Apple ની ચેતવણી, ભારત સહિત 92 દેશોમાં iPhone યુઝર્સ પર મંડરાઈ રહ્યો છે આ મોટો ખતરો
Appleએ iPhone પર પેગાસસ જેવા સ્પાયવેર એટેકનો ખતરો વ્યક્ત કર્યો છે. આઈફોન યુઝર્સને ભાડૂતી સ્પાયવેર દ્વારા નિશાન બનાવવામાં આવી રહ્યા છે. આના દ્વારા આઇફોન એક્સેસ કરવાનો પ્રયાસ કરવામાં આવી રહ્યો છે.
iPhone યુઝર્સ એલર્ટઃ જો તમે iPhone યુઝર છો તો આ સમાચાર તમારા માટે છે. ખરેખર, એપલે ભારત સહિત 92 દેશોના iPhone યુઝર્સને એલર્ટ કર્યા છે. આ સૂચના Apple દ્વારા 10 એપ્રિલે મોકલવામાં આવી છે, જેમાં દાવો કરવામાં આવ્યો છે કે ભારત સહિત 92 દેશોમાં આઇફોન વપરાશકર્તાઓને સ્પાયવેર એટેક દ્વારા નિશાન બનાવી શકાય છે.
તમને જણાવી દઈએ કે એપલે પોતાના નોટિફિકેશનમાં પેગાસસ જેવા સ્પાયવેર એટેકનો ખતરો વ્યક્ત કર્યો છે. જો તમે પણ iPhone યુઝર છો તો તમારે સાવધાન રહેવું જોઈએ. ઉપરાંત, iPhone નો ઉપયોગ કરતી વખતે થોડી સાવધાની રાખવી જોઈએ.
Stepbrother of Hardik Pandya arrested for cheating cricketer of Rs 4.3 crore fraud#TV9News #TV9Gujarati pic.twitter.com/AMFzwsXcqP
— Tv9 Gujarati (@tv9gujarati) April 11, 2024
સ્પાયવેર પરવાનગી વગર ઇન્સ્ટોલ થઈ જાય છે
આજના સમયમાં પેગાસસ જેવા સ્પાયવેર દ્વારા લોકોને નિશાન બનાવવામાં આવી રહ્યા છે. આ સ્પાયવેર તમારા ઉપકરણ પર પરવાનગી વિના ઇન્સ્ટોલ થઈ જાય છે અને તમને તેના વિશે ખબર પણ નથી હોતી. એપલે પોતાના એલર્ટમાં કહ્યું છે કે આઇફોન યુઝર્સને પેગાસસ જેવા અન્ય ભાડૂતી સ્પાયવેર દ્વારા નિશાન બનાવી શકાય છે. જેથી સાયબર અપરાધીઓ તમારા આઇફોનને એક્સેસ કરી શકે
જો તમે ભોગ બનશો તો શું થશે?
જો તમારો iPhone ટાર્ગેટેડ છે તો તમારા iPhoneની અનધિકૃત એક્સેસ અન્ય લોકો સુધી પહોંચશે. ભાડૂતી સ્પાયવેરનો ઉપયોગ અમુક ચોક્કસ લોકો અને તેમના ઉપકરણોને લક્ષ્ય બનાવવા માટે થાય છે. આ સ્પાયવેર ઈઝરાયેલના NSO ગ્રુપના પેગાસસ જેવું છે. આ સ્પાયવેર હુમલામાં લાખો ડોલરનો ખર્ચ થાય છે. તેમને શોધવું અને અટકાવવું ખૂબ મુશ્કેલ છે.
Apple દ્વારા iPhone યૂઝર્સને મોકલવામાં આવેલ ઈમેલમાં લખ્યું છે, ‘Apple એ શોધ્યું છે કે તમે ‘Mercenary Spyware’ હુમલાનો શિકાર છો, જે તમને તમારા Apple ID -xxx- સાથે સંકળાયેલ iPhoneને રિમોટલી હેક કરવાની મંજૂરી આપે છે. કૃપા કરીને આને ગંભીરતાથી લો.’ રિપોર્ટમાં કહેવામાં આવ્યું છે કે એપલ દ્વારા એક ધમકી સૂચના પણ જારી કરવામાં આવી છે, જે પરિસ્થિતિની ગંભીરતા દર્શાવે છે.