IPL 2021 RR vs DC: જયદેવ ઉનડકટે દિલ્હીની કમર તોડી, દિલ્હીએ રાજસ્થાન સામે 147 રન કર્યા, પંતની ફીફટી
રાજસ્થાન રોયલ્સ વિરુદ્ધ દિલ્હી કેપિટલ્સ (Rajasthan Royals vs Delhi Capitals) વચ્ચે આજે મુંબઈના વાનખેડે સ્ટેડિયમ (Wankhede Stadium)માં IPL 2021ની 7મી મેચ રમાઈ રહી છે.
રાજસ્થાન રોયલ્સ વિરુદ્ધ દિલ્હી કેપિટલ્સ (Rajasthan Royals vs Delhi Capitals) વચ્ચે આજે મુંબઈના વાનખેડે સ્ટેડિયમ (Wankhede Stadium)માં IPL 2021ની 7મી મેચ રમાઈ રહી છે. રાજસ્થાનના કેપ્ટન સંજૂ સેમસને (Sanju Samson) ટોસ જીતીને પ્રથમ બોલીંગ પસંદ કરી હતી. રાજસ્થાનના જયદેવ ઉનડકટે (Jaydev Unadkat) શાનદાર બોલીંગ પ્રદર્શન કરતા પૃથ્વી, ધવન અને રહાણેની 3 મહત્વની વિકેટ ઝડપીને દિલ્હીને મુશ્કેલીમાં મુકી દીધુ હતુ. દિલ્હી તરફથી સૌથી વધુ વ્યક્તિગત 51 રન કેપ્ટન ઋષભ પંતે (Rishabh Pant) કર્યા હતા. 20 ઓવરના અંતે 8 વિકેટે 147 રન કર્યા હતા.
દિલ્હી કેપિટલ્સની બેટીંગ
શરુઆતથી જ દિલ્હીની જાણે કે બેટીંગ ખરાબ રહી હતી. કેપ્ટન ઋષભ પંત અને લલિત યાદવ સિવાય જાણે કે કોઈ ક્રિઝ પર ઉભુ રહી શકતુ જ નહોતુ. ઉનડકટની બોલીંગનો સામનો કરવામાં નિષ્ફળ પૃથ્વી શો 2 રન, શિખર ધવન 9 રન અને અજીંક્ય રહાણે 8 રન કરીને ઝડપથી પેવેલિયન પરત ફર્યા હતા. ઋષભ પંતે લગાતાર બીજી મેચમાં જબરદસ્ત બેટીંગ કરી હતી, તેણે 32 બોલમાં 51 રન કર્યા હતા.
આ દરમ્યાન તેણે 9 ચોગ્ગા લગાવ્યા હતા. જોકે તે રન આઉટ થઈ વિકેટ ગુમાવી બેઠો હતો. માર્કસ સ્ટોઈનીશ શૂન્ય રનમાં જ આઉટ થયો હતો. જ્યારે લલિત યાદવ 20 રન કરીને ક્રિસ મોરિસનો શિકાર બન્યો હતો. ટોમ કરને 16 બોલમાં 21 રન કર્યા હતા. આર અશ્વિન 7 રન કરીને રન આઉટ થયો હતો. ક્રિસ વોક્સ 15 રને અને કાગિસો રબાડા 9 રને અણનમ રહ્યા હતા.
રાજસ્થાન રોયલ્સની બોલીંગ
જયદેવ ઉનડકટે જાણે કે શરુઆતમાં જ તોફાન સર્જી દીધુ હતુ. તેણે દિલ્હીના બંને ઓપનર સહિત મહત્વની ત્રણ વિકેટ ઝડપીને દિલ્હીને મુશ્કેલ સ્થિતીમાં મુકી દીધુ હતુ. તેણે 4 ઓવરમાં માત્ર 15 રન આપ્યા હતા. મુસ્તફિઝુર રહેમાને 4 ઓવરમાં 29 રન આપીને 2 વિકેટ ઝડપી હતી. ચેતન સાકરિયાએ 4 ઓવર કરીને 33 રન આપ્યા હતા, તેને આજે વિકેટ નસિબ નહોતી થઈ શકી. ક્રિસ મોરિસે 3 ઓવર કરીને એક વિકેટ મેળવી હતી.
આ પણ વાંચો: RR VS DC, LIVE SCORE IPL 2021 : ઉનડકટની બોલિંગે કાઢ્યો દિલ્લીનો દમ, રાજસ્થાનને મળ્યો 148નો ટાર્ગેટ
Latest News Updates
