Viral Video : પોતાના લગ્નને દિવસે લેપટોપ લઇને ઓફિસનું કામ કરતી જોવા મળી દુલ્હન

હવે કોરોનાના ત્રીજી લહેરમાં (Corona Third Wave) ફરી એકવાર લોકોનું ઓફિસ જવાનું બંધ થઈ ગયું છે. ફરીથી સરકારી અને ખાનગી કંપનીઓએ તેમના કર્મચારીઓને ‘વર્ક ફ્રોમ હોમ’ (Work From Home) આપ્યું છે. આવી સ્થિતિમાં દરેક વ્યક્તિ ઘરેથી ઓફિસનું કામ કરી રહ્યા છે. હવે આવી સ્થિતિમાં ઘણા લોકો ઘરેથી કામ કરીને પરેશાન છે અને ઘણા ખુશ પણ છે.

ઘણા લોકો રોગચાળા વચ્ચે લગ્ન પણ કરી રહ્યા છે. હાલમાં એક વીડિયો સામે આવ્યો છે. જેમાં લગ્નના દિવસે એક દુલ્હન લેપટોપ લઈને ઓફિસનું કામ કરી રહી છે. આ વીડિયો ખરેખર ફની છે અને વાયરલ થઈ રહ્યો છે.

વાયરલ થઈ રહેલા વીડિયોમાં જોઈ શકાય છે કે એક દુલ્હન પોતાના લગ્નના દિવસે પણ લેપટોપ લઈને ઓફિસનું કામ કરી રહી છે. વીડિયોમાં તમે જોઈ શકો છો કે એક દુલ્હન જે તૈયાર થઈ રહી છે તે લેપટોપ લઈને બેઠી છે અને તેના સિનિયર સાથે ફોન પર કામ વિશે વાત કરી રહી છે. તે ખૂબ જ પરેશાન પણ દેખાય છે.

આગળ તમે જોશો કે દુલ્હન સંપૂર્ણ રીતે તૈયાર છે અને છતાં તે લેપટોપ લઈને તેના સિનિયર સાથે કામ વિશે વાત કરી રહી છે અને નારાજ થઈને કહે છે કે સર આજે મારા લગ્ન છે, આજે હું કામ કરી શકીશ નહીં.

View this post on Instagram

A post shared by Glammed by Sona Kaur (@officialsonakaur)

હવે આ વીડિયો જોયા પછી તમે એટલો અંદાજ લગાવી શકો છો કે વર્ક ફ્રોમ હોમને કારણે લોકોની શું હાલત થઈ હશે. વર્ક ફ્રોમ હોમ થયું હોવાથી લોકોને ઓછી રજાઓ મળી રહી છે.  લોકો આ વીડિયોને ખૂબ પસંદ કરી રહ્યા છે. આ સાથે જ લોકો પોતાની લાઈક્સ અને કમેન્ટ દ્વારા ઘણી પ્રતિક્રિયાઓ પણ શેર કરી રહ્યા છે.

આ વીડિયો સોશિયલ મીડિયા પ્લેટફોર્મ ઈન્સ્ટાગ્રામ પર શેર કરવામાં આવ્યો છે. તમે officialsonakaur નામના પેજ પર આ વીડિયો જોઈ શકો છો. આ વીડિયો સોશિયલ મીડિયા પર ખૂબ જ વાયરલ થઈ રહ્યો છે. લોકોની પ્રતિક્રિયાઓ વિશે વાત કરીએ તો, એક યુઝરે લખ્યું – મને ડર છે કે મારા લગ્નમાં મારી સાથે આવું ન થાય. બીજાએ લખ્યું – બિચારી. આ સિવાય વીડિયોના કોમેન્ટ સેક્શનમાં શાનદાર, ફની વીડિયો અને બિચારી દુલ્હન જેવી કોમેન્ટ જોવા મળી રહી છે.

આ પણ વાંચો –

Video : DJ ના તાલમાં દાદા-દાદીએ માર્યા ઠુમકા, એનર્જેટિક ડાન્સ જોઈને યુઝર્સ પણ દંગ રહી ગયા

આ પણ વાંચો –

બોયફ્રેન્ડ પાસે જે મકાનનું ભાડુ ભરાવી રહી હતી, બાદમાં ગર્લફ્રેન્ડ જ નીકળી એ મકાનની માલિક