IPL 2022 Purple Cap: યુઝવેન્દ્ર ચહલની બાદશાહતને પડકારતો જોશ હેઝલવુડ, માત્ર 3 મેચ રમીને આપ્યો મોટો પડકાર
IPL Purple Cap: યુઝવેન્દ્ર ચહલ (Yuzvendra Chahal) હાલમાં IPL 2022 માં પર્પલ કેપનો બાદશાહ છે. પરંતુ તેની બાદશાહત માટે સૌથી મોટો પડકાર, જોશ હેઝલવુડનો છે, જેણે અત્યાર સુધીમાં માત્ર ત્રણ મેચ રમી છે.
IPL 2022 માં ટ્રોફી લેવા માટે માત્ર ટીમની જ લડાઈ નથી થતી. પરંતુ ટીમના ખેલાડીઓ વચ્ચે એકબીજાને પાછળ છોડીને ઉત્કૃષ્ઠ દેખાવ માટે પણ સ્પર્ધા થાય છે. જોકે, આ સ્પર્ધા માત્ર કોઈ એક કે બે ટીમો વચ્ચે નહીં પરંતુ અલગ અલગ ટીમના ખેલાડીઓ વચ્ચેની છે.ખાસ કરીને સૌથી વિકેટ મેળવવા માટે બોલરોમાં સ્પર્ધા જોવા મળે છે. સૌથી વધુ વિકેટ લેનાર બોલરને પર્પલ કેપ (Purple Cap) મળે છે. યુઝવેન્દ્ર ચહલ (Yuzvendra Chahal) હાલમાં IPL 2022માં પર્પલ કેપનો બાદશાહ છે. પરંતુ તેની બાદશાહત માટે સૌથી મોટો પડકાર જોશ હેઝલવુડ (Josh Hazlewood) પાસેથી જોવા મળી શકે છે, જેણે અત્યાર સુધીમાં માત્ર 3 મેચ રમી છે.
હવે સમજો કે યુઝવેન્દ્ર ચહલની બાદશાહતને પડકાર કેમ છે. વાસ્તવમાં તેની પાછળ આઈપીએલ 2022માં ઓસ્ટ્રેલિયાના ફાસ્ટ બોલર જોશ હેઝલવુડનું પ્રદર્શન છે. હેઝલવુડે આઈપીએલ 2022માં અત્યાર સુધી 3 મેચ રમી છે, જેમાં તેણે 7.16ની ઈકોનોમી અને 10.75ની એવરેજથી 8 વિકેટ ઝડપી છે. જેમાં લખનૌ સુપર જાયન્ટ્સ સામેની મેચમાં 25 રનમાં 4 વિકેટ લેવાની સિદ્ધિ પણ સામેલ છે.
હેઝલવુડના ઝડપી મૂવિંગ સ્ટેપ્સ
હવે જરા વિચારો કે, માત્ર 3 મેચમાં 8 વિકેટ ઝડપનાર બોલર જો આ જ રીતે વિકેટ લેવા માટે આગળ વધે તો બાકીની જેમ 6 કે 7 મેચ રમ્યા બાદ તેની બેગમાં કેટલી વિકેટ પડી શકે છે ? હેઝલવૂડ પર્પલ કેપ રેસમાં ભલે 10માં નંબર પર હોય, પરંતુ તેને 10માં નંબરથી પ્રથમ સ્થાન પર પહોંચવામાં વધુ સમય લાગશે નહીં.
હાલ તો ચહલના માથે પર્પલ કેપ
જો કે, હાલમાં પર્પલ કેપ યુઝવેન્દ્ર ચહલના માથા પર છે. રાજસ્થાન તરફથી રમતા આ સ્પિનરે ટૂર્નામેન્ટમાં અત્યાર સુધી રમાયેલી 6 મેચમાં 17 વિકેટ ઝડપી છે. આ દરમિયાન તેમની એવરેજ 10.35 અને ઇકોનોમી 7.33 હતી. નંબર વન ચહલ ઉપરાંત ટી. નટરાજન, કુલદીપ યાદવ, વાનિન્દુ હસરંગા અને અવેશ ખાન સૌથી વધુ વિકેટ લેનારા ટોપ 5 બોલર્સમાં સામેલ છે.
હેઝલવુડ કેમ ચહલ માટે ખતરો છે ?
સનરાઇઝર્સ લેફ્ટ આર્મ ફાસ્ટ બોલર ટી. નટરાજને 6 મેચમાં 12 વિકેટ લીધી છે. દિલ્હી કેપિટલ્સના ડાબોડી સ્પિનર કુલદીપ યાદવે 5 મેચમાં 11 વિકેટ લીધી છે. જ્યારે RCBના હસરંગા અને LSGના અવેશ ખાને 7-7 મેચ બાદ 11 વિકેટ ઝડપી છે. ડ્વેન બ્રાવો અને ઉમેશ યાદવ 10-10 વિકેટ સાથે 6ઠ્ઠા અને 7મા સ્થાને છે. જ્યારે રાહુલ ચહર અને ઉમરાન મલિકે 8માં અને 9મા સ્થાને 9-9 વિકેટ લીધી હતી. આ બધા પછી જોશ હેઝલવુડનો નંબર આવે છે, જેમની વિકેટ લેવાની ગતિ સૌથી ઝડપી છે. અને, આ જ કારણ છે કે તે ભવિષ્યમાં ચહલના પર્પલ કેપ દાવા સામે ખતરો બનતો જોવા મળી શકે છે.
આ પણ વાંચોઃ
LSG vs RCB IPL Match Result: બેંગલુરુએ લખનૌને 18 રને હરાવ્યું, સુકાની ફાફની 96 રનની ઇનિંગ તો હેઝલવુડે ઝડપી 4 મહત્વની વિકેટ
આ પણ વાંચોઃ