Tokyo Olympics: વિનેશ ફોગાટ ટોક્યો પહોંચવામાં મોડી પડી, મેડલની પ્રબળ દાવેદારના વિઝા ખતમ થતાં મુશ્કેલી થઈ
પ્રથમ દિવસે વેઈટલિફ્ટીંગમાં મીરાબાઈ ચાનૂ (Mirabai Chanu)એ ઐતિહાસીક સિલ્વર મેડલ બાદ મોટેભાગે એથલેટોથી નિરાશા મળી છે. હવે ભારતની નજર બેડમિન્ટન, બોક્સિંગ અને કુશ્તી જેવી મેચોથી છે.
ટોક્યો ઓલિમ્પિક 2020માં (Tokyo Olympics 2020) ભારત માટે અત્યાર સુધી પરીણામો સારા નથી રહ્યા. રહી વાત કુશ્તીની તો તેની ટક્કર શરુ થવાની બાકી છે. આવામાં તમામ પહેલવાનો હજુ સુધી ટોક્યો પહોંચ્યા નથી. જેમાંથી એક છે, વિનેશ ફોગાટ (Vinesh Phogat). જેને ટોક્યો પહોંચવામાં એક દિવસ મોડુ થઈ ચુક્યુ છે. કારણ કે તેના યૂરોપીયન યૂનિયન વિઝા (EU)ખતમ થયા હતા. જેના કારણે તેણે રોકાવુ પડ્યુ હતુ.
પ્રથમ દિવસે વેઈટલિફ્ટીંગમાં મીરાબાઈ ચાનૂ (Mirabai Chanu)એ ઐતિહાસીક સિલ્વર મેડલ બાદ મોટેભાગે એથલેટોથી નિરાશા મળી છે. હવે ભારતની નજર બેડમિન્ટન, બોક્સિંગ અને કુશ્તી જેવી મેચોથી છે. જેનાથી બેડમિન્ટનમાં પીવી સિંધુ અને બોક્સિંગમાં એમસી મેરીકોમ અને લવલિના બોરગોહેને સફળતા મળી ચુકી છે.
મીડિયા રિપોર્ટનુસાર વિનેશ મંગળવારે 27 જૂલાઈએ ફ્રેન્કફર્ટથી ટોક્યો માટે પોતાની ઉડાન નહોતી ભરી શકી. કારણ કે ઈયૂ વિઝા વિનાની અવધી એક દિવસ પહેલા જ ખતમ થઈ ગઈ હતી. વિનેશ પાછળના કેટલાક સપ્તાહોથી હંગેરીમાં પોતાના કોચ વોલર અકોસ સાથે ટ્રેનિંગ કરી રહી હતી. તેને મંગળવારે જ ટોક્યો પહોંચવાનું હતુ. જોકે જર્મનીના શહેર ફ્રેન્કફર્ટથી જે કનેક્ટીંગ ફ્લાઈટ તેણે પકડવાની હતી, તેમાં તે મુસાફરી કરી શકી નહોતી. કારણ કે વીઝાની સમય મર્યાદા ખતમ થઈ જતા તેને એરપોર્ટ પર જ રોકી દેવામાં આવી હતી.
ભારતીય દૂતાવાસ લાવ્યુ ઉકેલ
આ અંગે ભારતીય ઓલિમ્પિક સંઘ (IOA)ના સૂત્રોએ બતાવ્યુ હતુ કે મામલાને ઉકેલી લેવામાં આવ્યો છે. તે બુધવારે 28 જુલાઈએ ટોક્યો પહોંચી જશે. રિપોર્ટ મુજબ આ એક ભૂલ હતી અને તે જાણીને કરવામાં આવેલી નહોતી. તેના વિઝા 90 દિવસ માટે માન્ય હતા. પરંતુ બુડાપેસ્ટથી ફ્રેન્કફર્ટ પહોંચવા પર ખ્યાલ આવ્યો કે તે 91 દિવસ માટે યૂરોપિયન યૂનિયનમાં હતી. ભારતીય સ્પોર્ટસ ઓથોરીટી (SAI)એ આ મામલાને ઝડપથી હાથ પર લીધો હતો. ત્યારબાદ ફ્રેન્કફર્ટમાં ભારતીય વાણીજ્ય દૂતાવાસ મામલાને ઉકેલવા માટે એરપોર્ટ પર પહોંચ્યુ હતુ. વિનેશ આવતીકાલે ટોક્યોમાં હશે.
વિનેશ આજે રાત્રે ફ્રેન્કફર્ટ એરપોર્ટની એક હોટલમાં રોકાણ કરશે અને બુધવારે બપોરે 12.15 કલાકે (જર્મન સમયનુસાર) ટોક્યો માટે રવાના થશે. જોકે નીકળતા પહેલા તેણે RT-PCR ટેસ્ટ કરાવવો પડશે. જે ટોક્યોમાં પહોંચવા માટે જરુરી છે. સાથે જ ટોક્યો પહોંચવા પર એરપોર્ટમાં તેનું પરીક્ષણ કરવામાં આવશે.
જીતની દાવેદાર છે વિનેશ ફોગાટ
વિનેશ ફોગાટ આ ઓલિમ્પિકમાં ભારત તરફથી મેડલની દાવેદાર એથલેટોમાંથી એક છે. તે મહિલાઓના 53 કિલોગ્રામ ફ્રીસ્ટાઈલમાં હિસ્સો લઈ રહી છે. 2016માં રિયો ઓલિમ્પિકની તેની નિરાશા દુર કરવા માટે તે પ્રયત્ન કરશે. વિનેશ ઉપરાંત પુરુષોમાં ભારત તરફથી વિશ્વમાં નંબર વન પહેલવાન બજરંગ પૂણીયા મહત્વનો દાવેદાર છે. રેસલીંગના મેડલ ઈવેન્ટસ 2 ઓગસ્ટથી શરુ થશે.