ભારતનો AI યુગ, AI માં ઈન્ડિયાની મોટી છલાંગ, મોદી સરકારની નીતિઓ ભવિષ્યને બદલી રહી છે
AI Revolution : મોદી સરકાર ભારતમાં AI ક્રાંતિ લાવી રહી છે. IndiaAI મિશન હેઠળ કરોડોનું રોકાણ કરવામાં આવ્યું છે. AI ડેટા પ્લેટફોર્મ, સસ્તું કમ્પ્યુટિંગ અને શિક્ષણમાં AI વિસ્તરણ સ્ટાર્ટઅપ્સ અને સંશોધકો માટે નવી તકો પૂરી પાડી રહ્યા છે. ભારત વૈશ્વિક AI લીડર બનવાના માર્ગે છે.
ભારતમાં આર્ટિફિશિયલ ઇન્ટેલિજન્સ (AI) ઝડપથી વિસ્તરી રહ્યું છે અને તેની પાછળ વડા પ્રધાન મોદીની દૂરંદેશી નીતિઓ છે. પહેલીવાર સરકાર સીધા જ AI ઇકોસિસ્ટમ વિકસાવી રહી છે. જે વિદ્યાર્થીઓ, સ્ટાર્ટઅપ્સ અને સંશોધકોને સુલભ અને સસ્તું કમ્પ્યુટિંગ પાવર પ્રદાન કરે છે.
IndiaAI મિશન અને GPU ઈન્ફ્રાસ્ટ્રક્ચર
2024માં મંજૂર કરાયેલા 10,300 કરોડ રૂપિયાના IndiaAI મિશન હેઠળ ભારત ભારતીય ભાષાઓ માટે કસ્ટમાઇઝ્ડ પોતાના AI મોડેલ અને સોલ્યુશન્સ વિકસાવી રહ્યું છે. સરકારે 18,693 હાઇ-એન્ડ GPU ઉપલબ્ધ કરાવ્યા છે. જે વિશ્વના સૌથી મોટા AI મોડેલોમાંના એક છે. GPU માર્કેટપ્લેસ ખુલવાથી નાના ઇનોવેટર્સને સશક્ત બનાવવામાં આવ્યા છે.
AI ડેટા પ્લેટફોર્મ અને કૌશલ્ય વિકાસ
સરકાર indiaAI Dataset Platform દ્વારા સ્ટાર્ટઅપ્સને ઓપન ડેટા એક્સેસ પ્રદાન કરી રહી છે. જેનાથી AI નવીનતાને પ્રોત્સાહન મળી રહ્યું છે. AI શિક્ષણને ટાયર-2 અને ટાયર-3 શહેરોમાં લઈ જવા માટે ડેટા અને AI લેબ્સની સ્થાપના કરવામાં આવી રહી છે. ભારત વૈશ્વિક AI કૌશલ્યના પ્રવેશમાં પ્રથમ ક્રમે છે, જે AI પ્રતિભાના વિસ્તરણને આગળ ધપાવશે.
નવીનતા અને AI લીડરશિપ
BharatGen, Sarvam-1 અને Chitralekha જેવા ભારતના AI મોડેલો ભારતીય ભાષાઓને પ્રોત્સાહન આપી રહ્યા છે. ભારત AI સ્ટાર્ટઅપ્સ અને રોકાણોમાં વિશ્વના અગ્રણી દેશોમાં જોડાયું છે. AI ક્ષેત્રમાં આ ઉભરતું ભારત વિશ્વ માટે એક નવી દિશા નક્કી કરી રહ્યું છે.
