Hardik Pandya ને લઇને પૂર્વ ભારતીય ક્રિકેટર ઇરફાન પઠાણે આપ્યું મહત્વનું નિવેદન
Cricket : ઈરફાન પઠાણે (Irfan Pathan) કહ્યું કે, હાર્દિક પંડ્યા (Hardik Pandya) ફિનિશરની ભૂમિકા ભજવી શકે છે, દિનેશ કાર્તિક (Dinesh Kartik) ને ફિનિશર તરીકે પસંદ કરવામાં આવ્યો છે. હવે જોવાનું રહેશે કે કોને ઈલેવનમાં સ્થાન મળે છે.
ગુજરાત ટાઇટન્સ આ સિઝનમાં IPL ચેમ્પિયન બની હતી. આ ટીમના સુકાની હાર્દિક પંડ્યા (Hardik Pandya) એ પોતાની કેપ્ટનશિપથી ઘણો પ્રભાવિત કર્યો હતો. હાર્દિક પંડ્યાએ બોલ અને બેટમાં શાનદાર પ્રદર્શન કર્યું હતું. હવે પૂર્વ ભારતીય ઓલરાઉન્ડર ઈરફાન પઠાણે (Irfan Pathan) હાર્દિક પંડ્યા પર મોટું નિવેદન આપ્યું છે. ઈરફાન પઠાણે કહ્યું કે હાર્દિક પંડ્યામાં સિક્સર મારવાની અદભૂત ક્ષમતા છે. તે મેચના કોઈપણ તબક્કે સરળતાથી સિક્સર મારી શકે છે. તેણે કહ્યું કે આ ક્ષમતાના કારણે જ હાર્દિક પંડ્યા ભારતીય ટીમનો ખૂબ જ મહત્વપૂર્ણ ખેલાડી છે.
ભૂતપૂર્વ ભારતીય ઓલરાઉન્ડર ઈરફાન પઠાણ (Irfan Pathan) એ કહ્યું કે, હાર્દિક પંડ્યા (Hardik Pandya) ખૂબ જ મૂલ્યવાન ક્રિકેટર છે. ટોપ ઓર્ડરમાં બેટિંગ કરવા ઉપરાંત હાર્દિક પંડ્યા ડેથ ઓવરોમાં ઇનિંગ્સ પૂરી કરવાની ક્ષમતા ધરાવે છે. તેણે કહ્યું કે આ વાત ચોક્કસપણે ભારતીય ટીમ મેનેજમેન્ટના મગજમાં હશે. હાર્દિક જે રીતે બેટિંગ કરે છે તે ગમે ત્યારે સિક્સર મારી શકે છે. પંડ્યાએ ફિલ્ડ શોટ રમવાનો રસ્તો પણ શોધી કાઢ્યો છે અને તેના આ કારણથી તેની બેટ્સમેન તરીકે આઈપીએલની સિઝન ઘણી સારી રહી છે. પઠાણે વધુમાં કહ્યું કે, હાર્દિક પંડ્યાના ટીમમાં આવવાથી ભારત પાસે 1 નહીં પરંતુ 3 ફિનિશર્સ હશે.
Happy birthday Comeback king @DineshKarthik have a great year with greater success.
— Irfan Pathan (@IrfanPathan) June 1, 2022
હાર્દિક પંડ્યા ગત ટી20 વર્લ્ડ કપનો ભાગ ન હતો
ઈરફાન પઠાણે કહ્યું કે, હાર્દિક પંડ્યા ફિનિશરની ભૂમિકા ભજવી શકે છે. દિનેશ કાર્તિકને ફિનિશર તરીકે પસંદ કરવામાં આવ્યો છે. તે જોવાનું રહેશે કે તેને XI માં સ્થાન મળે છે કે કેમ પરંતુ વિકલ્પો ઉપલબ્ધ રહેશે. તેણે કહ્યું કે હું હાર્દિક પંડ્યાની ટીમમાં પસંદગીથી ખૂબ જ ઉત્સાહિત છું. ઉલ્લેખનીય છે કે હાર્દિક પંડ્યા છેલ્લા T20 વર્લ્ડ કપમાં ભારતીય ટીમ (Team India) નો ભાગ ન હતો. આ સિઝનમાં ગુજરાત ટાઇટન્સ (Gujarat Titans) એ હાર્દિક પંડ્યાને પોતાનો કેપ્ટન બનાવ્યો હતો. અગાઉ ગુજરાત ટાઇટન્સે હાર્દિક પંડ્યાને પોતાની ટીમમાં ડ્રાફ્ટ પિક તરીકે સામેલ કર્યો હતો. હાર્દિક પંડ્યા ગત સિઝન સુધી મુંબઈ ઈન્ડિયન્સનો ભાગ હતો.