IND vs PAK: ભારત સામેના મહામુકાબલા પહેલા પાકિસ્તાન ટીમમાં ભંગાણ, ખેલાડીઓ કેપ્ટનથી નારાજ
ગયા વર્ષે ODI વર્લ્ડ કપમાં હાર બાદ દબાણમાં બાબર આઝમે સુકાની પદેથી રાજીનામું આપવું પડ્યું હતું, ત્યારબાદ શાહીન શાહ આફ્રિદીને T20 ટીમનો કેપ્ટન બનાવવામાં આવ્યો હતો. જો કે, શાહીનને માત્ર એક સિરીઝ બાદ હટાવી દેવામાં આવ્યો હતો અને બાબરને T20 વર્લ્ડ કપ પહેલા ફરીથી કેપ્ટનશિપ આપવામાં આવી હતી. હવે T20 વર્લ્ડ કપની પહેલી મેચમાંઆ હાર થતા ફરી બાબર આઝમ બધાના નિશાના પઆર આવી ગયો છે.
પાકિસ્તાન ક્રિકેટમાં કોઈ દિવસ સામાન્ય નથી હોતો. હંમેશા કોઈને કોઈ વિવાદ હોય છે. મેદાનની અંદર હોય કે બહાર, પાકિસ્તાન ક્રિકેટ હંમેશા લોકોને નવો મસાલો આપે છે. ખાસ કરીને જો મોટી ટુર્નામેન્ટ ચાલી રહી હોય તો ડ્રામા ચોક્કસ છે. જો ટીમ સારું કરે છે તો તે શાનદાર છે, પરંતુ જો પ્રદર્શન થોડું પણ બગડે છે તો તે સરળતાથી ટીમમાં વિભાજન તરફ દોરી શકે છે અને ફરી એકવાર એવું જ કંઈક થવા લાગે છે. T20 વર્લ્ડ કપ 2024ની પોતાની પહેલી જ મેચમાં અમેરિકાના હાથે શરમજનક હાર બાદ ટીમમાં ફરી તણાવ જોવા મળી રહ્યો છે અને તેનું કારણ છે કેપ્ટન બાબર આઝમ.
USA સામે પાકિસ્તાનની હાર
ગુરુવાર, 6 જૂને, પાકિસ્તાની ટીમ ડલાસમાં વર્લ્ડ કપમાં તેની પ્રથમ મેચ રમવા આવી હતી. તેની સામે યજમાન યુએસએ હતું, જે પ્રથમ વખત વર્લ્ડ કપ રમી રહ્યું હતું. કોઈપણ સ્તરના ક્રિકેટમાં પાકિસ્તાન અને અમેરિકા વચ્ચેની આ પહેલી મેચ હતી અને દરેકને આશા હતી કે પાકિસ્તાન સરળતાથી જીતશે પરંતુ અમેરિકાએ મોટો અપસેટ કરીને બધાને ચોંકાવી દીધા. અમેરિકન ટીમે પાકિસ્તાનને રોમાંચક સુપર ઓવરમાં હરાવીને તેના ઈતિહાસની સૌથી મોટી જીત નોંધાવી હતી.
બાબરની સરમુખત્યારશાહીથી ખેલાડીઓ નારાજ
સ્વાભાવિક રીતે આ પરિણામ વિશ્વ ક્રિકેટ માટે ખૂબ જ ચોંકાવનારું હતું પરંતુ પાકિસ્તાની ટીમ અને તેના ચાહકો માટે આ આંચકાથી ઓછું ન હતું. મેચ બાદ તેની એક ઝલક પણ જોવા મળી હતી, જ્યાં પૂર્વ ક્રિકેટર્સ અને ફેન્સ ટીવીથી લઈને સોશિયલ મીડિયા પર પોતાનો ગુસ્સો વ્યક્ત કરતા જોવા મળ્યા હતા. ખુદ કેપ્ટન બાબર આઝમ પણ મેચ બાદ ઈન્ટરવ્યુમાં પોતાના જ ખેલાડીઓ પર પોતાનો ગુસ્સો કાઢતો જોવા મળ્યો હતો.
Sources say the DICTATOR mindset of BABAR AZAM has become a point of serious concern for other players of Pakistan Cricket Team! #T20WorldCup
— Arfa Feroz Zake (@ArfaSays_) June 7, 2024
મેચના બીજા દિવસે મતભેદના અહેવાલો સામે આવ્યા
હંમેશની જેમ મેચના બીજા દિવસે પણ પાકિસ્તાની ટીમમાં નારાજગી અને મતભેદના અહેવાલો સામે આવ્યા છે, જેનું કારણ કેપ્ટન બાબર છે. પાકિસ્તાનની જિયો ન્યૂઝ ચેનલના રિપોર્ટર અરફા ફિરોઝ જેકે એક ટ્વિટમાં સનસનાટીભર્યો દાવો કર્યો છે કે પાકિસ્તાની ખેલાડીઓ ટીમના કેપ્ટન બાબર આઝમની તાનાશાહી માનસિકતાથી ખુશ નથી અને હવે તે ટીમમાં તણાવનું મુખ્ય કારણ બની ગયું છે.
Sources say decisions of Babar Azam in the match against USA actually ANNOYED some players of Pakistan Cricket Team. Babar took no suggestions and made decisions himself. #T20WorldCup
— Arfa Feroz Zake (@ArfaSays_) June 7, 2024
સિનિયર ખેલાડીઓની સલાહ નથી લેતો
તેનું મુખ્ય કારણ બાબર આઝમના વિચિત્ર નિર્ણયો હોવાનું માનવામાં આવે છે. સ્વાભાવિક રીતે, તે કેપ્ટન છે, તેથી મેદાન પરનો દરેક નિર્ણય તેનો જ હશે, પરંતુ ઘણીવાર સિનિયર ખેલાડીઓ કેપ્ટનને સૂચનો આપતા રહે છે, જેને ઘણીવાર વિશ્વભરના કેપ્ટનો સ્વીકારે છે. પાકિસ્તાની ટીમમાં આ દેખાતું નથી અને એવો દાવો કરવામાં આવી રહ્યો છે કે બાબર તેના સાથી ખેલાડીઓના સૂચન પણ સાંભળતો નથી, જેના કારણે ઘણા ખેલાડીઓ ચિડાઈ ગયા છે.
Muhammad Amir asked Babar to continue with fast bowlers because the batter playing well against the spin but Babar opted to go with spinner and shadab give away 11 crucial Runs pic.twitter.com/UDX0cwZyQ3
— ٰImran Siddique (@imransiddique89) June 7, 2024
શાહીન આફ્રિદીને હટાવી બાબરને કેપ્ટન બનાવ્યો
તેની એક ઝલક પાકિસ્તાનની બોલિંગ દરમિયાન પણ જોવા મળી, જ્યારે તેની ઓવર પૂરી કર્યા બાદ મોહમ્મદ આમિરે અન્ય ફાસ્ટ બોલરને ઓવર આપવાનું સૂચન કર્યું પરંતુ બાબરે સ્પિનરને બોલિંગ આપી. ગયા વર્ષે ODI વર્લ્ડ કપમાં ટીમની કારમી હાર બાદ બાબર આઝમે રાજીનામું આપી દીધું હતું, ત્યારબાદ શાહીન શાહ આફ્રિદીને T20 ટીમનો કેપ્ટન બનાવવામાં આવ્યો હતો, પરંતુ તેને પણ એક સિરીઝ બાદ હટાવી દેવામાં આવ્યો હતો અને બાબરને ફરીથી કેપ્ટન બનાવવામાં આવ્યો હતો.
આ પણ વાંચો : T20 WC : ન્યૂયોર્કમાં ક્રિકેટ અને ક્રિકેટરો સાથે થઈ ગયો ખેલ, ICCએ ભારત-પાકિસ્તાન મેચ પહેલા ભૂલ સ્વીકારી
