UPI Payment: UPI કરતા સમયે કપાય ગયા છે પૈસા, પરંતુ રિસીવરને કે તમને નથી મળ્યા તો પરત મેળવવા ફક્ત આટલું કરો

છેલ્લા કેટલાક વર્ષોમાં ભારતમાં ડિજિટલ પેમેન્ટનું ચલણ વધ્યું છે. ડિજિટલ પેમેન્ટ (Digital Payment)માં પણ UPI દ્વારા પેમેન્ટ કરનારા લોકોની સંખ્યા વધારે છે. યુપીઆઈ (UPI)વડે પેમેન્ટ કરવું એકદમ સરળ અને સુવિધાજનક છે, પરંતુ ઘણી વખત તમારા ખાતામાંથી પૈસા કપાઈ જાય છે, આવી સ્થિતિમાં બેંકો અથવા વેપારીઓ તમને 2-3 દિવસ રાહ જોવાનું કહે છે. સામાન્ય રીતે આ 2-3 દિવસમાં તમારા પૈસા પરત આવે છે અથવા વેપારીના ખાતામાં જાય છે. પરંતુ કેટલાક કિસ્સાઓમાં એવું પણ બને છે જ્યારે સામેવાળી વ્યક્તિને પૈસા ન તો મળતા હોય છે અને ન તો તે તમારા ખાતામાં પરત આવ્યા હોય છે. આવી સ્થિતિમાં શું કરવું તે અંગે લોકોમાં અસમંજસની સ્થિતિ છે. આજે અમે તમને જણાવીશું કે આવી સ્થિતિમાં તમારે શું કરવું જોઈએ.

NPCI સમસ્યાનો ઉકેલ લાવશે

NPCI (National Payment Corporation of India) UPI વ્યવહારો માટે મધ્યસ્થી તરીકે કામ કરે છે. એટલે કે UPIની તમામ ચુકવણી આ સિસ્ટમ હેઠળ થાય છે. જો તમારા પૈસા ઉપર જણાવેલ પરિસ્થિતિમાં ક્યારેય ફસાઈ જાય તો તમે NPCI દ્વારા તમારા પૈસા પાછા મેળવી શકો છો. આવા નિષ્ફળ અથવા એરર ટ્રાંજેક્શન માટે તમારે તાત્કાલિક NPCI નો સંપર્ક કરવો જોઈએ. નીચે અમે સમજાવીશું કે તમે NPCI ને ફરિયાદ કેવી રીતે કરી શકો.

આ રીતે ફરિયાદ કરો

જો તમારો ટ્રાન્ઝેક્શન 3-4 દિવસ પછી પણ અટકી જાય તો તમારે તાત્કાલિક NPCI નો સંપર્ક કરવો જોઈએ. NPCI નિયત સમયે તમારી સમસ્યાનું નિરાકરણ કરશે. તમે નીચે જણાવેલ પદ્ધતિઓ દ્વારા NPCI નો સંપર્ક કરી શકો છો.

1. ફોન દ્વારા

તમે તમારા ટ્રાન્ઝેક્શન વિશે NPCIને તેના ટોલ ફ્રી નંબર પર ફરિયાદ કરી શકો છો. તમારે 18001201740 પર કોલ કરવાનો રહેશે. આ પછી, તમારા ટ્રાન્ઝેક્શન નંબર સાથે ફરિયાદ નોંધો.

2. પોર્ટલની મદદથી

NPCI સાથે ફરિયાદ નોંધાવવાની બીજી રીત પોર્ટલ દ્વારા છે. આ માટે તમારે NPCI ના પોર્ટ પર જવું પડશે. ત્યાં Get In Touch ના વિકલ્પ પર ક્લિક કરો. આ પછી તમારી સામે એક પેજ ખુલશે જેમાં એક પ્રકારનું ફોર્મ બનશે. તમારે તેમાં તમારું નામ, ઈમેલ આઈડી, મોબાઈલ નંબર અને તમારી સમસ્યા વગેરે ભરવાનું રહેશે. તે પછી સબમિટ કરો.

3. ટ્વિટર દ્વારા

જો તમે ટ્વિટરનો ઉપયોગ કરો છો, તો તમારા માટે ફરિયાદ નોંધાવવા માટે પણ આ એક સારો વિકલ્પ છે. આ માટે તમારે પહેલા ટ્વિટર પર જઈને NPCIને ફોલો કરવાનું રહેશે. NPCI ને અનુસર્યા પછી તેના પ્રોફાઇલ પેજ પર જાઓ. હવે સૌથી ઉપરના મેસેજ આઇકોન પર ક્લિક કરો. તે પછી તમારી સમસ્યા જણાવો. તમારી ફરિયાદ નોંધવા માટે, તમારે તમારું નામ, મોબાઇલ નંબર, UPI ID, ટ્રાન્ઝેક્શન નંબર, રિસીવર બેંક, સેંડર બેંક અને કેટલીક અન્ય માહિતી પ્રદાન કરવી પડશે. આ પછી તમારી ફરિયાદ નોંધવામાં આવશે.

આ પણ વાંચો: Rahu Ketu Transit 2022: આ વખતે હોળી પર ગ્રહોનું મોટુ પરિવર્તન, આ રાશિઓની લાઈફ થશે ખુબ રંગીન

આ પણ વાંચો: PM Kisan: અટકી શકે છે 11માં હપ્તાના બે હજાર, 31 માર્ચ પહેલા પૂરૂ કરી લો આ કામ