IND vs WI : ભારત સામેની શ્રેણી પહેલા વેસ્ટ ઈન્ડિઝની ટીમમાં મેન્ટર તરીકે જોડાયો આ મહાન ખેલાડી

ભારત અને વેસ્ટ ઈન્ડિઝ વચ્ચે શરૂ થનારી સીરિઝ પહેલા વેસ્ટ ઈન્ડિઝ ટીમની ટ્રેનિંગ કેમ્પનો એક ફોટો ખૂબ વાયરલ થયો છે. આ ફોટોમાં ક્રિકેટ ઇતિહાસનો મહાન બેટ્સમેન બ્રાયન લારા જોવા મળ્યો હતો. તે વેસ્ટ ઈન્ડિઝની ટીમમાં મેન્ટર તરીકે જોડાયો છે અને હવે ભારત સામેની સીરિઝમાં ટીમને મદદ કરશે.

વેસ્ટ ઈન્ડિઝ બ્રાયન લારાની શરણોમાં

વેસ્ટ ઈન્ડિઝ ટીમ સાથે મહાન બેટ્સમેન બ્રાયન લારા જોડાયો છે. ભારત સામેની ટેસ્ટ શ્રેણી પહેલા પૂર્વ કેપ્ટન બ્રાયન લારા વેસ્ટ ઈન્ડિઝની ટીમ સાથે પરફોર્મન્સ મેન્ટર તરીકે જોડાઈ ગયો છે. બંને દેશો વચ્ચે પ્રથમ ટેસ્ટ 12 જુલાઈથી ડોમિનિકામાં રમાશે. લારાના ટીમ સાથે જોડાવા પાછળ અનેક કારણો પણ જવાબદાર હોય શકે છે, જેમનું એક છે હાલના સમયમાં વેસ્ટ ઈન્ડિઝ ટીમનું કંગાળ પ્રદર્શન છે.

Brian Lara has joined the West Indies’ team camp ahead of series against India.

Brian Lara is performance mentor of West Indies. pic.twitter.com/MyCNtTI9tV

— CricketMAN2 (@ImTanujSingh) July 3, 2023

પરફોર્મન્સ મેન્ટર તરીકે ટીમ સાથે જોડાયો

ભારત અને વેસ્ટ ઈન્ડિઝ વચ્ચે 2 ટેસ્ટ મેચોની શ્રેણી રમાશે. આ શ્રેણીની પ્રથમ ટેસ્ટ 12 જુલાઈથી ડોમિનિકામાં રમાશે. આ ટેસ્ટ શ્રેણી પછી, ભારત અને વેસ્ટ ઈન્ડિઝ વચ્ચે ODI અને T20 મેચોની શ્રેણી પણ રમાશે. જોકે, ભારત સામેની ટેસ્ટ શ્રેણી પહેલા પૂર્વ ખેલાડી બ્રાયન લારા વેસ્ટ ઈન્ડિઝની ટીમ સાથે જોડાઈ ગયો છે. વાસ્તવમાં બ્રાયન લારા કેરેબિયન ટીમ સાથે પરફોર્મન્સ મેન્ટર તરીકે જોડાયો છે.

આ પણ વાંચોઃ શ્રીલંકન ખેલાડીએ તોડ્યો મિતાલી રાજનો મોટો રેકોર્ડ, હરમનપ્રીત-મંધાનાને પાછળ છોડ્યા

ફોટો સોશિયલ મીડિયા થયો વાયરલ

સોશિયલ મીડિયા પર એક ફોટો ઝડપથી વાયરલ થઈ રહ્યો છે. આ ફોટોમાં બ્રાયન લારા વેસ્ટ ઈન્ડિઝની ટીમ સાથે જોવા મળી રહ્યો છે. લારા ટીમના પ્રેક્ટિસ સેશનમાં જોડાયો હતો અને ભારત સામેની શ્રેણીમાં તેના અનુભવનો ટીમને ચોક્કથી ફાયદો થશે. ઝિમ્બાબ્વેમાં ચાલી રહેલ વર્લ્ડકપ ક્વોલિફાયરમાં સ્કોટલેન્ડ સામે હાર બાદ વેસ્ટ ઈન્ડિઝની ટીમ વર્લ્ડ કપ 2023માંથી બહાર ફેંકાઇ ગઈ છે. એવામાં શું બ્રાયન લારાના ટીમ સાથે જોડાયા બાદ કેરેબિયન ટીમનું પ્રદર્શન સુધરશે કે નહીં એ તો આવનારો સમય જ બતાવશે.