Paris Olympics 2024 : જાણો પેરિસ ઓલિમ્પિકમાં ગુજરાતના કેટલા ખેલાડીઓ રમશે, અન્ય રાજ્યનું જુઓ લિસ્ટ

પેરિસ ઓલિમ્પિક 2024માં 117 ખેલાડીઓ ભારતનું પ્રતિનિધિત્વ કરતા જોવા મળશે. તો ચાલો આપણે આજે જાણીએ કે, ભારતમાં ક્યાં રાજ્યના કેટલા ખેલાડીઓ પેરિસ ઓલિમ્પિકમાં રમતા જોવા મળશે.

Nirupa Duva | Updated on: Jul 26, 2024 | 3:18 PM

પેરિસ ઓલિમ્પિક 2024 શરુ થવાને હવે થોડા દિવસો જ બાકી છે. ભારતીય ખેલાડીઓ પણ આ દુનિયાની સૌથી મોટી ટૂર્નામેન્ટમાં રમવા માટે તૈયાર છે. ભારત 26મી વખત ઓલિમ્પિકની રમતમાં ભાગ લેશે. ભારતીય ટીમમાં કુલ 117 ખેલાડીઓ સામેલ છે. પેરિસ ઓલિમ્પિક 26 જૂલાઈથી 11 ઓગસ્ટ સુધી આયોજન કરવામાં આવ્યું છે. ફ્રાન્સમાં થનારી આ મેગા ઈવેન્ટમાં ભારતના અનેક ખેલાડીઓ ભાગ લેશે. જેની પાસે દમદાર પ્રદર્શન કરી ભારત માટે મેડલ જીતવાની આશા છે.

ભારતનું અત્યાર સુધીનું શાનદાર પ્રદર્શન

ભારતે અત્યારસુધી ઓલિમ્પિકમાં કુલ 35 મેડલ જીત્યા છે. જેમાં 10 ગોલ્ડ મેડલ અને 9 સિલ્વર મેડલ અને 16 બ્રોન્ઝ મેડલ સામેલ છે. 2020 ટોક્યો ઓલિમ્પિક ભારતનું અત્યારસુધીનું શાનદાર અને હિટ ઓલિમ્પિક રહ્યું છે. જેમાં ભારતે કુલ 7 મેડલ જીત્યા હતા. આ વખતે ભારતીય ખેલાડીઓ આ આંકડાને વધારવા માટેનો પ્રયત્ન કરશે.

મુખ્યમંત્રી ભુપેન્દ્ર પટેલે પેરિસ ઓલિમ્પિક 2024માં ભાગ લઈ રહેલા ગુજરાતના 3 પ્રતિભા સંપન્ન ખેલાડીઓ હરમીત દેસાઈ, માનવ ઠક્કર અને ઇલા વેનીલ વાલારિવાન સહિત સૌ ભારતીય ખેલાડીઓને સમગ્ર ગુજરાત વતી જ્વલંત સફળતાની શુભેચ્છાઓ પાઠવી છે.

તો આજે આપણે જોઈએ કે, પેરિસ ઓલિમ્પિકમાં ક્યાં રાજ્યના કેટલા ખેલાડીઓ ભાગ લઈ રહ્યા છે તેના વિશે જાણીએ. તો તમને જણાવી દઈએ કે, હરિયાણાના સૌથી વધારે 24 ખેલાડીઓ પેરિસ ઓલિમ્પિકમાં ભારતનું પ્રતિનિધત્વ કરશે. ત્યારબાદ બીજા નંબર પર પંજાબ બીજા સ્થાને છે. જેના કુલ 19 ખેલાડીઓ છે. ત્રીજા નંબર પર તમિલનાડુના 13 ખેલાડીઓ ભાગ લેશે.

પેરિસ ઓલિમ્પિકમાં ક્યાં રાજ્યના કેટલા ખેલાડીઓ ભાગ લેશે, જુઓ લિસ્ટ

રાજયોના નામ	ખેલાડીના નામ
હરિયાણા	24
પંજાબ	19
તમિલનાડુ	13
કર્ણાટક	7
ઉત્તરપ્રદેશ	7
કેરળ	6
મહારાષ્ટ્ર	5
ઉત્તરાખંડ	4
દિલ્હી	4
આંધ્ર પ્રદેશ	4
તેલંગણા	4
પશ્ચિમ બંગાળ	3
ચંદીગઢ	2
ગુજરાત	2
ઓડિશા	2
મણિપુર	2
મધ્યપ્રદેશ	2
આસામ	1
બિહાર	1
ગોવા	1
ઝારખંડ	1
સિક્કિમ	1

ગુજરાતના બે ટેબલ ટેનિસ ખેલાડી ઓલિમ્પિકમાં ભાગ લેશે

પ્રથમવાર ગુજરાતના બે ટેબલ ટેનિસ ખેલાડી ઓલિમ્પિકમાં ભાગ લેશે. હરમીત દેસાઈ અને માનવ ઠક્કરની ભારતની ટેબલ ટેનિસ ટીમમાં પસંદગી થઈ છે.પેરિસ ઓલિમ્પિક ગેમ્સ માટે પુરૂષ ટીમની જાહેરાત થઈ ચુકી છે.ટેબલ ટેનિસ ફેડરેશન ઓફ ઈન્ડિયાની સિલેક્શન કમિટી દ્વારા પસંદગી થઈ છે. તમને જણાવી દઈએ કે, હરમીત દેસાઈ સુરતનો રહેવાસી છે, તો માનવ ઠક્કર રાજકોટનો રહેવાસી છે.ઇલા વેનીલ વાલારિવાન પણ ઓલિમ્પિકમાં ભાગ લેશે.

ગુજરાતના 2 ખેલાડીઓ

નામ	સ્પોર્ટસ ઈવેન્ટ
હરમીત દેસાઈ	ટેબલ ટેનિસ
માનવ ઠક્કર	ટેબલ ટેનિસ

સુરતનો હરમીત દેસાઈ અને રાજકોટના માનવ ઠક્કરની નજર હવે પેરિસ ઓલિમ્પિકમાં મેડલ જીતવાની છે. ગુજરાતી ચાહકોએ બંન્નેને પેરિસ ઓલિમ્પિક માટે શુભકામના પણ પાઠવી છે.

ઓલિમ્પિક ગેમ્સ રાજકોટ સુરત