રાહુલ દ્રવિડના પુત્રને 24 કલાકમાં મળ્યા બીજા ગુડ ન્યૂઝ, આ ટીમનો બન્યો કેપ્ટન

ભારતના દિગ્ગજ ક્રિકેટર રાહુલ દ્રવિડને કોઈ પરિચયની જરૂર નથી. તેમણે પોતાની કારકિર્દી દરમિયાન ભારતને ઘણી ઐતિહાસિક જીત અપાવી હતી. તેમણે કોચ તરીકે પણ ભારતીય ટીમમાં યોગદાન આપ્યું હતું. હવે, તેમનો પુત્ર પણ ક્રિકેટ જગતમાં સતત હેડલાઈન્સમાં રહે છે. રાહુલ દ્રવિડના નાના પુત્ર અન્વય દ્રવિડને તાજેતરમાં કર્ણાટક રાજ્ય ક્રિકેટ એસોસિએશન દ્વારા તેના વાર્ષિક એવોર્ડ સમારોહમાં સન્માનિત કરવામાં આવ્યો હતો. હવે, અન્વય દ્રવિડને વધુ એક સારા સમાચાર મળ્યા છે.

અન્વય દ્રવિડને કેપ્ટન બનાવવામાં આવ્યો

અન્વય દ્રવિડનું તાજેતરનું પ્રદર્શન પ્રભાવશાળી રહ્યું છે, જેના કારણે કર્ણાટક રાજ્ય ક્રિકેટ એસોસિએશન તેને એક મહત્વપૂર્ણ જવાબદારી સોંપી રહ્યું છે. દ્રવિડ 9 થી 17 ઓક્ટોબર દરમિયાન દેહરાદૂન ખાતે યોજાનારી વિનુ માંકડ ટ્રોફીમાં કર્ણાટકનું નેતૃત્વ કરશે. તે ટુર્નામેન્ટની છેલ્લી સિઝનમાં કર્ણાટકનો ટોપ સ્કોરર હતો. દ્રવિડ તેના પિતા રાહુલ દ્રવિડની જેમ વિકેટકીપર-બેટ્સમેન છે. તેના પિતાની જેમ, અન્વયનો સ્વભાવ શાંત અને બેટિંગ શૈલી સમાન છે.

24 કલાકમાં બે ગુડ ન્યુઝ

5 ઓક્ટોબરના રોજ KSCAના વાર્ષિક પુરસ્કાર સમારોહમાં અન્વય દ્રવિડને સન્માનિત કરવામાં આવ્યો હતો . તે અંડર-16 વિજય મર્ચન્ટ ટ્રોફીમાં કર્ણાટક માટે સૌથી વધુ રન બનાવનાર ખેલાડી હતો. આ ટુર્નામેન્ટની છ મેચોમાં, અન્વયે 91.80 ની પ્રભાવશાળી સરેરાશથી 459 રન બનાવ્યા, જેમાં બે ધમાકેદાર સદીનો સમાવેશ થાય છે. આનાથી તેને KSCAનો વાર્ષિક પુરસ્કાર મળ્યો. આ સતત બીજી વખત છે જ્યારે KSCA એ અન્વયનું સન્માન કર્યું છે, અને તેને કેપ્ટન પણ નિયુક્ત કરવામાં આવ્યો છે. આનો અર્થ એ છે કે અન્વયને 24 કલાકમાં બે મોટા સારા સમાચાર મળ્યા છે.

વિનુ માંકડ ટ્રોફી માટે કર્ણાટકની ટીમ :

અન્વય દ્રવિડ (કેપ્ટન, વિકેટકીપર), નીતીશ આર્ય, આદર્શ ડી’ઉર્સ, એસ મણિકાંત (વાઈસ-કેપ્ટન), પ્રણિત શેટ્ટી, વસવ વેંકટેશ, અક્ષત પ્રભાકર, સી વૈભવ, કુલદીપ સિંહ પુરોહિત, રતન બીઆર, વૈભવ શર્મા, કેએ તેજસ, અથર્વ મોહમ્મદ, અથર્વ કણ્ઠવી, રેન મલ્વી (વિકેટકીપર).

આ પણ વાંચો: વિરાટ કોહલી-રોહિત શર્માના ટીમ ઈન્ડિયામાં દિવસો પૂરા થઈ ગયા? ગૌતમ ગંભીર-અજીત અગરકરનો સિક્રેટ પ્લાન થયો જાહેર

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો