IND vs AUS : વિરાટ કોહલી અચાનક જ લેબુશેન સામે ડાન્સ કરવા લાગ્યો, સ્ટીવ સ્મિથ જોતો જ રહ્યો, જુઓ Video
રાજકોટની ગરમી પહેલાથી જ ચાહકોને પરેશાન કરી રહી છે ત્યારે ઓસ્ટ્રેલિયાના બેટ્સમેનોની વિસ્ફોટક બેટિંગે પણ ચાહકોને હતાશ કર્યા હતા. આવી સ્થિતિમાં, મેચની વચ્ચે અચાનક કોહલીના આ ડાન્સે ચાહકોમાં થોડો ઉત્સાહ ભરી દીધો હતો. જેનો વીડિયો પણ સોશિયલ મીડિયા પર વાયરલ થયો હતો.
ઓસ્ટ્રેલિયા (Australia) સામેની વનડે સીરિઝની પહેલી બે મેચમાં આરામ કર્યા બાદ ત્રીજી અને અંતિમ મેચમાં કેપ્ટન રોહિત શર્મા અને સ્ટાર બેટ્સમેન વિરાટ કોહલી ટીમ ઈન્ડિયામાં પરત ફર્યા હતા. આ મેચમાં ઓસ્ટ્રેલિયાએ પ્રથમ બેટિંગ કરી તેથી પ્રશંસકોએ વિરાટ કોહલી (Virat Kohli) ની બેટિંગ જોવા માટે રાહ જોવી પડી. આમ છતાં કોહલીએ ચાહકોનું મનોરંજન કરવામાં કોઈ કસર છોડી ન હતી અને મેચની વચ્ચે ડાન્સ કરીને બધાનું ધ્યાન ખેંચ્યું હતું. રસપ્રદ વાત એ છે કે તેણે ઓસ્ટ્રેલિયન બેટ્સમેન માર્નસ લાબુશેન સામે ડાન્સ (Dance) કરી રહ્યો હતો, જાણે કે તે તેને ચીડવતો હોય.
ગરમીમાં બોલરોની હાલત ખરાબ થઈ
રાજકોટના સૌરાષ્ટ્ર ક્રિકેટ સ્ટેડિયમ ખાતે બુધવાર 27 સપ્ટેમ્બરે શ્રેણીની છેલ્લી મેચમાં ઓસ્ટ્રેલિયાના બેટ્સમેનોએ પ્રથમ બેટિંગ કરી હતી. ડેવિડ વોર્નર, મિશેલ માર્શ અને સ્ટીવ સ્મિથે ખાસ કરીને ભારતીય પેસરો પર ઘણા રન બનાવ્યા હતા. રાજકોટની આકરી ગરમીમાં બોલરોની હાલત જોઈને ભારતીય ચાહકોમાં નિરાશા જ જોવા મળી રહી હતી. આવી સ્થિતિમાં કોહલીએ કંઈક એવું કર્યું જેનાથી ચાહકોનો મૂડ હળવો થઈ ગયો.
When GOATs take a break #IndiaCricketKaNayaGhar #TeamIndia #IDFCFirstBankODITrophy #ViratKohli pic.twitter.com/yQ8V0jvrj2
— JioCinema (@JioCinema) September 27, 2023
મેચની વચ્ચે કોહલીનો ડાન્સ હિટ થયો
28મી ઓવરના છેલ્લા બોલ પર મિશેલ માર્શ આઉટ થતાની સાથે જ માર્નસ લાબુશેન સાથે ખુરશી પણ મેદાનમાં પહોંચી ગઈ હતી. આ ખુરશી લાંબા સમય સુધી બેટિંગ કરી રહેલા અને ગરમીથી પરેશાન સ્ટીવ સ્મિથ માટે આવી હતી. અહીં સ્મિથ થોડો આરામ કરી રહ્યો હતો, જ્યારે લેબુશેન ઊભો હતો અને ફરીથી મેચ શરૂ થવાની રાહ જોઈ રહ્યો હતો. આ દરમિયાન વિરાટ કોહલી ત્યાં પહોંચ્યો અને કંઈક બોલતા જ અચાનક લાબુશેન સામે ડાન્સ કરવા લાગ્યો. લાબુશેન અને ઓસ્ટ્રેલિયાના ખેલાડીઓ પણ હસવાનું રોકી શક્યા ન હતા.
આ પણ વાંચો : IND vs AUS : વર્લ્ડકપ પહેલા ભારતીય બોલરોની ખરાબ રીતે પીટાઈ, સ્પિનરોએ આપ્યા 150 રન
ફિલ્ડિંગમાં કોહલીએ પૂરેપૂરું યોગદાન આપ્યું
દેખીતી રીતે જ કોહલીની એક્શનનો આ વીડિયો વાયરલ થવાનો હતો. એવું નથી કે કોહલી ત્યાં માત્ર કોમેડી કરતો હતો. આ સ્ટાર બેટ્સમેને પણ મેદાનમાં પોતાનું પૂરેપૂરું યોગદાન આપ્યું અને એક કેચ પણ લીધો, બાઉન્ડ્રી પર ચપળતા દાખવતા તેણે બોલને રોક્યો અને ઓસ્ટ્રેલિયાના બેટ્સમેનોને બીજા રન માટે ભાગતા અટકાવ્યા હતા.
