Rishabh Pant: ઋષભ પંત પડ્યો ઘૂંટણિયે, RCB સામેની મેચ પહેલા જ હાર સ્વીકારી…! જાણો
આ સિઝનમાં લખનૌ સુપર જાયન્ટ્સના નબળા પ્રદર્શનથી કેપ્ટન રિષભ પંતે ખુલ્લી નિરાશા વ્યક્ત કરી છે. 9 મેચમાંથી માત્ર 2 જીત સાથે LSG પ્લેઓફ રેસમાંથી લગભગ બહાર છે.
Rishabh Pant: લખનૌ સુપર જાયન્ટ્સના કેપ્ટન Rishabh Pant એ IPL 2026 દરમિયાન પોતાની ટીમના પ્રદર્શનને લઈને ખુલ્લેઆમ નિરાશા વ્યક્ત કરી છે. રોયલ ચેલેન્જર્સ બેંગ્લોર સામેની મેચ પહેલા ટોસ દરમિયાન પંતે સ્વીકાર્યું કે આ સિઝનમાં ટીમ અપેક્ષા મુજબનું પ્રદર્શન કરી શકી નથી અને હવે તેમનું મુખ્ય ધ્યાન આગામી સિઝન માટે મજબૂત વાપસી કરવાની તૈયારી પર છે. તેમના આ નિવેદન બાદ સોશિયલ મીડિયા પર ચર્ચાઓ તેજ બની ગઈ છે.
બે જીત બાદ ટીમનો લય બગડ્યો
લખનૌ સુપર જાયન્ટ્સ માટે આ સિઝન અત્યાર સુધી ખૂબ જ નિરાશાજનક રહી છે. ટીમ હાલમાં પોઈન્ટ ટેબલમાં છેલ્લાં સ્થાને છે. 9 મેચમાંથી માત્ર 2 જીત સાથે ટીમ પ્લેઓફની રેસમાંથી લગભગ બહાર થઈ ચૂકી છે. શરૂઆતમાં સતત બે જીત બાદ ટીમનો લય બગડ્યો અને ત્યારથી લખનૌ સતત હારનો સામનો કરી રહી છે.
ટોસ દરમિયાન વાત કરતાં પંતે કહ્યું કે ટીમમાં ઉચ્ચ ગુણવત્તાવાળા ખેલાડીઓ છે, પરંતુ ઘણી વખત મેદાન પર યોજનાઓ પ્રમાણે પરિણામ મળતા નથી. તેમણે ઉમેર્યું કે ક્રિકેટમાં આવી પરિસ્થિતિઓ આવતી રહે છે અને હવે ટીમ માટે જરૂરી છે કે ભૂલોમાંથી શીખીને આગામી સિઝનમાં વધુ સારી તૈયારી સાથે પરત ફરવું. પંતે એ પણ જણાવ્યું કે બેટિંગ ક્રમમાં કેટલાક ફેરફારો કરવામાં આવ્યા છે અને ટીમ સ્થિરતા સાથે સુધારાની દિશામાં કામ કરી રહી છે.
KKR સામેની મેચ ટાઈ થયા બાદ સુપર ઓવરમાં પણ લખનૌને નિરાશા
લખનૌની સિઝનની શરૂઆત દિલ્હી કેપિટલ્સ સામે હારથી થઈ હતી. ત્યારબાદ ટીમે હૈદરાબાદ અને KKR સામે જીત મેળવી હતી, પરંતુ ત્યાર પછી હારનો સિલસિલો શરૂ થયો. ગુજરાત ટાઇટન્સ, RCB, પંજાબ કિંગ્સ, રાજસ્થાન રોયલ્સ અને મુંબઈ ઇન્ડિયન્સ સામે ટીમને પરાજયનો સામનો કરવો પડ્યો. KKR સામેની મેચ ટાઈ થયા બાદ સુપર ઓવરમાં પણ લખનૌને નિરાશા મળી હતી.
Toss @RCBTweets have won the toss and elected to bowl first against @LucknowIPL in Lucknow.
Updates ▶️ https://t.co/W0eDq9aWb7#TATAIPL | #KhelBindaas | #LSGvRCB pic.twitter.com/Z5DSxyelwt
— IndianPremierLeague (@IPL) May 7, 2026
વ્યક્તિગત રીતે પણ Rishabh Pant માટે આ સિઝન ખાસ રહી નથી. તેણે અત્યાર સુધી 10 મેચમાં માત્ર 204 રન બનાવ્યા છે. તેનો સ્ટ્રાઈક રેટ 130થી ઓછો રહ્યો છે, જ્યારે સરેરાશ પણ આશા મુજબ નથી. ટીમના કેપ્ટન અને મુખ્ય બેટ્સમેન તરીકે પંત પાસેથી મોટી ઇનિંગ્સની અપેક્ષા હતી, પરંતુ તે સતત અસર છોડવામાં નિષ્ફળ રહ્યો છે.
હવે લખનૌ સુપર જાયન્ટ્સ માટે બાકી રહેલી મેચો પ્રતિષ્ઠાની લડાઈ સમાન બની ગઈ છે. ટીમ આગામી મેચોમાં સકારાત્મક અંત લાવવાનો પ્રયાસ કરશે, જ્યારે ચાહકોને આશા રહેશે કે આગામી સિઝનમાં લખનૌ વધુ મજબૂત વાપસી કરશે.
Breaking News: મિશેલ માર્શની શાનદાર સદી, LSG માટે રમતા 4 સિદ્ધિઓ હાંસલ કરી
