T20 World Cup Final : ભારત અને ન્યુઝીલેન્ડની અમદાવાદમાં જોરદાર પ્રેક્ટિસ, જુઓ Video
T20 વર્લ્ડકપની ફાઇનલ પહેલા ભારતીય અને ન્યુઝીલેન્ડની ટીમે અમદાવાદના નરેન્દ્ર મોદી સ્ટેડિયમમાં સઘન પ્રેક્ટિસ કરી. ભારતીય ટીમે બેટિંગ, બોલિંગ અને ફિલ્ડિંગ પર ધ્યાન આપ્યું, જ્યારે ન્યુઝીલેન્ડની ટીમે પણ લાંબી નેટ પ્રેક્ટિસ અને ફિલ્ડિંગ ડ્રિલ્સ યોજી.
ટી20 વર્લ્ડકપની આખરી પડાવ, એટલે કે ફાઇનલ મેચ પહેલા ભારતીય અને ન્યુઝીલેન્ડની ટીમોએ અમદાવાદના નરેન્દ્ર મોદી સ્ટેડિયમ ખાતે સઘન પ્રેક્ટિસ કરી. આવતીકાલે રમાનારી આ હાઈ-વોલ્ટેજ ફાઇનલ માટે બંને ટીમો કોઈ કસર છોડવા માંગતી નથી, અને તેથી જ મેદાન પર જોરદાર તૈયારીઓ જોવા મળી રહી છે.
ભારતીય ટીમે કેપ્ટન અને કોચિંગ સ્ટાફની હાજરીમાં બેટિંગ, બોલિંગ અને ફિલ્ડિંગ પર ખાસ ધ્યાન આપ્યું. બેટિંગમાં ટોપ ઓર્ડર બેટ્સમેનને લાંબી નેટ પ્રેક્ટિસ કરાવવામાં આવી, જેથી તેઓ મોટી ઇનિંગ્સ રમવા માટે તૈયાર થઈ શકે. બોલર્સને ખાસ કરીને યોર્કર અને ડેથ ઓવર્સની બોલિંગ પર મહેનત કરાવવામાં આવી, જે ફાઇનલ જેવી મોટી મેચમાં નિર્ણાયક સાબિત થઈ શકે છે. ટીમનો આત્મવિશ્વાસ ઊંચો દેખાઈ રહ્યો છે અને ખેલાડીઓ શ્રેષ્ઠ પ્રદર્શન કરવા માટે કટિબદ્ધ છે.
બીજી તરફ, ફાઇનલ મુકાબલા પહેલા ન્યુઝીલેન્ડની ટીમે પણ મેદાનમાં તીવ્ર પ્રેક્ટિસ સેશન યોજ્યું. અમદાવાદના નરેન્દ્ર મોદી સ્ટેડિયમ ખાતે છેલ્લા એક કલાકથી વધુ સમયથી ન્યુઝીલેન્ડના ખેલાડીઓ પ્રેક્ટિસ કરી રહ્યા છે. જેમાં ન્યુઝીલેન્ડની ટીમને ફાઇનલ સુધી પહોંચાડવામાં મહત્વનું યોગદાન આપનાર રચિન રવિન્દ્ર અને સોઢી જેવા બોલરો તેમજ પોતાની આગવી કેચ શૈલી માટે જાણીતા ફિલિપ્સ પણ પ્રેક્ટિસ સેશન્સમાં નજરે પડ્યા.
ખેલાડીઓએ બેટિંગ નેટ્સમાં લાંબા સમય સુધી પ્રેક્ટિસ કરી, જ્યારે બોલરોને અલગ અલગ સ્ટ્રેટેજી સાથે બોલિંગ કરાવવામાં આવી. ફિલ્ડિંગ ડ્રિલ્સ દ્વારા ટીમે પોતાની ચપળતા અને સમન્વય વધારવાનો પ્રયાસ કર્યો છે. કિવી ટીમ પણ સંપૂર્ણ તૈયારી સાથે મેદાનમાં ઉતરવા તૈયાર દેખાઈ રહી છે, અને ફાઇનલનું પ્રેશર હળવું કરવાનો પ્રયાસ કરી રહી છે.
બંને ટીમો ફાઇનલ પહેલા પોતાનું પ્રદર્શન સ્તર વધારવા અને જીત સુનિશ્ચિત કરવા માટે મહેનત કરી રહી છે. આ હાઈ-વોલ્ટેજ ફાઇનલ ક્રિકેટ ચાહકો માટે રોમાંચક બની રહેશે તેવી અપેક્ષા છે.
T20 WC Breaking : ટીમ ઈન્ડિયાએ પાઠ શીખી લીધો, ફાઇનલ હવે અમદાવાદની આવી પિચ પર રમાશે
