GT vs RR IPL 2026 Qualifier 2: મુલ્લાંપુરની પિચ, બેટ્સમેન કે બોલરો માટે મદદરૂપ? જાણો સંપૂર્ણ રિપોર્ટ

ક્વોલિફાયર 1માં રોયલ ચેલેન્જર્સ બેંગ્લોર સામે 92 રનથી હાર્યા બાદ ગુજરાત ટાઇટન્સ આજે 29 મેના દિવસે ક્વોલિફાયર 2જી મેચ રાજસ્થાન રોયલ્સ સામે રમશે. દરમિયાન, એલિમિનેટરમાં રાજસ્થાન રોયલ્સે સનરાઇઝર્સ હૈદરાબાદને 47 રનથી હરાવીને ફાઇનલમાં પહોંચવાની તેમની આશા જીવંત રાખી છે. બંને ટીમો ફાઇનલમાં સ્થાન મેળવવા અને આ મેચ જીતવાની નજીક એક પગલું આગળ વધવાનો પ્રયાસ કરશે.

ન્યુ ચંદીગઢ ખાતે રમવામાં આવશે ક્વોલિફાયર 2જી મેચ

IPLની 19મી સીઝનના ક્વોલિફાયર 2માં ગુજરાત ટાઇટન્સ અને રાજસ્થાન રોયલ્સની મેચ રમાશે. આ મેચ મહારાજા યાદવિન્દ્ર સિંઘ ઇન્ટરનેશનલ ક્રિકેટ સ્ટેડિયમ, મુલ્લાનપુર, ન્યુ ચંદીગઢ ખાતે રમવામાં આવશે. શુભમન ગિલ ગુજરાત ટાઇટન્સનું નેતૃત્વ કરી રહ્યો છે. જ્યારે રિયાન પરાગ રાજસ્થાન રોયલ્સનું નેતૃત્વ કરી રહ્યો છે. IPL 2026 ક્વોલિફાયર 2 મેચ સાંજે 7:30 વાગ્યે શરૂ થશે. જેમાં ટોસ સાંજે 7:00 વાગ્યે થશે.

આ સિઝનમાં મુલ્લાનપુરના મહારાજા યાદવિન્દ્ર સિંઘ સ્ટેડિયમ ખાતે રમાનારી આ છઠ્ઠી મેચ છે. આ મેદાન પર અગાઉ પાંચ મેચ રમાઈ ચૂકી છે. પીછો કરતી ટીમ ત્રણ મેચમાં વિજયી બની છે. 27 મેના રોજ અહીં રમાયેલી એલિમિનેટર મેચમાં, રાજસ્થાન રોયલ્સે સનરાઇઝર્સ હૈદરાબાદને 47 રનથી હરાવ્યું હતું. વૈભવ સૂર્યવંશીએ 29 બોલમાં 97 રનની ઇનિંગમાં 12 છગ્ગા માર્યા હતા અને ક્રિસ ગેલનો 59 છગ્ગાનો IPL રેકોર્ડ પણ તેએ તોડ્યો હતો.

ગુજરાત ટાઇટન્સ vs રાજસ્થાન રોયલ્સ હેડ-ટુ-હેડ

IPL ઇતિહાસમાં ગુજરાત ટાઇટન્સ અને રાજસ્થાન રોયલ્સ વચ્ચે કુલ 10 મેચ રમાઈ છે. જેમાંથી રાજસ્થાને ત્રણ જીતી છે અને ગુજરાત ટાઇટન્સે સાત જીતી છે. આ બંને વચ્ચે સીઝનની ત્રીજી મુલાકાત છે. અગાઉ રાજસ્થાને અમદાવાદમાં રમાયેલી મેચ 6 રનથી જીતી હતી. જયપુરમાં રમાયેલી મેચમાં ગુજરાતે 8 વિકેટથી જીત મેળવી હતી. બંને વચ્ચે રમાયેલી છેલ્લી પાંચ મેચમાંથી ગુજરાતે ત્રણ અને રાજસ્થાને બે જીતી છે. આ મેચ દરમિયાન ફરી એકવાર બધાની નજર વૈભવ સૂર્યવંશીના પ્રદર્શન પર રહેશે.

આજની પિચ રિપોર્ટ

ગુજરાત ટાઇટન્સ અને રાજસ્થાન રોયલ્સ વચ્ચે ઇન્ડિયન પ્રીમિયર લીગ (IPL) ની 19મી સીઝનની ક્વોલિફાયર 2 મેચ મુલ્લાનપુરના મહારાજા યાદવિન્દ્ર સિંઘ ઇન્ટરનેશનલ ક્રિકેટ સ્ટેડિયમ ખાતે રમાશે. આ સીઝનમાં અત્યાર સુધીમાં આ ગ્રાઉન્ડ પર કુલ પાંચ મેચ રમાઈ છે તેમાંથી યજમાન ટીમ પંજાબ કિંગ્સ ત્રણ મેચ હારી ગઈ છે. આજની મેચ પીચ નંબર 4 પર રમાશે. આ પીચ પર રમાતી સીઝનની આ બીજી મેચ હશે. પીચ શરૂઆતની ઓવરોમાં સારી ઉછાળ આપી શકે છે.

નવો બોલ કાગીસો રબાડા, મોહમ્મદ સિરાજ, પ્રસિદ્ધ કૃષ્ણા અને જોફ્રા આર્ચર જેવા ઝડપી બોલરોને મદદ કરશે. જોકે છ ઓવર પછી પીચ સ્થિર થઈ શકે છે. જેનાથી બેટિંગ સરળ બને છે. વચ્ચેની ઓવરોમાં પીચ થોડી ધીમી પડી શકે છે. જેના કારણે સ્પિનરો રવિન્દ્ર જાડેજા, રાશિદ ખાન અને વોશિંગ્ટન સુંદરને મદદ મળી શકે છે. ટોસ જીતનાર ટીમ પ્રથમ બોલિંગ કરવાનું પસંદ કરશે. મુલ્લાનપુરમાં ગરમી પડી રહી છે. મહત્તમ તાપમાન 38 ડિગ્રી સેલ્સિયસની આસપાસ રહેવાની શક્યતા છે. સાંજે તાપમાન ઘટશે પરંતુ વરસાદની અપેક્ષા નથી. પ્રથમ ઇનિંગનો સરેરાશ સ્કોર 181 રન છે.

આ પણ વાંચો, Breaking News: ગુજરાત ટાઈટન્સના બોલરો વૈભવ સૂર્યવંશીને કેવી રીતે આઉટ કરશે? કોચે રણનીતિ જાહેર કરી