Khelo india youth gamesમાં 17 મેડલ સાથે ગુજરાત મેડલ ટેલીમાં 16માં સ્થાને, જુઓ 12માં દિવસનું શેડયૂલ

ખેલો ઈન્ડિયા યુથ ગેમ્સ 2022 મધ્યપ્રદેશમાં 30 જાન્યુઆરીથી 11 ફેબ્રુઆરી સુધી વિવિધ શહેરોમાં ચાલી રહ્યું છે. આ ખેલો ઈન્ડિયા યુથ ગેમ્સના 11 દિવસ બાદ ગુજરાત માટે મહત્વના સમાચાર સામે આવ્યા છે. ગુજરાતના ખેલાડીઓએ ખેલો ઈન્ડિયા યુથ ગેમ્સની પાંચમી સિઝનમાં મેડલ જીતવામાં વધુ એક સફળતા મેળવી રહ્યાં છે. ગુજરાતના યુવા ખેલાડીઓ એક પછી એક મેડલ જીતી રહ્યાં છે. હાલ ગુજરાત 17 મેડલ સાથે મેડલ ટેલીમાં 16માં ક્રમે પહોંચ્યું છે.

ખેલો ઈન્ડિયા સ્પર્ધામાં કુલ 27 રમતોનું આયોજન કરવામાં આવ્યું છે. ખાસ વાત એ છે કે આ સ્પર્ધામાં પાંચ સ્વદેશી રમતો મલખમ, થનગાટા, ગતકા, યોગાસન અને કલારીપયટ્ટુનો પણ સમાવેશ કરવામાં આવ્યો છે. જણાવી દઈએ કે મધ્યપ્રદેશમાં આ ખેલો ઈન્ડિયા યુથ ગેમ્સ 11 ફેબ્રુઆરી, 2023 સુધી રમાશે.

11માં દિવસે ગુજરાતના ખેલાડીઓ જીત્યા 3 મેડલ

11માં દિવસે ગુજરાતના ખેલાડી કેદાર પટેલે સાયકલિંગ (રોડ રેસ માસ સ્ટાર્ટ)માં ગોલ્ડ મેડલ જીત્યો હતો. સાયકલિંગમાં ગુજરાતના ખેલાડીઓની રેકિંગના આધારે ગુજરાતે સાયકલિંગની ટ્રોફી પણ જીતી છે. દેવાંશ પરમારે સ્વિમિંગ (400 મીટર ફ્રી સ્ટાઈલ)માં ગોલ્ડ મેડલ જીત્યો હતો. આ ટુર્નામેન્ટનો તેનો ત્રીજો મેડલ હતો. આ પહેલા તે સ્લિવર અને બ્રોન્ઝ મેડલ જીતી ચૂક્યો હતો. જ્યારે જૂનાગઢની શાહિન દરજાદાએ જૂડો (અંડર-57 કિલો) માં બ્રોન્ઝ મેડલ જીત્યો હતો.

Web Stories View more

હાર્દિક પંડ્યાના કારણે ટીમનું વાતાવરણ બગડી રહ્યું છે, મુંબઈ ઈન્ડિયન્સના કેપ્ટન પર મોટો હુમલો

કેનેડામાં વિદ્યાર્થીઓની વધી મુશ્કેલી, બદલાયો આ નિયમ

ઉનાળામાં કેરી ખાધા પછી શું ન ખાવું જોઈએ?

હવે આખું વર્ષ મોબાઈલ રિચાર્જની ઝંઝટ ખતમ, આ છે Jio અને Airtelના સૌથી સસ્તા વાર્ષિક પ્લાન

ઉનાળામાં મોઢાં પર બરફ ઘસવાના ફાયદા છે ચોંકાવનારા, જાણી લો

રિંકુ સિંહને કપિરાજે 6 વખત બચકા ભર્યા છે, જુઓ ફોટો

ગુજરાતને 17 મેડલ અપાવનાર ખેલાડીઓ

1. નિશિ ભાવસાર – ગોલ્ડ મેડલ – જિમ્નેસ્ટિક્સ ( આર્ટિસ્ટિક- બીમ)
2. કેદાર પટેલ – ગોલ્ડ મેડલ – સાયકલિંગ (રોડ રેસ માસ સ્ટાર્ટ)
3. દેવાંશ પરમાર – ગોલ્ડ મેડલ – સ્વિમિંગ (400 મીટર ફ્રી સ્ટાઈલ)
4. ગુજરાત વોલીબોલ ટીમ – સિલ્વર મેડલ – વોલીબોલ
5. લક્ષિતા સાંડિલ્યા- સિલ્વર મેડલ – 800 મીટર દોડ
6. દિયા ઠાકોર – સિલ્વર મેડલ – જિમ્નેસ્ટિક્સ ( આર્ટિસ્ટિક- બીમ)
7. દિયા ઠાકોર – સિલ્વર મેડલ – જિમ્નેસ્ટિક્સ ( આર્ટિસ્ટિક- ફલોર)
8. દિયા ઠાકોર – સિલ્વર મેડલ – જિમ્નેસ્ટિક્સ ( આર્ટિસ્ટિક- અસમાન બાર)
9. દેવાંશ પરમાર – સિલ્વર મેડલ – સ્વિમિંગ (100 મીટર બેક સ્ટ્રોક)
10. લક્ષિતા સાંડિલ્યા – બ્રોન્ઝ મેડલ – ગર્લ્સ 1500 મીટર રન
11. વિશ્વકર્મા પૂજા સતપાલ – બ્રોન્ઝ મેડલ – બોક્સિંગ 70 kg
12. મંડીપસિંહ ગોહિલ- બ્રોન્ઝ મેડલ – ફેન્સીંગ (ફોઇલ – વ્યક્તિગત)
13. અર્ચનાબેન નાઘેરા – બ્રોન્ઝ મેડલ – જુડો (-40 kg)
14. અંકિતા નાઘેરા – બ્રોન્ઝ મેડલ – જુડો ( -44 kg)
15. અનક ચૌહાણ – બ્રોન્ઝ મેડલ – કાયકિંગ અને કેનોઇંગ (સ્લેલોમ K1)
16. દેવાંશ પરમાર – બ્રોન્ઝ મેડલ – સ્વિમિંગ (100 મીટર બેક સ્ટ્રોક)
17. શાહિન દરજાદા – બ્રોન્ઝ મેડલ- જૂડો (અંડર-57 કિલો)

મેડલ ટેલીમાં મહારાષ્ટ્રનો દબદબો યથાવત

Check out the Medal Tally of Day 1️⃣1️⃣ of #KheloIndia Youth Games 2022 👇#KIYG2022 #KheloIndiaInMP@yashodhararaje pic.twitter.com/PokEyCJPoC

— Khelo India (@kheloindia) February 9, 2023

મેડલ ટેલીમાં મહારાષ્ટ્ર રાજ્ય સૌથી વધારે મેડલ સાથે ટોપ પર છે. મહારાષ્ટ્ર 44 ગોલ્ડ, 49 સિલ્વર, 40 બ્રોન્ઝ આમ કુલ 133 મેડલ સાથે પ્રથમ ક્રમે છે. હરિયાણા રાજ્ય 38 ગોલ્ડ, 25 સિલ્વર અને 35 બ્રોન્ઝ આમ કુલ 98 મેડલ સાથે બીજા ક્રમે છે. યજમાન રાજ્ય મધ્યપ્રદેશ કુલ 73 મેડલ સાથે ત્રીજા સ્થાને છે.

મેડલ ટેલીમાં આ ક્રમે છે ગુજરાત

11માં દિવસની રમત બાદ ગુજરાત ટીમના ખાતામાં  3 ગોલ્ડ મેડલ, 6 સિલ્વર મેડલ અને 8 બ્રોન્ઝ મેડલ સાથે કુલ 17 મેડલ છે. આ 17 મેડલ સાથે ગુજરાતની ટીમ મેડલ ટેલીમાં 16માં સ્થાને છે.

ખેલો ઈન્ડિયા યુથ ગેમ્સનું 12માં દિવસનું શેડયુલ

Schedule | Day 12 | #KheloIndia Youth Games 2022 👍#KIYG2022 #KheloIndiaInMP@yashodhararaje pic.twitter.com/aSmun3FXbc

— Khelo India (@kheloindia) February 9, 2023

ખેલો ઈન્ડિયા યુથ ગેમ્સના આજે 12માં દિવસે ફૂટબોલ, જુડો, સ્વિમિંગ, મલખમ, ટેનિસ અને કબડ્ડી જેવી મહત્વપૂર્ણ રમતો રમાશે. ગુજરાતના ખેલાડીઓ આ મેચોમાં વધારે મેડલ જીતવા માટે ઉતરશે.