WhatsApp યુઝર્સ ફ્રીમાં મેળવી શકશે હેલ્થ સંબંધિત સવાલોના જવાબ અને ડેઈલી હેલ્થ ટિપ્સ, કંપનીએ રજુ કર્યું નવું ચેટબોટ
હેલ્થ ટીપ્સ (Health Tips)ને વેરિફાઈ કરવા માટે કંપની દ્વારા એક ચેટ બોટ લોન્ચ કરવામાં આવ્યું છે. THIP મીડિયા (THIP Media)દ્વારા નવા ચેટબોટ 'Ask Raksha'ની જાહેરાત કરવામાં આવી છે અને તે એક ફેક્ટ-ચેકિંગ પ્લેટફોર્મ છે.
વોટ્સએપ (WhatsApp)એ ભારતમાં વિશ્વમાં સૌથી વધુ માસિક સક્રિય વપરાશકર્તાઓ સાથેની મેસેજિંગ એપ્લિકેશન છે. આ સાથે, એપ્લિકેશન કેટલાક કિસ્સાઓમાં માહિતી અથવા ખોટી માહિતી ફેલાવવાનું એક વિશાળ પ્લેટફોર્મ બની ગયું છે. રાજનીતિ, આરોગ્ય, લોકોને લગતા સંદેશાઓ ફોરવર્ડ કરવામાં આવે છે, જે ચેટની અંદર ચાલતી અનવેરીફાઈડ માહિતીનો વિશાળ ડેટાબેઝ બનાવીને લાખોની સંખ્યામાં મોકલવામાં આવે છે. ફેક ન્યૂઝને દૂર કરવામાં મદદ કરવા માટે, કંપનીએ ભૂતકાળમાં કેટલાક ફેક્ટ ચેકર્સ ઉમેર્યા છે. હવે હેલ્થ ટીપ્સ (Health Tips)ને વેરિફાઈ કરવા માટે કંપની દ્વારા એક ચેટ બોટ લોન્ચ કરવામાં આવ્યું છે. THIP મીડિયા (THIP Media)દ્વારા નવા ચેટબોટ ‘Ask Raksha’ની જાહેરાત કરવામાં આવી છે અને તે એક ફેક્ટ-ચેકિંગ પ્લેટફોર્મ છે.
THIP મીડિયા એ ઇન્ટરનેશનલ ફેક્ટ ચેકિંગ નેટવર્ક (IFCN) છે જે આરોગ્ય, દવા, આહાર અને સારવાર વિશેના ભ્રામક સમાચાર અને દાવાઓની તપાસ કરવા માટે ચકાસાયેલ તબીબી વ્યાવસાયિકો સાથે કામ કરે છે. આ પ્લેટફોર્મ અંગ્રેજી, હિન્દી, બંગાળી, પંજાબી, ગુજરાતી અને નેપાળી ભાષામાં પ્રકાશિત થાય છે.
રક્ષાનો અર્થ છે રેડીલી એક્સેસિબલ નોલેજ એન્ડ સપોર્ટ ફોર હેલ્થ એક્શન. તે WhatsApp બિઝનેસ પ્લેટફોર્મ પર બનેલ છે અને તેનો ઉપયોગ ભારતીય નાગરિકો દ્વારા કોઈપણ સ્વાસ્થ્ય માહિતીની ફેક્ચ ચેકના જવાબો મેળવવા માટે મફતમાં કરી શકાય છે.
આ સિવાય યુઝર્સ તેમના સ્વાસ્થ્ય સંબંધિત પ્રશ્નોના જવાબો પણ સીધા મેળવી શકે છે. વપરાશકર્તાઓ દૈનિક સ્વાસ્થ્ય ટિપ્સ પર સબ્સ્ક્રાઇબ પણ કરી શકે છે અથવા તેમના હેલ્થ નોલેજ માટે ક્વિઝ લઈ શકે છે. ચેટબોટ હાલમાં અંગ્રેજીમાં છે પરંતુ કંપનીએ પુષ્ટિ કરી છે કે તેનું હિન્દી અને બંગાળી વર્ઝન ટૂંક સમયમાં જ લોન્ચ કરવામાં આવશે.
વોટ્સએપ પર Rakshaને કેવી રીતે ઍક્સેસ કરવું
ચેટબોટની ઍક્સેસ માટે અને રક્ષા સાથે વાતચીત શરૂ કરવા માટે, વપરાશકર્તાઓએ WhatsApp પર +91-85078-85079 નંબર પર “Hi” મોકલવાની જરૂર રહેશે.
વ્હોટ્સએપ ઈન્ડિયાના પબ્લિક પોલિસીના ડાયરેક્ટર શિવનાથ ઠુકરાલે જણાવ્યું હતું કે, “અમે ‘Ask RAKSHA’ના લોન્ચને સપોર્ટ કરતા આનંદ અનુભવીએ છીએ. હેલ્ધી ઈન્ડિયન પ્રોજેક્ટના ચેટબોટ વોટ્સએપ બિઝનેસ પ્લેટફોર્મ પર બનાવામાં આવ્યું છે જે યુઝર્સને સ્વતંત્ર થર્ડ પાર્ટી ફેક્ટ ચેકર સાથે વિશ્વસનીય સ્વાસ્થ્ય સંબંધી જાણકારી સુધી પહોંચવા મદદ કરશે જે ઇન્ટરનેશનલ ફેક્ટ-ચેકિંગ નેટવર્ક દ્વારા પ્રમાણિત છે.
છેલ્લા બે વર્ષોમાં, અમે લોકોને સચોટ અને ચકાસાયેલ COVID સંબંધિત માહિતી સરળતાથી ઍક્સેસ કરવામાં મદદ કરવા માટે WhatsApp પર MyGov કોરોના હેલ્પડેસ્ક શરૂ કરવા માટે ભારત સરકાર સહિત અનેક NGO અને સરકારી મંત્રાલયો સાથે ભાગીદારી કરી છે. AskRaksha એ સુનિશ્ચિત કરવા માટે બીજી ભાગીદારી છે કે નાગરિકોને આરોગ્ય સંબંધિત પ્રશ્નો વિશે વિશ્વસનીય માહિતીની ઍક્સેસ કરે.
આ પણ વાંચો: Tech Tips : Instagram પર મેળવવા માંગો છો બ્લૂ ટિક ? આ ટ્રિક આવશે કામ, જાણો સ્ટેપ બાય સ્ટેપ પ્રોસેસ
આ પણ વાંચો: Tech News: Google Play Store દ્વારા ડઝનેક એપ્સ પર મુકાયો પ્રતિબંધ, ગુપ્ત રીતે કરતી હતી યુઝર્સના ડેટાની ચોરી
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો
Latest News Updates
