FIFA World Cup 2026 : ફીફા વર્લ્ડકપ ઓપનિંગ સેરેમનીમાં પર્ફોર્મ કરનાર એકમાત્ર બોલિવુડ અભિનેત્રી, ગુગલમાં થઇ રહી છે સૌથી વધુ સર્ચ
આ વખતે, ગૂગલ પર સૌથી વધુ સર્ચ કરાયેલી બોલિવૂડ સ્ટાર આલિયા ભટ્ટ કે પ્રિયંકા ચોપરા નથી, પરંતુ એક તેજસ્વી બોલિવૂડ ડાન્સર છે. હા, અમે નોરા ફતેહી વિશે વાત કરી રહ્યા છીએ, જેમણે FIFA વર્લ્ડ કપ 2026 ના ઉદ્ઘાટન સમારોહમાં પોતાના પ્રદર્શનથી આંતરરાષ્ટ્રીય સ્તરે પોતાની ઓળખ બનાવી છે.
બોલિવૂડની લોકપ્રિય ડાન્સર અને અભિનેત્રી નોરા ફતેહીએ વધુ એક મોટી સિદ્ધિ પોતાના નામે કરી છે. પોતાની શાનદાર ડાન્સ સ્ટાઈલ, ગ્લેમરસ વ્યક્તિત્વ અને આંતરરાષ્ટ્રીય સ્તરે વધતી લોકપ્રિયતાના કારણે નોરા હાલમાં ગૂગલ પર સૌથી વધુ સર્ચ કરાયેલી બોલિવૂડ સ્ટાર બની ગઈ છે. ખાસ વાત એ છે કે તેણે આ મામલે પ્રિયંકા ચોપરા, આલિયા ભટ્ટ અને દીપિકા પાદુકોણ જેવી જાણીતી અભિનેત્રીઓને પણ પાછળ છોડી દીધી છે.
વર્લ્ડ કપના મંચ પર દેખાડ્યો જલવો
તાજેતરમાં FIFA વર્લ્ડ કપ 2026ના ઉદ્ઘાટન સમારોહમાં નોરા ફતેહીએ પોતાના દમદાર પ્રદર્શનથી સમગ્ર વિશ્વનું ધ્યાન ખેંચ્યું હતું. 12 જૂન, 2026ના રોજ યોજાયેલા આ ભવ્ય કાર્યક્રમમાં નોરાના પરફોર્મન્સને દર્શકો અને સોશિયલ મીડિયા યુઝર્સ તરફથી જબરદસ્ત પ્રતિસાદ મળ્યો હતો.
સોશિયલ મીડિયા પર વીડિયો થયા વાયરલ
તેના ડાન્સના વીડિયો અને તસવીરો સોશિયલ મીડિયા પર વાયરલ થતા લોકો તેના વિશે વધુ જાણવા ઉત્સુક બન્યા હતા. તેના પરફોર્મન્સની ક્લિપ્સ લાખો વખત જોવામાં આવી હતી અને અનેક પ્લેટફોર્મ પર તેની ચર્ચા થઈ હતી.
ગુગલ ટ્રેન્ડ્સમાં નોરા ટોચ પર
ગુગલ ટ્રેન્ડ્સના આંકડા મુજબ, છેલ્લા કેટલાક દિવસોમાં નોરા ફતેહી સૌથી વધુ સર્ચ કરાયેલી બોલિવૂડ સેલિબ્રિટી રહી છે. લોકો તેના ગીતો, ફિલ્મી કારકિર્દી, અંગત જીવન અને આગામી પ્રોજેક્ટ્સ વિશે માહિતી મેળવવા માટે સતત સર્ચ કરી રહ્યા છે.
ભારત ઉપરાંત વિદેશમાં પણ મોટી ફેન ફોલોઇંગ
નોરાની લોકપ્રિયતા હવે માત્ર ભારત પૂરતી મર્યાદિત નથી રહી. મધ્ય પૂર્વ, યુરોપ અને અન્ય ઘણા દેશોમાં પણ તેના ચાહકોની સંખ્યા સતત વધી રહી છે, જે તેની વૈશ્વિક ઓળખને વધુ મજબૂત બનાવે છે.
સિદ્ધિ બાદ શેર કરી ભાવુક પોસ્ટ
નોરા ફતેહીએ પોતાની આ સિદ્ધિ અંગે સોશિયલ મીડિયા પર ભાવુક પોસ્ટ પણ શેર કરી હતી. તેણે લખ્યું હતું કે, “હું આ ખુશીની ક્ષણ મારા તમામ ચાહકો સાથે શેર કરવા માંગું છું.” તેણે જણાવ્યું કે આ પ્રસંગ તેના માટે ખૂબ જ ખાસ હતો.
View this post on Instagram
પરિવાર અને મિત્રો સાથે ઉજવી ખુશી
નોરાએ જણાવ્યું કે FIFA વર્લ્ડ કપ જેવી ઐતિહાસિક ક્ષણે તેનો પરિવાર અને નજીકના મિત્રો તેની સાથે હાજર હતા, જેના કારણે આ સિદ્ધિ તેના માટે વધુ યાદગાર બની ગઈ હતી.
કરિયરમાં વધુ એક મોટી ઉપલબ્ધિ
ઉલ્લેખનીય છે કે નોરા ફતેહીએ પોતાના કરિયરમાં અનેક સુપરહિટ ગીતો આપ્યા છે અને પોતાની અનોખી ડાન્સિંગ સ્ટાઈલથી લાખો લોકોના દિલ જીતી લીધા છે. હવે ગૂગલ પર સૌથી વધુ સર્ચ કરાયેલી બોલિવૂડ સ્ટાર બનતા તેની લોકપ્રિયતામાં વધુ એક મહત્વપૂર્ણ સિદ્ધિનો ઉમેરો થયો છે.
આ પણ વાંચો- આર્થિક મંદીના કારણે પરિવારને દેશ છોડવો પડ્યો, હવે ફીફા 2026 વર્લ્ડ કપમાં સૌથી ઝડપી ગોલનો રેકોર્ડ બનાવ્યો !
