ક્રિકેટમાં Fixingની કહાની બહુ જૂની નથી, IPL સીઝન પણ આવી ચૂકી છે મેચ ફિક્સિંગની ઝપેટમાં

ભારતમાં વર્લ્ડ કપ શરુ થવાને માત્ર 15 દિવસ બાકી છે. દુનિયાભરના ક્રિકેટ ચાહકો આ મોટી ટૂર્નામેન્ટની રાહ જોઈ રહ્યા છે. પરંતુ આ પહેલા ક્રિકેટ જગતમાં ખળભળાટ મચી ગયો છે, કારણ કે આઈસીસીએ એક લીગમાં મેચ ફિક્સિંગનો ખુલાસો કર્યો છે . આ આરોપમાં ઘણા લોકો પર પ્રતિબંધ લગાવવામાં આવ્યો છે. અત્યાર સુધી નોંધાયેલા મેચ ફિક્સિંગ (Match fixing)ના કેસ પર એક નજર.

પહેલો મોટો મામલો 1994-95માં સામે આવ્યો હતો.આ પછી મેચ ફિક્સિંગના અસંખ્ય મામલા સામે આવ્યા છે. સૌથી મોટો કેસ ડી. સાઉથ આફ્રિકાના ભૂતપૂર્વ કેપ્ટન હેન્સી ક્રોન્યે સાથે સંકળાયેલા હતા. જો કે, આ કેસના થોડા દિવસો બાદ જ હેન્સી ક્રોન્યેએ એક ખાનગી વિમાન દુર્ઘટનામાં પરિવાર સાથે આ દુનિયા છોડી દીધી હતી.

આ પણ વાંચો : learn Cricket : તમે પણ બનવા માંગો છો ‘યોર્કર કિંગ’ ? આ Video જોઈને શીખો કઈ રીતે થાય છે યોર્કર બોલિંગ

• વર્ષ 1994માં પહેલીવાર પાકિસ્તાનના તત્કાલિન કેપ્ટન સલીમ મલિક પર મેચ ફિક્સિંગનો આરોપ લાગ્યો હતો.ઓસ્ટ્રેલિયાના પાકિસ્તાન પ્રવાસ દરમિયાન વિરોધી ટીમના ખેલાડીઓ શેન વોર્ન અને માર્ક વો પર ખરાબ પ્રદર્શન માટે પૈસા ઓફર કરવાનો આરોપ લાગ્યો હતો.
• આ પછી 1996માં ભારતીય ક્રિકેટ મેનેજર સુનીલ દેવે કેટલાક ભારતીય ક્રિકેટરો પર મેચ ફિક્સિંગ માટે પૈસાની માંગ કરવાનો આરોપ લગાવ્યો હતો.
• 1997માં ભારતીય ક્રિકેટર મનોજ પ્રભાકર પર 1994માં શ્રીલંકામાં રમાયેલી મેચ ફિક્સ કરવા માટે ટીમના ખેલાડીઓને 25 લાખ રૂપિયા આપવાનો આરોપ લાગ્યો હતો.
• 1998માં પાકિસ્તાની બોલર અતાઉર રહેમાન પર ન્યૂઝીલેન્ડ સામે ખરાબ બોલિંગ કરવા બદલ વસીમ અકરમને ત્રણ લાખ ડોલરની ઓફર કરવાનો આરોપ લાગ્યો હતો.
• 1998માં જ પાકિસ્તાની ક્રિકેટર રાશિદ મજીદે વસીમ અકરમ, સલીમ મલિક, ઈન્ઝમામ અને એજાઝ અહેમદ પર મેચ ફિક્સિંગનો આરોપ લગાવ્યો હતો.
• તે જ વર્ષે ઓસ્ટ્રેલિયન ક્રિકેટર શેન વોર્ન અને માર્ક વોએ સ્વીકાર્યું હતું કે, 1994માં શ્રીલંકામાં રમાયેલા સિંગર કપ દરમિયાન તેઓએ એક ભારતીય બુકીને હવામાન અને પીચ વિશે માહિતી આપી હતી. આના બદલામાં તેણે પૈસા લીધાનું પણ કબૂલ્યું હતું.
• 2000માં દિલ્હી પોલીસે સાઉથ આફ્રિકાના ક્રિકેટર હેન્સી ક્રોન્યે પર ભારત વિરુદ્ધ રમાયેલી ODI મેચમાં પોતાની ટીમને ફિક્સગ કરવાનો આરોપ લગાવ્યો હતો.
• 11 એપ્રિલ 2000ના રોજ ક્રોન્યેએ કબૂલ્યું હતું કે તેણે ભારતમાં રમાયેલી ODI સિરીઝ દરમિયાન ઘણી મહત્વની માહિતી આપી હતી.
• 24 મે, 2000ના રોજ ક્રિકેટર મનોજ પ્રભાકરે કપિલ દેવ પર આરોપ લગાવ્યો હતો કે તેણે 1994માં શ્રીલંકામાં રમાયેલી મેચમાં પાકિસ્તાન સામે ખરાબ પ્રદર્શન કરવા કહ્યું હતું.
• 24 મે, 2000ના રોજ, પાકિસ્તાનની ન્યાયિક તપાસ સમિતિએ પૂર્વ કેપ્ટન મલિક મુહમ્મદ કયુમ અને બોલર અતાઉર રહેમાનની ફિક્સિંગના આરોપોમાં સંડોવણીની પુષ્ટિ કરી હતી.
• જૂન 2000 સાઉથ આફ્રિકાના ખેલાડી હર્ષલ ગિબ્સે સ્વીકાર્યું કે તેના એક ભૂતપૂર્વ કેપ્ટને તેને ભારતમાં રમાયેલી મેચમાં 20થી ઓછા રન બનાવવા માટે કહ્યું હતું. તેણે તપાસ સમિતિને કહ્યું હતું કે તેના બદલામાં તેને 15 હજાર ડોલર આપવામાં આવ્યા હતા.
• જૂન 2000માં સાઉથ આફ્રિકાના ક્રિકેટ ચીફ અલી બશીરે ખુલાસો કર્યો હતો કે પાકિસ્તાન ક્રિકેટ બોર્ડના પૂર્વ સીઈઓ માજિદ ખાને કહ્યું હતું કે વર્લ્ડ કપ 1999ની બે મેચ પહેલાથી જ ફિક્સ હતી.
• 15 જૂન 2000ના રોજ ક્રોન્યેએ કહ્યું હતું કે તેણે મેચ ફિક્સ કરવા માટે એક લાખ ડોલર લીધા હતા. પરંતુ તેણે આ વાતને નકારી કાઢી અને કહ્યું કે તેણે આ પૈસાના બદલામાં ન તો ફિક્સ કર્યું છે કે ન તો કોઈ મેચ કરાવી છે.11 ઓક્ટોબર 2000ના રોજ ક્રોન્યે પર આજીવન પ્રતિબંધ મૂકવામાં આવ્યો હતો.
• 27 નવેમ્બર 2000ના રોજ, ભારતીય ક્રિકેટર અઝહરુદ્દીનને ફિક્સિંગના આરોપમાં દોષિત ઠેરવવામાં આવ્યો હતો જ્યારે અજય જાડેજા, મનોજ પ્રભાકર, અજય શર્મા અને ભારતીય ટીમના ભૂતપૂર્વ ફિઝિયો અલી ઈરાનીને પણ બુકીઓ સાથે સંબંધ હોવાની પુષ્ટિ કરવામાં આવી હતી.5 ડિસેમ્બર 2000ના રોજ અઝહરુદ્દીન અને અજય શર્મા પર આજીવન પ્રતિબંધ લાદવામાં આવ્યો હતો.
• ઓગસ્ટ 2004માં કેન્યાના પૂર્વ કેપ્ટન મોરિસ ઓડેન્બે પર પાંચ વર્ષ માટે રમવા પર પ્રતિબંધ લગાવવામાં આવ્યો હતો. આ પૂર્વ કેપ્ટન પૈસા લઈને ઘણી મેચ ફિક્સ કરવાનો દોષી સાબિત થયો હતો.
• નવેમ્બર 2004માં, ન્યૂઝીલેન્ડના ભૂતપૂર્વ કેપ્ટન સ્ટીફન ફ્લેમિંગે દાવો કર્યો હતો કે 1999ના વર્લ્ડ કપમાં તેના ખરાબ પ્રદર્શન માટે ભારતીય રમતના આયોજક દ્વારા તેને 37 હજારની રકમની ઓફર કરવામાં આવી હતી.
• 13 મે 2008ના રોજ મેરિયન સેમ્યુઅલ્સ પર બે વર્ષનો પ્રતિબંધ મૂકવામાં આવ્યો હતો. તેને 2007માં ભારતમાં રમાયેલી વેસ્ટ ઈન્ડિઝની વનડે સિરીઝ દરમિયાન ફિક્સિંગ માટે ભારતીય બુકી પાસેથી પૈસા લેવા બદલ દોષી ઠેરવવામાં આવ્યો હતો.
• 15 મે 2010ના રોજ, એસેક્સના ખેલાડીઓ ડેનિશ કનેરિયા અને માર્વિન વેસ્ટફિલ્ડની ફિક્સિંગ તપાસના સંબંધમાં ધરપકડ કરવામાં આવી હતી. પરંતુ તેની સામે કોઈ આરોપ ઘડી શકાયો ન હતો.
• 2011માં પાકિસ્તાનના ખેલાડી સલમાન બટ્ટ, મોહમ્મદ આમિર અને મોહમ્મદ આસિફને 2010માં મેચ ફિક્સિંગ કેસમાં જેલની સજા થઈ હતી. જ્યારે તેના એજન્ટ મઝહર મજીદને અઢી વર્ષની જેલ હવાલે કરવામાં આવ્યો હતો.

IPL પર હંમેશા બુકીઓ અને ફિક્સરની નજર

વિશ્વની સૌથી મોટી અને સૌથી પ્રખ્યાત T20 ક્રિકેટ લીગ હોવાના કારણે, IPL પર હંમેશા બુકીઓ અને ફિક્સરની નજર હોય છે. થોડા વર્ષો પહેલા પણ લીગમાં સટ્ટાબાજી અને ફિક્સિંગના મામલા સામે આવ્યા હતા. 2013 માં, ભારતીય ઝડપી બોલર એસ શ્રીસંત, અશોક ચંડીલા અને રાજસ્થાન રોયલ્સના અંકિત ચવ્હાણ સ્પોટ ફિક્સિંગ કેસમાં સંડોવાયેલા હતા અને દિલ્હી પોલીસે તેમની ધરપકડ કરી હતી, ત્યારબાદ BCCIએ તેમના પર આજીવન પ્રતિબંધ મૂક્યો હતો. જોકે લાંબી કોર્ટ કાર્યવાહી બાદ ત્રણેયને નિર્દોષ છોડી મુકવામાં આવ્યા હતા.

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો