પાકિસ્તાન ક્રિકેટ બોર્ડ થયું માલામાલ, થઇ બંપર કમાણી
પાકિસ્તાન સુપર લીગ (PSL) 2022 ની બધી મેચ લાહોર અને કરાચીમાં રમાયી હતી. હવે ટુર્નામેન્ટના અંતિમ દિવસે એક માટા સામાચાર સામે આવ્યા છે.
પાકિસ્તાન સુપર લીગ (Pakistan Super League 2022) 2022 ની સાતમી સિઝન પુરી થઇ ગઇ છે. રવિવારે રમાયેલી લીગની ફાઇનલ મેચમાં લાહોર કલંદર્સ ટીમે મુલ્તાન સુલ્તાન્સને 42 રને હરાવીને પહેલીવાર ચેમ્પિયન બન્યું છે. વિજેતા ટીમને ઇનામી રકમ તરીકે 80 મિલિયન પાકિસ્તાની રૂપીયા મળ્યા છે. તો ઉપ વિજેતા ટીમને 32 મિલિયન પાકિસ્તાન રૂપીયા મળ્યા છે. પાકિસ્તાન સુપર લીગની સાતમી સિઝન પુરી થઇ ગઇ છે. આ લીગ સંપુર્ણ રીતે પાકિસ્તાનમાં આયોજીત થઇ હતી. જેમાં લાહોર અને કરાચીમાં તમામ 34 મેચનું આયોજન થયું હતું. એક મહિના સુધી રમાયેલી આ ટુર્નામેન્ટ પુરી થઇ ગઇ છે અને ટુર્નામેન્ટ પુરી થવાના એક દિવસમાં જ પાકિસ્તાન ક્રિકેટને લઇને મોટા સમાચાર સામે આવ્યા છે.
મળી રહેલ માહિતી પ્રમાણે પાકિસ્તાન સુપર લીગ 2022 નો પ્રોફીટ વધીને 71 % થઇ ગયા છે. આ લીગની સ્થાપના 2016 બાદ આ સૌથી વધારે છે. ઓફિશિયલ રીતે પાકિસ્તાન ક્રિકેટ બોર્ડના અધ્યક્ષ રમીઝ રાજાએ આ અંગે જાણકારી આપી હતી.
રમીઝ રાજાએ ક્રિકેટ પાકિસ્તાનથી કહ્યું કે, “તેમાં કોઇ શંકા નથી કે પાકિસ્તાન સુપર લીગ સિઝન 7 ઘણી સફળ રહી છે. તેની પાછળનું સૌથી મોટુ કારણ લાહોર અને કરાચી એમ બે સ્થળે રમાયેલ જગ્યા પર દર્શકોની હાજરી. મારી પ્રોફેશનલ કારકિર્દીમાં અને ખાસ કરીને લાહોરમાં આ પ્રકારની મોટી સંખ્યામાં ભીડ જોઇ નથી.”
લીગનો પ્રોફીટ 71 % વધ્યો
રમીઝ રાજાએ વધુમાં કહ્યું કે, “પીએસએલ 7નો પ્રોફીટ વધીને 71 % થયો છે. જે તેના ઇતિહાસમાં સૌથી વધુ છે. દરેક ફ્રેન્ચાઇઝીએ 900 મિલિયન પાકિસ્તાની રૂપીયાની આસપાસ કમાણી કરી છે. આવતા વર્ષે આ લીગને પણ તમામ ફ્રેન્ચાઇઝીના હોમ વેન્યુ સુધી લઇ જવાની અને દર્શકોને વધારવાની ઇચ્છા રાખીએ છીએ.”
પાકિસ્તા સુપર લીગની ફાઇનલ મેચની વાત કરીએ તો અનુભવી ઓલરાઉન્ડર મોહમ્મદ હફીજની 46 બોલમાં 69 રનની શાનદાર ઇનિંગને પગલે લાહોર ટીમે 20 ઓવરમાં 180/5 રનનો સ્કોર કર્યો હતો. જવાબમાં મુલ્તાન સુલ્તાન્સ ટીમ 19.3 ઓવરમાં 138 રનના સ્કોર પર ઓલઆઉટ થઇ ગઇ હતી.
આ પણ વાંચો : પાકિસ્તાનમાં ટેસ્ટ સીરિઝ શરૂ થતા પહેલા ઓસ્ટ્રેલિયાના ક્રિકેટરને મળી ધમકી, ‘જીવતો પાછો નહીં આવે’
Latest News Updates
