ટીમ ઈન્ડિયા ક્યાં છે? આગામી શ્રેણી ક્યારે યોજાશે? કઈ ટીમો સામે થશે ટક્કર, જાણો સંપૂર્ણ શેડ્યૂલ

ભારતીય ક્રિકેટ ટીમ હાલમાં 43 દિવસના બ્રેક પર છે. આ બ્રેક બાદ ટીમ ઈન્ડિયાનું શેડ્યૂલ ખૂબ જ વ્યસ્ત થઈ જશે. ઘરેલુ શ્રેણીની સાથે ટીમ ઈન્ડિયા દક્ષિણ આફ્રિકા અને ઓસ્ટ્રેલિયાનો પણ પ્રવાસ કરશે. ટીમ ઈન્ડિયાએ ચેમ્પિયન્સ ટ્રોફી 2025 સુધી સતત ક્રિકેટ રમવાનું છે.

Team India

Smit Chauhan | Updated on: Aug 10, 2024 | 6:14 PM

ટીમ ઈન્ડિયા તાજેતરમાં જ શ્રીલંકાના પ્રવાસે ગઈ હતી, જ્યાં ભારતીય ટીમે ત્રણ T20 અને ત્રણ ODI મેચ રમી હતી. ટીમ ઈન્ડિયા T20 સિરીઝ જીતવામાં સફળ રહી હતી, પરંતુ ODI સિરીઝમાં તેને 0-2થી હારનો સામનો કરવો પડ્યો હતો. આવી સ્થિતિમાં ચાહકોના મનમાં સૌથી મોટો પ્રશ્ન એ છે કે ભારતીય ક્રિકેટ ટીમ તેની આગામી શ્રેણી કોની સાથે અને ક્યારે રમશે. આ આર્ટીકલમાં અમે તમને ભારતીય ટીમના આગળના શેડ્યૂલ વિશે જ જણાવીશું. ભલે ટીમ અત્યારે બ્રેક પર છે, પરંતુ આ પછીનું શેડ્યૂલ ખૂબ જ વ્યસ્ત રહેવાનું છે.

ટીમ ઈન્ડિયાની આગામી સિરીઝ ક્યારે?

શ્રીલંકા પ્રવાસ ખતમ થયા બાદ ભારતીય ખેલાડીઓને 43 દિવસનો લાંબો બ્રેક મળ્યો છે. હવે ભારતીય ખેલાડીઓ 19 સપ્ટેમ્બરથી એક્શનમાં જોવા મળશે. ટીમ ઈન્ડિયાની આગામી સિરીઝ બાંગ્લાદેશ સામે હશે, જે ટેસ્ટ સિરીઝ હશે અને તે ભારતમાં જ રમવાની છે. બંને ટીમો વચ્ચે 2 ટેસ્ટ મેચ રમાશે. આ પછી ભારત અને બાંગ્લાદેશ વચ્ચે 3 T20 મેચ પણ રમાશે. ટેસ્ટ શ્રેણી 19 સપ્ટેમ્બરથી 1 ઓક્ટોબર અને વનડે શ્રેણી 6 ઓક્ટોબરથી 12 ઓક્ટોબર સુધી રમાશે.

IND vs BAN શ્રેણી શેડ્યૂલ

પ્રથમ ટેસ્ટ- ચેન્નાઈ (19 થી 23 સપ્ટેમ્બર)

Web Stories View more

Viral Video : વિદેશમાં Uyi Amma ગીત પર દેશી છોકરીએ કર્યો જોરદાર ડાન્સ

કયા દેશના કોચે સૌથી વધુ IPL ટ્રોફી જીતી છે?

Fennel Seeds : ઉનાળામાં શરીર રહેશે ઠંડુ, આ રીતે ખાઓ વરિયાળી

Video : પંજાબ કિંગ્સની માલકિન પ્રીટિ ઝિન્ટાની 'અધૂરી ઇચ્છા' થઈ પૂરી

IPLના 28 ખેલાડીઓ હવે પાકિસ્તાન સુપર લીગમાં રમશે

બીજી ટેસ્ટ- કાનપુર (27 સપ્ટેમ્બરથી 1 ઓક્ટોબર)

પહેલી T20- ધર્મશાલા (6 ઓક્ટોબર)

બીજી T20- દિલ્હી (9 ઓક્ટોબર)

ત્રીજી T20- હૈદરાબાદ (12 ઓક્ટોબર)

ન્યુઝીલેન્ડ સામે હોમ સિરીઝ

બાંગ્લાદેશ બાદ ન્યુઝીલેન્ડની ટીમ ભારતના પ્રવાસે આવશે. આ સમયગાળા દરમિયાન, બંને ટીમો વચ્ચે 3 મેચની ટેસ્ટ શ્રેણી રમાશે. ન્યુઝીલેન્ડનો ભારત પ્રવાસ 16 ઓક્ટોબરથી શરૂ થશે અને છેલ્લી ટેસ્ટ મેચ 1 નવેમ્બરથી શરૂ થશે.

IND vs NZ શ્રેણી શેડ્યૂલ

પ્રથમ ટેસ્ટ- બેંગલુરુ (16 થી 20 ઓક્ટોબર)

બીજી ટેસ્ટ- પુણે (24 થી 28 ઓક્ટોબર)

ત્રીજી ટેસ્ટ- મુંબઈ (1 થી 5 નવેમ્બર)

દક્ષિણ આફ્રિકાના પ્રવાસ પર T20 શ્રેણી

આ બંને ટીમોની યજમાની કર્યા બાદ ભારતીય ટીમ દક્ષિણ આફ્રિકા જશે. આ પ્રવાસમાં 4 T20 મેચ રમવાની છે. આ સિરીઝ 8 નવેમ્બરથી શરૂ થશે અને છેલ્લી મેચ 15 નવેમ્બરે રમાશે.

IND vs SA શ્રેણી શેડ્યૂલ

પહેલી T20- ડરબન (8 નવેમ્બર)

બીજી T20- ગકબેરહા (10 નવેમ્બર)

ત્રીજી T20- સેન્ચ્યુરિયન (13 નવેમ્બર)

ચોથી T20- જોહાનિસબર્ગ (15 નવેમ્બર)

તમામની નજર ઓસ્ટ્રેલિયા પ્રવાસ પર

ટીમ ઈન્ડિયા વર્ષના અંતમાં ઓસ્ટ્રેલિયાનો પ્રવાસ કરશે. બંને ટીમો વચ્ચે બોર્ડર- ગાવસ્કર ટેસ્ટ સિરીઝ રમાશે, જેમાં ડે-નાઈટ ટેસ્ટની સાથે કુલ 5 ટેસ્ટ મેચ રમાશે. આ શ્રેણી 22 નવેમ્બરથી શરૂ થશે અને આવતા વર્ષની શરૂઆત સુધી રમાશે.

IND vs AUS શ્રેણી શેડ્યૂલ

પ્રથમ ટેસ્ટ- પર્થ (22 નવેમ્બરથી 26 નવેમ્બર)

બીજી ટેસ્ટ- એડિલેડ (6 ડિસેમ્બરથી 10 ડિસેમ્બર)

ત્રીજી ટેસ્ટ- બ્રિસ્બેન (14 ડિસેમ્બરથી 18 ડિસેમ્બર)

ચોથી ટેસ્ટ- મેલબોર્ન (26 ડિસેમ્બરથી 30 ડિસેમ્બર)

પાંચમી ટેસ્ટ- સિડની (3 જાન્યુઆરીથી 7 જાન્યુઆરી)

નવા વર્ષની શરૂઆત ઈંગ્લેન્ડ શ્રેણીથી થશે

ભારતીય ટીમ આવતા વર્ષે ઘરઆંગણે ઈંગ્લેન્ડ સામે તેની પ્રથમ શ્રેણી રમશે. બંને ટીમો વચ્ચે 5 T20 અને ત્રણ ODI મેચની સિરીઝ રમાશે. આ શ્રેણી બાદ ભારતીય ટીમ ચેમ્પિયન્સ ટ્રોફી 2025માં ભાગ લેશે.