Rohit Sharma, IPL 2023: રોહિત શર્માની કંગાળ રમત જારી, લખનૌ સામે સસ્તામાં પરત ફર્યો, હિટમેન 14મી વાર ફ્લોપ
LSG vs MI: રોહિત શર્માએ અંતિમ મેચમાં વાનખેડેમાં શાનદાર અડધી સદી નોંધાવી હતી. પરંતુ ચેપોકમાં હિટમેન સસ્તામાં જ પેવેલિયન પરત ફર્યો હતો. રોહિત પોતાની લયને એલિમિનેટરમાં જાળવી શક્યો નહોતો.
મુંબઈ ઈન્ડિયન્સ અને લખનૌ સુપર જાયન્ટ્સ વચ્ચે એલિમિનેટર ચેન્નાઈના ચેપોકમાં રમાઈ રહી છે. આ દરમિયાન રોહિત શર્મા લખનૌ સામે સસ્તામાં જ પોતાની વિકેટ ગુમાવી બેઠો હતો. મુંબઈએ અંતિમ લીગ મેચમાં સુકાની રોહિત શર્માની અડધી સદીની રમત જોવા મળી હતી. મુંબઈના કેપ્ટન રોહિતે આજે ચેપોકમાં વાનખેડે જેવુ પ્રદર્શન કરવામાં સફળતા મેળવી નહોતી. રોહિત ફરી એકવાર પ્રભાવિત કરનારી રમત રમી નહોતી. છેલ્લા કેટલાક વર્ષથી રોહિતનો ચાલી રહેલો પ્લોઓફમાં નબળા પ્રદર્શનનો સિલસિલો IPL 2023 ની સિઝનમાં પણ જળવાઈ રહ્યો હતો.
રોહિત શર્માએ ટોસ જીતીને પ્રથમ બેટિંગ પસંદ કરી હતી. આમ લખનૌ સામે ચેપોકમાં પ્રથમ બેટિંગ કરતા 183 રનનુ લક્ષ્ય રાખ્યુ હતુ. રોહિત શર્મા મુંબઈની બેટિંગ ઈનીંગની ચોથી ઓવરમાં વિકેટ ગુમાવીને પરત ફર્યો હતો. રોહિત નવીન ઉલ હકનો શિકાર થયો હતો.
પ્લેઓફમાં ફરી એકવાર રોહિત ફ્લોપ
મુંબઈ ઈન્ડિયન્સ પાંચ વાર ચેમ્પિયન રહી છે. જોકે પ્લેઓફમાં મુંબઈનો કેપ્ટન ફ્લોપ રહેતો જોવા મળી રહ્યો છે. બુધવારે રોહિત શર્મા ચેપોકમાં એલિમિનેટર મેચ રમવા માટે મેદાને ઉતર્યો અને વધુ એકવાર ફ્લોપ રહ્યો હતો. રોહિતનો પ્લેઓફમાં સિલસિલો રહ્યો છે, એ જ પ્રમાણે તે બુધવારે પણ સસ્તામાં આઉટ થઈને પરત ફર્યો હતો. ચેપોકમાં લખનૌ સામે 10 બોલનો સામનો કરીને માત્ર 11 રન નોંધાવી તે પરત ફર્યો હતો. જેમાં એક છગ્ગો અને એક ચોગ્ગો તેણે ફટકાર્યો હતો.
આઈપીએલમાં અત્યાર સુધીમાં ક્વોલિફાયર અને એલિમિનેટર મેચમાં મળીને કોઈ માટી ઈનીંગ પોતાના નામે નોંધાવી નથી. પ્લેઓફમાં તેણે રમેલી 14 મેચની ઈનીંગમાં 125 રન નોંધાવ્યા છે. એટલે કે ફક્ત 9.61 ની સરેરાશ અને 88 ના સ્ટ્રાઈક રેટથી રન નોંધાવ્યા છે. પ્લેઓફમાં સૌથી મોટો સ્કોર રોહિત શર્માનાનો માત્ર 26 રનનો જ રહ્યો છે.
IPL Final માં આવો છે રેકોર્ડ
અત્યાર સુધીમાં IPL Final ની 6 મેચ રોહિત શર્મા રમી ચુક્યો છે. આ દરમિયાન રોહિત શર્માએ શાનદાર બેટિંગ કરી છે. ફાઈનલમાં મુંબઈ ઈન્ડિયન્સના કેપ્ટને બેટ ખોલીને રમત બતાવી છે. 6 ઈનીંગમાં 30ની સરેરાશથી 183 રન હિટમેન નોંધાવી ચુક્યો છે. જ્યારે બે વાર ફાઈનલ મેચમાં તે અડધી સદી નોંધાવી ચુક્યો છે. જે બંને વાર મુંબઈ ચેમ્પિયન બની શક્યુ છે. આમ જ્યારે જ્યારે મુંબઈની ટીમ ફાઈનલમાં પહોંચી છે, ત્યારે રોહિત શર્માની બેટ સારુ ચાલ્યુ છે.
આ પણ વાંચોઃ MS Dhoni Controversy: ધોનીને કયા નિયમને લઈ અંપયાર સાથે વાંધો પડ્યો? ચર્ચામાં માહી ચાલ ખેલી ગયો! કયા નિયમે કરાવી દીધી રકઝક જાણો-Video
ક્રિકેટ સહિત રમતગમતના દરેક સમાચાર વાંચવા અહીં ક્લિક કરો
Latest News Updates
