PBKS vs RCB Highlights Cricket Score, IPL 2022 : પંજાબના પાવર સામે ઝુક્યું બેંગ્લોર, પંજાબે 5 વિકેટે મેચ જીતી લીધી

IPL 2022 સીઝનમાં આજે ડબલ હેડર મેચમાં બીજી મેચમાં પંજાબ કિંગ્સનો સામનો બેંગ્લોર સામે થયો હતો. જેમાં પંજાબ ટીમે શાનદાર પ્રદર્શન કરતા 200થી વધુનો લક્ષ્યાંક હોવા છતાં જીત મેળવીને લીગમાં શાનદાર શરૂઆત કરી હતી.

PBKS vs RCB Highlights Cricket Score, IPL 2022 : પંજાબના પાવર સામે ઝુક્યું બેંગ્લોર, પંજાબે 5 વિકેટે મેચ જીતી લીધી
PBKS vs RCB

| Edited By: Adhirajsinh jadeja

Mar 27, 2022 | 11:32 PM

IPL 2022 સીઝનમાં આજે ડબલ હેડરનો દિવસ છે અને બીજી મેચમાં પંજાબ કિંગ્સનો સામનો રોયલ ચેલેન્જર્સ બેંગ્લોર (PBKS vs RCB) સાથે થશે. નવી મુંબઈના DY પાટિલ સ્ટેડિયમમાં IPL 2022 ની ત્રીજી મેચ સાથે બંને ટીમો તેમની નવી સિઝનની શરૂઆત કરી રહી છે. બંને ટીમના નવા કેપ્ટન આ વખતે મેદાનમાં ઉતરશે. પંજાબ માટે મયંક અગ્રવાલ કેપ્ટનશીપ કરી રહ્યો છે. જ્યારે 9 વર્ષ બાદ બેંગ્લોરની કેપ્ટનશિપમાં ફેરફાર કરવામાં આવ્યો છે અને હવે ફાફ ડુ પ્લેસિસ ટીમનું સંચાલન કરશે. બંને ટીમો મજબૂત છે અને આવી સ્થિતિમાં જીત સાથે નવી સિઝનની શરૂઆત કરવી કોઈના માટે આસાન નથી.

LIVE NEWS & UPDATES

The liveblog has ended.
  • 27 Mar 2022 11:30 PM (IST)

    PBKS vs RCB Match: અંતિમ બોલ પર ચોગ્ગા સાથે પંજાબે જીત મેળવી

    પંજાબ કિંગ્સે 206 રનનો લક્ષ્યાંક અંતિમ ઓવરમાં અંતિમ બોલ પર મેળવ્યો. 19મી ઓવરમાં શાહરૂખ ખાને પહેલા હર્ષલ પટેલની ઓવરમાં સિક્સર ફટકારી અને ત્યાર બાદ છેલ્લા બોલે 4 રન ફટકારીને ટીમને 5 વિકેટે જબરદસ્ત વિજય અપાવ્યો. બેંગ્લોરના બોલરો આટલા મોટા ટાર્ગેટને બચાવવામાં પણ નિષ્ફળ ગયા અને પંજાબની બેટિંગ પાવર સામે હાર સ્વીકારી લીધી.

  • 27 Mar 2022 11:27 PM (IST)

    PBKS vs RCB Match: સ્મિથે સિરાજને ધોઇ નાખ્યો, એક ઓવરમાં 25 રન

    આ સિઝનમાં સિરાજની ઇનિંગની 18મી ઓવર સૌથી મોંધી સાબિત થઇ છે. 18મી ઓવરમાં સ્મિથે ત્રણ છગ્ગા અને એક ચોગ્ગો ફટકારીને એક ઓવરમાં 25 રન લીધા હતા.

  • 27 Mar 2022 11:01 PM (IST)

    PBKS vs RCB Match: પંજાબની પાંચમી વિકેટ પડી

    અક્સ દીપની ઓવરમાં પાંચમાં બોલમાં પંજાબના લિવિંગસ્ટોને બોલને ડીપ કવર તરફ ફટકાર્યો. પણ ત્યા હાજર ફિલ્ડર અનુજ રાવતે જરા પણ ભુલ ન કરતા કેચ પકડી લીધો હતો. લિવિંગસ્ટોન 10 બોલમાં બે છગ્ગાની મદદથી 19 રન બનાવી આઉટ થયો હતો.

  • 27 Mar 2022 10:37 PM (IST)

    PBKS vs RCB Match: પંજાબની બીજી વિકેટ પડી

    પંજાબ કિંગ્સ ટીમની બીજી વિકેટ પડી. શિખર ધવન શાનદાર ઇનિંગ રમી આઉટ થયો. તેણે 29 બોલમાં 5 ચોગ્ગા અને 1 છગ્ગાની મદદથી 43 રન બનાવી આઉટ થયો.

  • 27 Mar 2022 10:20 PM (IST)

    PBKS vs RCB Match: પંજાબની પહેલી વિકેટ પડી

    પંજાબની પહેલી વિકેટ પડી અને સુકાની મયંક અગ્રવાલ આઉટ થઈને પરત ફર્યો છે. આઠમી ઓવરમાં બોલિંગ કરવા આવેલા શ્રીલંકાના લેગ-સ્પિનર ​​વાનિન્દુ હસરાંગાનો પહેલો જ બોલ શોર્ટ હતો, પરંતુ મયંક તેનો ફાયદો ઉઠાવી શક્યો ન હતો અને તેનો પુલ શોટ સીધો સ્ક્વેર લેગમાં ગયો હતો. જ્યાં શાહબાઝ અહેમદે કેચ લીધો હતો.

  • 27 Mar 2022 09:56 PM (IST)

    PBKS vs RCB Match: સુકાની મયંક અગ્રવાલ આક્રમક મુડમાં

    મયંક અગ્રવાલે પોતાની ઇનિંગમાં પ્રથમ છગ્ગા ફટકાર્યો. સિરાજે ધીમી બોલિંગ કરી પરંતુ તે લાંબો હતો અને મયંકે તેને લોંગ ઓફ પર બોલને ફેકી દીધો હતો. ઓવરના પાંચમા બોલ પર ફરી મયંકે પુલ શોટ માર્યો અને ડીપ સ્ક્વેર લેગ પર 4 રન બનાવ્યા. પંજાબ માટે બીજી શાનદાર ઓવર રહી, જેમાં 14 રન આવ્યા.

  • 27 Mar 2022 09:16 PM (IST)

    PBKS vs RCB Match: બેંગ્લોરે 20 ઓવરમાં 205 રન ખડકી દીધા

    બેંગ્લોર ટીમે સુકાની ફાફ ડુ પ્લેસીસના આક્રમક 88 રન, વિરાટ કોહલીના 29 બોલમાં અણનમ 41 રન અને દિનેશ કાર્તિકના 14 બોલમાં ઝડપી અણનમ 32 રનની મદદથી 205 રન ખડકી દીધા હતા અને પંજાબ ટીમને જીતવા માટે 206 રનનો લક્ષ્યાંક આપ્યો હતો.

  • 27 Mar 2022 09:11 PM (IST)

    PBKS vs RCB Match: કાર્તિકે આવતાની સાથે જ છગ્ગો ફટકાર્યો

    બેંગ્લોર ટીમમાં વાપસી કરી રહેલા દિનેશ કાર્તિકે આવતાની સાથે જ રનનો વરસાદ શરૂ કરી દીધો છે. 19મી ઓવરમાં કાર્તિકે સ્મિથના પ્રથમ બોલને ડીપ ફાઈન લેગ બાઉન્ડ્રીની બહાર 6 રન પર મોકલ્યો હતો. પછીના બોલ પર તેણે ચોગ્ગો પણ લીધો.

  • 27 Mar 2022 09:10 PM (IST)

    PBKS vs RCB Match: પંજાબને મોટી સફળતા, સુકાની આઉટ

    બેંગ્લોરની બીજી વિકેટ પડી અને સુકાની ફાફ ડુ પ્લેસિસની જબરદસ્ત ઇનિંગનો અંત આવી ગયો. 18મી ઓવરમાં અર્શદીપના પ્રથમ બોલને ડુપ્લેસીએ લોંગ ઓફ તરફ ફટકાર્યો. પરંતુ બાઉન્ડ્રીથી આગળ શાહરૂખે એક શાનદાર કેચ લીધો હતો. ડુ પ્લેસિસ તેની પ્રથમ આઈપીએલ સદી ચૂકી ગયો. સુકાની ફાફ ડુ પ્લેસિસે 57 બોલમાં 88 રન કર્યા હતા.

  • 27 Mar 2022 08:53 PM (IST)

    PBKS vs RCB Match: સુકાની ફટકાર્યો સાતમો છગ્ગો

    અત્યારે સુકાની ડુપ્લેસીને રોકવો મુશ્કેલ બની ગયું છે અને તે બોલરોને કપડાની જેમ ધોઇ રહ્યો છે. તેણે અર્શદીપની ઓવરમાં બીજો છગ્ગો ફટકાર્યો હતો. જ્યારે તેણે ઇનિંગમાં પોતાનો સાતમો છગ્ગો ફટકાર્યો હતો.

  • 27 Mar 2022 08:41 PM (IST)

    PBKS vs RCB Match: સુકાનીનો કહેર, સતત બીજી સિક્સ ફટકારી

    લાંબા સમયથી બાઉન્ડ્રી મેળવવા માટે સંઘર્ષ કરી રહેલા ડુ પ્લેસિસે એક પછી એક રનનો ઢગલો કરી દીધો હતો. આ વખતે ડુ પ્લેસિસે હરપ્રીત બ્રારની ઓવરના પહેલા બે બોલ પર લોંગ ઓફની બહાર લાંબી સિક્સર ફટકારી હતી.

  • 27 Mar 2022 08:33 PM (IST)

    PBKS vs RCB Match: કોહલી બાદ સુકાનીએ પણ ફટકાર્યો છગ્ગો

    અંતે 11મી ઓવર બાદ ફાફ ડુ પ્લેસિસ મોટો શોટ રમવામાં સફળ રહ્યો. ઓવરના પાંચમા બોલ પર ડુ પ્લેસિસે પોતાની જગ્યા પર ઉભા રહીને અને લોંગ ઓન પર સીધો સિક્સર ફટકાર્યો. ડુ પ્લેસિસની આ માત્ર બીજી બાઉન્ડ્રી હતી. આ ઓવરમાં 14 રન આવ્યા.

  • 27 Mar 2022 08:26 PM (IST)

    PBKS vs RCB Match: કોહલીએ ફટકાર્યો છગ્ગો

    વિરાટ કોહલીએ ઇનિંગમાં તેની પ્રથમ સિક્સ ફટકારી. રનની ગતિ વધારવાના પ્રયાસમાં, કોહલીએ 10મી ઓવરમાં હરપ્રીત બ્રારની ઓવરમાં ડીપ મિડવિકેટની બહાર લાંબી સિક્સર ફટકારી. RCB માટે આ ઓવર વધુ સારી હતી, ટીમને આ ઓવરમાં 13 રન મળ્યા.

  • 27 Mar 2022 07:58 PM (IST)

    PBKS vs RCB Match: અનુજ રાવતે ફટકાર્યો છગ્ગો

    અનુજ રાવતે મેચની પ્રથમ સિક્સર ફટકારી છે. ત્રીજી ઓવરમાં સંદીપ શર્માની બોલ પર ડાબોડી બેટ્સમેન અનુજે ક્રિઝની બહાર આવીને લોંગ ઓન બાઉન્ડ્રીની બહાર બોલ મોકલીને પોતાનું ખાતું ખોલાવ્યું. ઓવરમાં 11 રન બન્યા હતા.

  • 27 Mar 2022 07:51 PM (IST)

    PBKS vs RCB Match: ઇનિંગનો પહેલો ચોગ્ગો

    બેંગ્લોરની ઇનિંગ્સના પહેલો ચોગ્ગ સુકાની ડુ પ્લેસિસના બેટમાંથી આવ્યો હતો. ત્રીજી ઓવરમાં, ડુ પ્લેસિસે સંદીપ શર્માના બીજા બોલને ફ્લિક કર્યો અને ડીપ મિડવિકેટ પર ચોગ્ગો ફટકાર્યો.

  • 27 Mar 2022 07:28 PM (IST)

    PBKS vs RCB Match: પંજાબ ટીમની પ્લેઇંગ ઇલેવન

    પંજાબ કિંગ્સ ટીમની પ્લેઇંગ ઇલેવનઃ મયંક અગ્રવાલ (સુકાની), શિખર ધવન, લિયામ લિવિંગ્સ્ટન, ભાનુકા રાજપક્ષે (વિકેટકીપર), ઓડિન સ્મિથ, શાહરૂખ ખાન, રાજંગદ બાવા, અર્શદીપ સિંહ, હરપ્રીત બ્રાર, સંદીપ શર્મા અને રાહુલ ચહર.

  • 27 Mar 2022 07:26 PM (IST)

    PBKS vs RCB Match: બેંગ્લોર ટીમની પ્લેઇંગ ઇલેવન

    રોયલ ચેલેન્જર્સ બેંગ્લોર ટીમની પ્લેઇંગ ઇલેવન આ પ્રમાણે છે: ફાફ ડુ પ્લેસિસ (સુકાની), અનુજ રાવત, વિરાટ કોહલી, શેરફેન રધરફોર્ડ, દિનેશ કાર્તિક (વિકેટકીપર), ડેવિડ વિલી, શાહબાઝ અહેમદ, વાનિન્દુ હસરંગા, હર્ષલ પટેલ, મોહમ્મદ સિરાજ, આકાશ દીપ.

  • 27 Mar 2022 07:16 PM (IST)

    પંજાબ ટીમે ટોસ જીત્યો

    પંજાબ કિંગ્સ ટીમના સુકાની મયંક અગ્રવાલે ટોસ જીતી લીધો છે અને પહેલા બોલિંગ કરવાનો નિર્ણય કર્યો છે.

Published On - Mar 27,2022 7:10 PM

Follow us on

Related Stories

Most Read Stories

Click on your DTH Provider to Add TV9 Gujarati