સંસદમાં ગુંજ્યા Gen-Z સ્લેંગ્સ, Delulu, FOMO અને Clocked It જેવા શબ્દોથી નેતાઓએ એકબીજા પર સાધ્યા નિશાન ! જાણો આ શબ્દોનો અર્થ

શાસક અને વિપક્ષ બંને પક્ષોના ઘણા સાંસદોએ તેમના ભાષણોમાં Clocked It, Delulu, FOMO, M.I.A. અને “Vaaste Guna Huiya” જેવા Gen-Z શબ્દોનો ઉપયોગ કર્યો. જ્યારે સોશિયલ મીડિયા પર વારંવાર સાંભળવામાં આવતા આ શબ્દો સંસદમાં ગુંજ્યા ત્યારે તે દરેક જગ્યાએ ચર્ચાનો વિષય બન્યો.

પહેલીવાર આટલા મોટા સ્તરે Gen-Zની ભાષા સંસદની કાર્યવાહી દરમિયાન સાંભળવા મળી. Gen-Z એટલે આજની યુવા પેઢી. જે સોશિયલ મીડિયા અને રોજિંદી વાતચીતમાં આવા શબ્દોનો ભરપૂર ઉપયોગ કરે છે. આ શબ્દો ભલે ટૂંકા હોય પરંતુ તેના અલગ-અલગ અર્થ હોય છે.

1. Clocked Itનો અર્થ છે કોઈ વાત, પરિસ્થિતિ અથવા સંકેતને બરાબર સમજી જવું અથવા તરત જ પકડી લેવું.
2. Delulu શબ્દ Delusion પરથી બન્યો છે. તેનો અર્થ છે કોઈ ગેરસમજ અથવા ભ્રમમાં જીવવું, અથવા હકીકતથી અલગ કલ્પનાઓમાં રહેવું.
3. FOMOનું નામ Fear Of Missing Out છે. એટલે કે કોઈ તક, ઇવેન્ટ અથવા મહત્વની ઘટનાથી વંચિત રહી જવાનો ડર.
4. M.I.A. (Missing In Action) નો ઉપયોગ એવી વ્યક્તિ માટે થાય છે, જે લાંબા સમયથી દેખાતી ન હોય અથવા કોઈ કામ કે પ્રવૃત્તિમાં સક્રિય ન હોય.

આ શબ્દો આજકાલ સોશિયલ મીડિયા પર ખૂબ સામાન્ય બની ગયા છે. યુવાનો વાતચીત, મીમ્સ અને રીલ્સમાં તેનો વારંવાર ઉપયોગ કરે છે. હવે, આ શબ્દો સંસદીય ચર્ચાનો પણ ભાગ બની ગયા છે.

‘વાસ્તે ગુના હુઇયા’ શબ્દનો અર્થ શું છે?

સંસદમાં કોંગ્રેસના સાંસદ દીપેન્દ્ર હુડ્ડાએ પોતાના ભાષણ દરમિયાન “વાસ્તે ગુના હુઇયા” શબ્દપ્રયોગનો પણ ઉલ્લેખ કર્યો હતો. આ સોશિયલ મીડિયા પર વાયરલ થયેલો એક મીમ અને ટ્રેન્ડિંગ શબ્દ છે. તેનો કોઈ સત્તાવાર અથવા નિશ્ચિત અર્થ નથી. પરંતુ લોકો તેનો ઉપયોગ મજાકમાં અથવા હળવા અંદાજમાં કરે છે.

સોશિયલ મીડિયાની ભાષા રાજકીય ચર્ચાનો ભાગ બની રહી છે?

Gen-Z ભાષા એક સમયે સોશિયલ મીડિયા, મીમ્સ અને રીલ્સ સુધી મર્યાદિત માનવામાં આવતી હતી. પરંતુ હવે તેનો પ્રભાવ રાજકારણમાં પણ અનુભવાઈ રહ્યો છે. આ જ કારણ છે કે, પહેલીવાર, સંસદીય ચર્ચામાં આટલા બધા Gen-Z શબ્દો સાંભળવામાં આવ્યા. એ સ્પષ્ટ છે કે સોશિયલ મીડિયા ભાષા ધીમે ધીમે જાહેર અને રાજકીય ચર્ચાનો ભાગ બની રહી છે.

આ પણ વાંચો, Credit Card: વિદેશમાં ક્રેડિટ-ડેબિટ કાર્ડનો ઉપયોગ થશે મોંઘો, Axis Bank અને Kotak Mahindra Bankએ વધારી DCC ફી