રોહિત-વિરાટ, વૈભવ સહિતના ખેલાડીઓ સપ્ટેમ્બરમાં મેદાનમાં જોવા મળશે, જાણો ક્યાં-ક્યારે રમાશે મેચો !

ભારતીય ક્રિકેટ ટીમનો શ્રીલંકા પ્રવાસ પૂરો થયો છે. ભારતીય ક્રિકેટ ટીમે બે મેચની ટેસ્ટ સિરીઝ 1-0 થી પોતાના નામે કરી લીધી છે. ભારતે ગેલ ટેસ્ટ શાનદાર રીતે જીતી હતી. પરંતુ ટીમ ઈન્ડિયા સિરીઝમાં ક્લીન સ્વીપ કરી શકી ન હતી કારણ કે કોલંબો ટેસ્ટ ડ્રો રહી હતી. તેથી, ભારત વર્લ્ડ ટેસ્ટ ચેમ્પિયનશિપ પોઈન્ટ ટેબલમાં પાંચમા સ્થાને રહ્યું છે. હવે શ્રીલંકા પ્રવાસ પછી ભારતીય ટીમે આગામી સિરીઝ પર ધ્યાન કેન્દ્રિત કર્યું છે.

ટીમ ઈન્ડિયા સપ્ટેમ્બરમાં અફઘાનિસ્તાન સામે T20 સિરીઝ રમશે. તે પછી, વેસ્ટ ઈન્ડિઝ સામે ODI સિરીઝ શરૂ થશે, અને તે જ સમયગાળા દરમિયાન ભારતીય ટીમ એશિયન ગેમ્સનો પણ સામનો કરશે. તો સપ્ટેમ્બર મહિનો ભારતીય ક્રિકેટ ચાહકો માટે ખૂબ જ વ્યસ્ત રહેવાનો છે.

ટીમ ઈન્ડિયાની આગામી મેચ

શ્રીલંકા પ્રવાસ પછી, ભારતીય ટીમ આગામી મેચ અફઘાનિસ્તાન સામે રમશે. બંને ટીમો ત્રણ મેચની T20 સિરીઝ રમશે. નોંધનીય છે કે આ સિરીઝની ત્રણેય મેચ દિલ્હીના અરુણ જેટલી સ્ટેડિયમમાં રમાશે. સિરીઝની પહેલી મેચ 13 સપ્ટેમ્બરે રમાશે.

ભારત VS અફઘાનિસ્તાન T20 સિરીઝનું ટાઇમટેબલ

• પહેલી T20 મેચ: 13 સપ્ટેમ્બર 2026, રવિવાર, દિલ્હી, સમય: સાંજે 7:00 વાગે
• બીજી T20 મેચ: 15 સપ્ટેમ્બર 2026, મંગળવાર, દિલ્હી, સમય: સાંજે 7:00 વાગે
• ત્રીજી T20 મેચ: 17 સપ્ટેમ્બર 2026, ગુરુવાર, દિલ્હી, સમય: સાંજે 7:00 વાગ્યે

વેસ્ટ ઈન્ડિઝ સામે ODI સિરીઝ

અફઘાનિસ્તાન સામે T20 સિરીઝ પછી, ભારતીય ટીમ વેસ્ટ ઈન્ડિઝ સામે ત્રણ મેચની ODI સિરીઝ રમશે. આ સિરીઝની પહેલી મેચ સપ્ટેમ્બરના અંતમાં રમાશે. ભારત અને વેસ્ટ ઈન્ડિઝ વચ્ચેની ODI સિરીઝની પહેલી મેચ 27 સપ્ટેમ્બરે તિરુવનંતપુરમના ગ્રીનફિલ્ડ સ્ટેડિયમમાં રમાશે. બીજી ODI મેચ 30 સપ્ટેમ્બરે ગુવાહાટીના ડો. ભૂપેન હજારિકા ક્રિકેટ સ્ટેડિયમમાં રમાશે. સિરીઝની ત્રીજી અને અંતિમ મેચ ઓક્ટોબરમાં રમાશે.

ભારત VS વેસ્ટ ઈન્ડિઝ ODI સિરીઝનું ટાઇમટેબલ

• પહેલી ODI: 27 સપ્ટેમ્બર, ગ્રીનફિલ્ડ સ્ટેડિયમ, તિરુવનંતપુરમ
• બીજી ODI: 30 સપ્ટેમ્બર, ડો. ભૂપેન હજારિકા ક્રિકેટ સ્ટેડિયમ, ગુવાહાટી
• ત્રીજી ODI: 3 ઓક્ટોબર, PCA સ્ટેડિયમ, ન્યૂ ચંદીગઢ

ટીમ ઈન્ડિયા એશિયન ગેમ્સમાં પણ લેશે ભાગ

આ દરમિયાન, ભારતીય ટીમ એશિયન ગેમ્સમાં પણ મેદાનમાં ઉતરશે. ભારતે ટૂર્નામેન્ટના ક્વાર્ટર ફાઇનલ માટે સીધું ક્વોલિફાય કર્યું છે. ભારતનો ક્વાર્ટર ફાઇનલ મેચ 28 સપ્ટેમ્બરે કોરોગી સ્પોર્ટ્સ પાર્ક, નિશિન ​​ખાતે રમાશે. જોકે, આ મેચમાં ભારત કઈ ટીમનો સામનો કરશે તે હજુ સુધી જાણી શકાયું નથી. જો ભારત ક્વાર્ટર ફાઇનલ જીતે છે, તો ટીમ 1 ઓક્ટોબરના રોજ સેમિફાઇનલમાં રમશે.

આ પણ વાંચો, Asian Games 2026 Cricket : ક્રિકેટ સ્ટેડિયમમાં ડ્રેસિંગ રૂમ કે વોશરૂમના ઠેકાણા નહીં, સુવિધા બાબતે BCCI નારાજ, નહીં મોકલે સ્ટાર ખેલાડીઓને !