Tech Tips: કારનું સ્પીડોમીટર અચાનક કામ કરવાનું બંધ કરી દે તો ગૂગલ કરશે મદદ, કરો આ સરળ સેટિંગ

ઘણી વખત ડ્રાઇવિંગ કરતી વખતે, રસ્તા પર સ્પીડ લિમિટનું બોર્ડ જોઈને આપણે બધા સ્પીડોમીટર તરફ નજર કરીએ છીએ, પરંતુ શું તમે ક્યારેય વિચાર્યું છે કે જ્યારે કારનું સ્પીડોમીટર અચાનક કામ કરવાનું બંધ કરી દે છે ત્યારે શું થાય છે? તમને કેવી રીતે ખબર પડશે કે કાર કેટલી સ્પીડ (Car Speed) પર દોડી રહી છે. જો સ્પીડ રોડ પર દર્શાવેલ મર્યાદા કરતાં વધી જાય તો દંડ થવાની શક્યતા રહે છે. જો તમારી સાથે ક્યારેય આવી પરિસ્થિતિ થાય, તો ગૂગલ (Google) તમારી મદદ કરશે.

ગૂગલ તમને કેવી રીતે મદદ કરશે?

યુઝર્સની આ સમસ્યાને દૂર કરવા માટે ગૂગલ પાસે એક અદભૂત એપ છે અને આ એપનું નામ છે ગૂગલ મેપ્સ. આ એપ તમને માત્ર રસ્તો બતાવવામાં જ મદદ કરે છે એવું નથી, પરંતુ તેમાં એક ફીચર પણ છે જે તમને ડ્રાઇવિંગ કરતી વખતે તમારી કારની સ્પીડ વિશે માહિતી આપવામાં મદદ કરે છે.

હવે તમે વિચારતા હશો કે ગુગલ મેપ્સમાં તો આવું ફીચર છે તો પછી આ ફીચર ક્યાં છુપાયેલું છે? આ સુવિધાને કેવી રીતે સક્ષમ કરવી, તમારા ઘણા પ્રશ્નો હશે, તો ચાલો આ બધા પ્રશ્નોના વિગતવાર જવાબ મેળવીએ. તમે Google Maps સ્પીડોમીટર સુવિધાને કેવી રીતે સક્ષમ કરી શકો છો.

Google Maps Speedometer ને આવી રીતે એનેબલ કરો

• જો તમારી કારનું સ્પીડોમીટર અચાનક કામ કરવાનું બંધ કરી દે, તો તમારે ગભરાવાની જરૂર નથી, તમારે ફક્ત ફોન પર ગૂગલ મેપ્સ એપ ઓપન કરવાની રહે છે.
• ગૂગલ મેપ્સ ખોલ્યા પછી, તમારે એપ્લિકેશનની ઉપર જમણી બાજુએ દેખાતા તમારા પ્રોફાઇલ ફોટો પર ટેપ કરવું પડશે.
• પ્રોફાઈલ ફોટો પર ટેપ કરતાની સાથે જ તમારી સામે ઘણા બધા ઓપ્શન ખુલશે. તેમાં સૌથી નીચે સેટિંગ્સ ઓપ્શન દેખાશે.
• સેટિંગ્સ પર ટેપ કર્યા પછી, તમારે નેવિગેશન વિકલ્પ પર જવું પડશે, તે પછી તમને ડ્રાઇવિંગ વિકલ્પમાં સ્પીડોમીટરનો વિકલ્પ દેખાશે. અહીંથી આ સુવિધાને સક્ષમ કરો.

આ પણ વાંચો : Instagram Fraud: ઓનલાઈન ખરીદી કરતી વખતે રહો સાવચેત, ઈન્સ્ટાગ્રામ પર પ્રોડક્ટની ફેક જાહેરાત દ્વારા છેતરપિંડી 

ઉપર જણાવેલ સ્ટેપ્સ ફોલો કર્યા પછી, જ્યારે પણ તમે ડ્રાઇવિંગ કરતી વખતે ગૂગલ મેપ્સની મદદથી નેવિગેટ કરશો, ત્યારે તમને તમારી કારની સ્પીડ દેખાશે.

ટેક્નોલોજીના તમામ સમાચાર વાંચવા માટે અહીં ક્લિક કરો