T20 World Cup 2022 માટે ઈરફાન પઠાણે તેની પ્લેઈંગ ઈલેવનમાં રિષભ પંતને બહાર રાખ્યો અને આ ખેલાડીને વિકેટ-કીપર બેટ્સમેન તરીકે પસંદ કર્યો

ભારતીય ટીમના ભૂતપૂર્વ ઓલરાઉન્ડર ખેલાડી ઈરફાન પઠાણ (Irfan Pathan) એ ઓસ્ટ્રેલિયામાં રમાઈ રહેલા આગામી T20 વર્લ્ડ કપ 2022 (T20 World Cup 2022) માટે પોતાની શ્રેષ્ઠ પ્લેઈંગ ઈલેવનની પસંદગી કરી છે. ઈરફાન પઠાણે આ ટીમમાં પીઢ ક્રિકેટર દિનેશ કાર્તિક (Dinesh Kartik) ને વિકેટકીપર-બેટ્સમેન તરીકે પસંદ કર્યો છે. તમને જણાવી દઈએ કે, ભારત અને દક્ષિણ આફ્રિકા વચ્ચે રમાયેલી T20 શ્રેણીમાં બંને ટીમોએ 2-2 મેચ જીતી હતી. જ્યારે એક મેચ વરસાદને કારણે ધોવાઈ ગઈ હતી. જોકે આ શ્રેણીમાં રિષભ પંત (Rishabh Pant) નું પ્રદર્શન ખૂબ જ નિરાશાજનક રહ્યું હતું અને તમામ દિગ્ગજ ક્રિકેટરોએ તેને આરામ કરવા કહ્યું હતું. IPL 2022માં પણ પંતનું પ્રદર્શન ઘણું નિરાશાજનક રહ્યું હતું.

ઇરફાન પઠાણે સ્ટાર સ્પોર્ટ્સમાં કહ્યું કે, ઓસ્ટ્રેલિયામાં તમને એવા અનુભવી ખેલાડીઓની જરૂર છે જે તમને શ્રેષ્ઠ શરૂઆત આપી શકે. ત્યાંની પીચો પર સ્વિંગ અને બાઉન્સ બંને જોઈ શકાય છે. તમને ત્યાં વિરાટ કોહલી અને રોહિત શર્માની સખત જરૂર પડશે.

તેણે વધુમાં કહ્યું કે, માનવામાં આવે છે કે કોહલીનું ફોર્મ લાંબા સમયથી નિરાશાજનક રહ્યું છે. પરંતુ મને પૂરી આશા છે કે તે ઓસ્ટ્રેલિયામાં તેની લયમાં પાછો આવશે અને જબરદસ્ત પ્રદર્શન કરશે. વિરાટ કોહલી (Virat Kohli) એ IPL 2022 માં 341 રન બનાવ્યા હતા. તેને દક્ષિણ આફ્રિકા સામેની શ્રેણી અને આગામી આયર્લેન્ડ શ્રેણી માટે આરામ આપવામાં આવ્યો છે. તે હવે ભારતના ઈંગ્લેન્ડ પ્રવાસમાં રમતા જોવા મળશે.

Web Stories View more

આજનું રાશિફળ તારીખ : 02-05-2024

હાર્દિક પંડ્યાના કારણે ટીમનું વાતાવરણ બગડી રહ્યું છે, મુંબઈ ઈન્ડિયન્સના કેપ્ટન પર મોટો હુમલો

કેનેડામાં વિદ્યાર્થીઓની વધી મુશ્કેલી, બદલાયો આ નિયમ

ઉનાળામાં કેરી ખાધા પછી શું ન ખાવું જોઈએ?

હવે આખું વર્ષ મોબાઈલ રિચાર્જની ઝંઝટ ખતમ, આ છે Jio અને Airtelના સૌથી સસ્તા વાર્ષિક પ્લાન

ઉનાળામાં મોઢાં પર બરફ ઘસવાના ફાયદા છે ચોંકાવનારા, જાણી લો

સુર્યકુમાર યાદવ અને હાર્દિક પંડ્યાને પણ આ લિસ્ટમાં જોડ્યા છે

ભારતના ઝડપી બેટ્સમેન સૂર્યકુમાર યાદવ (Surkya Kumar Yadav) ને ઈરફાન પઠાણે નંબર-4 પર પોતાની ટીમમાં સામેલ કર્યો છે. ઈરફાન પઠાણે વધુમાં કહ્યું કે, ‘ઇનફોર્મ બેટ્સમેન હાર્દિક પંડ્યાએ 5માં નંબરે બેટિંગ કરવી જોઈએ અને દિનેશ કાર્તિકે 6ઠ્ઠા નંબરે બેટિંગ કરવી જોઈએ. રવીન્દ્ર જાડેજા નંબર-7 પર ઓલરાઉન્ડર તરીકે યોગ્ય પસંદગી હશે.’ સ્પિનર ​​તરીકે ઇરફાન પઠાણ દ્વારા આ યાદીમાં યુઝવેન્દ્ર ચહલનો સમાવેશ કરવામાં આવ્યો છે. જ્યારે ઝડપી બોલિંગમાં ભુવનેશ્વર કુમાર, જસપ્રિત બુમરાહ અને હર્ષલ પટેલનો આ યાદીમાં સમાવેશ કરવામાં આવ્યો છે.

ટી20 વર્લ્ડ કપ 2022 માટે ઇરફાન પઠાણની પ્લેઇંગ XI

કેએલ રાહુલ, રોહિત શર્મા (સુકાની), વિરાટ કોહલી, સૂર્યકુમાર યાદવ, હાર્દિક પંડ્યા, દિનેશ કાર્તિક (વિકેટકીપર), રવિન્દ્ર જાડેજા, હર્ષલ પટેલ, ભુવનેશ્વર કુમાર, યુઝવેન્દ્ર ચહલ, જસપ્રિત બુમરાહ.