T20 World Cup Breaking : 5 બોલમાં 3 વિકેટ લઈ ટીમ ઈન્ડિયાના ટોપ ઓર્ડરને ધ્વસ્ત કરનાર આ અમેરિકી ખેલાડી કોણ છે?

ટીમ ઈન્ડિયાએ અમેરિકા સામે એકતરફી જીત મેળવી. જોકે, મેદાનમાં ઉતરતાની સાથે જ અમેરિકાએ સ્પષ્ટ કરી દીધું કે ભારત માટે જીતનો માર્ગ સરળ નહીં હોય. વધુ રાહ જોયા વિના, અમેરિકાએ ટીમ ઈન્ડિયાને મુશ્કેલીમાં મૂકવાનું શરૂ કર્યું, અને તેના ઝડપી બોલર શેડલી વાન શાલ્કવિકે આમાં મુખ્ય ભૂમિકા ભજવી. જ્યારે તે ભારત સામે મેદાનમાં ઉતર્યો ત્યારે તેણે એકલા હાથે માત્ર પાંચ બોલમાં ભારતના ટોપ ઓર્ડરનો નાશ કરી દીધો હતો.

શેડલી વાન શાલ્કવિક કોણ છે?

હવે પ્રશ્ન એ છે કે શેડલી શાલ્કવિક કોણ છે, જેણે 2026 ના T20 વર્લ્ડ કપની પહેલી જ મેચમાં માત્ર પાંચ બોલમાં ભારતને મુશ્કેલીમાં મુકી દીધું હતું? તે યુએસએ ક્રિકેટ ટીમનો ઓલરાઉન્ડર છે, જે ડાબા હાથે બેટિંગ કરે છે અને જમણા હાથે ઝડપી બોલિંગ કરે છે. શેડલી શાલ્કવિક 37 વર્ષનો છે અને તેનો જન્મ દક્ષિણ આફ્રિકાના કેપટાઉનમાં થયો હતો. તેણે કેપટાઉનમાં અભ્યાસ કર્યો હતો. શેડલી શાલ્કવિકે એપ્રિલ 2024 માં કેનેડા સામે યુએસએ ટીમ માટે T20I ડેબ્યૂ કર્યું હતું. તે ઓગસ્ટ 2024 માં કેનેડા માટે પોતાની પહેલી ODI મેચ રમ્યો હતો.

શાલ્કવિકે 25 રન આપીને 4 વિકેટ

શેડલી શાલ્કવિક દક્ષિણ આફ્રિકન છે પણ યુએસએ ટીમ માટે રમે છે, જેમ ઘણા ભારતીય ક્રિકેટરો પણ યુએસએ ટીમ માટે રમે છે. હાલમાં, શેડલી શાલ્કવિક T20 વર્લ્ડ કપ 2026 માં યુએસએની પ્રથમ મેચમાં તેની બોલિંગને લઈ હેડલાઈનમાં છે. શેડલી શાલ્કવિકે ભારત સામેના તેના 4 ઓવરના સ્પેલમાં 25 રન આપીને 4 વિકેટ લીધી અને ટીમનો સૌથી સફળ બોલર સાબિત થયો.

USA stun India at the Wankhede with four wickets in the powerplay, including three in a single over for Shadley van Schalkwyk #INDvUSA #Cricket pic.twitter.com/k7qFfjNXt9

— Wisden (@WisdenCricket) February 7, 2026

5 બોલમાં 3 વિકેટ લઈ ભારતને મુશ્કેલીમાં મુક્યું

શાલ્કવિકે તેની ચાર વિકેટમાંથી ત્રણ વિકેટ એક જ ઓવરમાં, ફક્ત પાંચ બોલના અંતરે લીધી હતી. આ તે ઓવર હતી જેના કારણે ભારતીય બેટિંગ અસ્તવ્યસ્ત થઈ ગઈ હતી. શેડલી શાલ્કવિકની આ ઓવર ભારતીય ઈનિંગના પાવરપ્લેની છેલ્લી ઓવર હતી, જેમાં ત્રણ વિકેટ પડી ગઈ. શેડલી શાલ્કવિકે પહેલા છઠ્ઠી ઓવરના બીજા બોલ પર ઇશાન કિશનને આઉટ કર્યો. પછી, તેણે તે જ ઓવરના પાંચમા બોલ પર તિલક વર્માને અને છેલ્લા બોલ પર શિવમ દુબેને આઉટ કર્યા.

અમેરિકાનો સૌથી સફળ બોલર

37 વર્ષીય ફાસ્ટ બોલર શેડલી શાલ્કવિકે મેચની છેલ્લી વિકેટ લીધી, એટલે કે ડેથ ઓવરમાં તેની ચોથી વિકેટ લીધી. તેણે 19 મી ઓવરના છેલ્લા બોલ પર અર્શદીપ સિંહને આઉટ કર્યો હતો.

T20 World Cup Breaking : સૂર્યકુમાર યાદવના દમ પર જીત્યું ભારત, T20 વર્લ્ડ કપ 2026 ની પહેલી મેચમાં USA ને હરાવ્યું