T20 World Cup 2024: સાઉથ આફ્રિકાએ ટીમની જાહેરાત કરી, અડધાથી વધુ ખેલાડીઓ IPLમાં રમી રહ્યા છે
ન્યુઝીલેન્ડ બાદ દક્ષિણ આફ્રિકાએ T20 વર્લ્ડ કપ 2024 માટે ટીમની જાહેરાત કરી છે. ICC ટૂર્નામેન્ટમાં પહેલીવાર એઈડન માર્કરામ દક્ષિણ આફ્રિકાની ટીમની કેપ્ટનશીપ કરતો જોવા મળશે. આ ટીમમાં સામેલ અડધાથી વધુ ખેલાડીઓ હાલ ભારતમાં IPLમાં રમી રહ્યા છે.
ન્યુઝીલેન્ડ બાદ દક્ષિણ આફ્રિકાએ પણ T20 વર્લ્ડ કપ 2024 માટે ટીમની જાહેરાત કરી દીધી છે. દક્ષિણ આફ્રિકાની 15 સભ્યોની ટીમની કમાન એઈડન માર્કરામના હાથમાં છે. ખાસ વાત એ છે કે 15 ખેલાડીઓમાંથી અડધાથી વધુ IPL રમી રહ્યા છે. આ સિવાય બે ખેલાડીઓની પસંદગીથી પણ ઘણું આશ્ચર્ય થયું છે. એડન માર્કરામ ICC ઈવેન્ટમાં પ્રથમ વખત સાઉથ આફ્રિકાની કેપ્ટનશીપ કરતો જોવા મળશે.
2 ખેલાડીઓની પસંદગીએ ચોંકાવ્યા
દક્ષિણ આફ્રિકાના બે ખેલાડીઓના નામ જેમની પસંદગીએ આશ્ચર્યચકિત કર્યું છે તે છે ક્વિન્ટન ડી કોક અને એનરિચ નોરખિયા. કારણ કે આ બંને ખેલાડીઓને ક્રિકેટ સાઉથ આફ્રિકાએ તેમના સેન્ટ્રલ કોન્ટ્રાક્ટમાંથી બહાર રાખ્યા હતા. પીઠની ઈજાને કારણે નોરખિયા સપ્ટેમ્બર 2023થી આંતરરાષ્ટ્રીય ક્રિકેટથી દૂર છે. જ્યારે વર્ષ 2022 માં ટેસ્ટ ક્રિકેટને અલવિદા કહેનાર ડી કોકે પણ 2023 વર્લ્ડ કપ પછી ODIમાંથી નિવૃત્તિની જાહેરાત કરી હતી.
IPL રમી રહેલા આ ખેલાડીઓ ટીમમાં સામેલ
નોરખિયા અને ડી કોક હાલમાં IPL 2024માં રમી રહ્યા છે. ડી કોક ઉપરાંત હેનરિક ક્લાસેન, ડેવિડ મિલર અને ટ્રિસ્ટન સ્ટબ્સને પણ ટીમમાં પસંદ કરવામાં આવ્યા છે. આ તમામ ખેલાડીઓ IPLમાં પણ રમી રહ્યા છે, જેમની હાજરીને કારણે દક્ષિણ આફ્રિકાની બેટિંગ મજબૂત દેખાઈ રહી છે, જ્યારે બોલિંગના મોરચે નોરખિયા સિવાય ગેરાલ્ડ કોએત્ઝી, માર્કો જાનસેન, કેશવ મહારાજ જેવા ખેલાડીઓની પસંદગી કરવામાં આવી છે. આ તમામ બોલર્સ પણ હાલમાં IPL 2024માં વ્યસ્ત છે. માત્ર IPL રમનારા ખેલાડીઓને જ નહીં પરંતુ દક્ષિણ આફ્રિકા T20માં સારૂ પ્રદર્શન કરનાર ખેલાડીઓને પણ દક્ષિણ આફ્રિકાની ટીમમાં સ્થાન મળ્યું છે. રેયાન રિકલ્ટન અને બાર્ટમેન આવા બે ચહેરા છે.
This is your T20 World Cup Proteas Men’s team South Africa! Let’s rally behind our squad as they aim to conquer the world stage and bring home the gold!
Stay tuned for the out of this world performances! #T20WorldCup #OutOfThisWorld #BePartOfIt pic.twitter.com/NVwYYsN7cH
— Proteas Men (@ProteasMenCSA) April 30, 2024
T20 વર્લ્ડ કપ 2024 માટે દક્ષિણ આફ્રિકાની ટીમ:
એઈડન માર્કરામ (કેપ્ટન), ઓટ્ટનેલ બાર્ટમેન, ગેરાલ્ડ કોએત્ઝી, ક્વિન્ટન ડી કોક, બ્યોર્ન ફોર્ટ્યુન, રીઝા હેન્ડ્રીક્સ, માર્કો જેન્સન, હેનરિક ક્લાસેન, કેશવ મહારાજ, ડેવિડ મિલર, એનરિચ નોરખિયા, કાગીસો રબાડા, રેયાન રિકલ્ટન, તબરેઝ શમ્સી, ટ્રીસ્ટન સ્ટબ્સ.
રિઝર્વ : નાન્દ્રે બર્ગર અને લુંગી એનગિડી
આ પણ વાંચો : T20 World Cup 2024: ઈંગ્લેન્ડે વર્લ્ડ કપ માટે ટીમની જાહેરાત કરી, 13 મહિના બાદ ઘાતક બોલરની વાપસી