછી શું થાય છે તે તમે જાતે જ વીડિયોમાં જોઈ શકો છો.
અહીં જુઓ, ચિત્તા સાથે સેલ્ફીનો વીડિયો……..
African Selfie…Cheetah style pic.twitter.com/WnOHkB5J9D
— Clement Ben IFS (@ben_ifs) September 21, 2022
આ વીડિયો IFS ઓફિસર ક્લીમેન્ટ બેને ટ્વિટર પર શેર કર્યો છે. તેની સાથે કેપ્શનમાં લખ્યું છે કે, African Selfie, Cheetah style. વીડિયો પર અત્યાર સુધીમાં 73 હજારથી વધુ વ્યૂઝ આવી ચૂક્યા છે, જ્યારે લગભગ 3 હજાર લોકોએ તેને લાઈક કર્યો છે. તે જ સમયે, વીડિયો જોયા પછી, લોકો સતત ફની રીતે પ્રતિક્રિયા આપી રહ્યા છે. કેટલાકે તેને સેલ્ફી ઑફ ડીકેડ ગણાવી છે.
એક યુઝરે કોમેન્ટ કરતા લખ્યું, શું સેલ્ફી લેનારો દિવ્ય આત્મા જીવિત છે? તે જ સમયે અન્ય એક યુઝરે લખ્યું છે કે, આ તો ભાઈ ‘યમરાજ’ની સાથે સેલ્ફી થઈ ગઈ. અન્ય એક યુઝરે લખ્યું છે કે, વ્યક્તિની હિંમતને દાદ દેવી પડે. એકંદરે આ વીડિયો જોઈને લોકો ચોંકી ગયા છે અને ફની કોમેન્ટ પણ કરી રહ્યા છે.
