Breaking News : ગિલે એક જ દિવસમાં નંબર 1નો તાજ ગુમાવ્યો, CSK બોલરે પર્પલ કેપ મેળવી

આઈપીએલ 2026માં શનિવારના રોજ ડબલ હેડર મેચ રમાઈ હતી. જેમાં પહેલી મેચમાં દિલ્હી કેપિટલ્સે ચેમ્પિયન બેંગ્લુરુંને છેલ્લી ઓવરમાં હરાવ્યું હતુ. તો ત્યારબાદ સનરાઈઝર્સ હૈદરાબાદે ચેન્નાઈ સુપર કિંગ્સને હાર આપી હતી. તો ચાલો હવે આપણે ઓરેન્જ કેપ અને પર્પલ કેપ વિશે વાત કરીએ.

Nirupa Duva | Updated on: Apr 19, 2026 | 9:37 AM

આઈપીએલમાં પોઈન્ટ ટેબલની સાથે ઓરન્જ કેપ અને પર્પલ કેપની સ્થિતિ પર દરરોજ બદલાતી રહે છે. વધુ મેચ જીતનારી ટીમ પોઈન્ટ ટેબલમાં ઉપર જઈ રહી છે તો હારનારી ટીમ નીચે જઈ રહીછે. આઈપીએલ 2026ની દરેક મેચમાં બેટ્સમેનની સાથે સાથે બોલર વચ્ચે પણ મુકાબલો રસપ્રદ રહે છે. દરેક મેચની સાથે નવા ખેલાડીઓ ચમકી રહ્યા છે. તેમજ ઓરેન્જ કેપ અને પર્પલ કેપની રેસમાં સતત ફેરફાર થઈ રહ્યો છે. આ સાથે ઉલેટફેર પણ જોવા મળી રહ્યો છે હૈદરાબાદમાં રમાયેલી મેચમાં સનરાઈઝર્સ હૈદરાબાદના સ્ટાર બેટ્સમેન હેનરિક ક્લાસેને શાનદાર અડધી સદી ફટકારી તમામને પાછળ છોડી દીધા છે. જ્યારે બોલિંગમાં નવું નામ સામે આવ્યું છે.

ક્લાસેન ચેન્નાઈ સુપર કિંગ્સ વિરુદ્ધ 39 બોલમાં 59 રનની ઈનિગ્સ રમી હતી. આ સીઝનમાં તેની ત્રીજી અડધી સદી છે. તે ઓરેન્જ કેપની રેસમાં પહેલા સ્થાને છે. વિરાટ કોહલી અને શુભમન ગિલને પછાડ્યા છે.તો ચાલો હવે આપણે આઈપીએલ 2026માં અત્યારસુધી સૌથી વધારે રન બનાવનાર બેટ્સમેન વિશે વાત કરીએ.

ઓરેન્જ કેપમાં કોણ આગળ

હેનરિક ક્લાસેન-283 રન
શુભમન ગિલ-251 રન
વિરાટ કોહલી-247 રન
રજત પાટીદાર-230 રન
ઈશાન કિશન-213 રન

બોલિગમાં ચેન્નાઈ સુપર કિંગ્સનો યુવા બેટ્સમેન અંશુલ કંબોઝે શાનદાર પ્રદર્શન કરી પર્પલ કેપ પર કબજો કર્યો છે. તેમણે હૈદરાબાદ વિરુદ્ધ 3 ઓવરમાં 3 વિકેટ લઈ પ્રસિદ્ધ કૃષ્ણાને પાછળ છોડ્યો છે. કુલ 13 વિકેટ સાથે તે ટોપ પર છે. પ્રસિદ્ધ કૃષ્ણા 11 વિકેટની સાથે બીજા સ્થાને છે. આ સિવાય અનુભવી બોલર ભુવનેશ્વર કુમારે પણ શાનદાર બોલિગ કરી 10 વિકેટની સાથે રેસમાં એન્ટ્રી કરી છે.

આઈપીએલ 2026માં અત્યારસુધી સૌથી વધારે વિકેટ લેનાર બોલર

અંશુલ કંબોઝ-13 વિકેટ
પ્રસિદ્ધ કૃષ્ણા-11 વિકેટ
ભુવનેશ્વર કુમાર-10 વિકેટ
પ્રિન્સ યાદવ-9 વિકેટ
રવિ બિશ્નોઈ-9 વિકેટ

આઈપીએલના પોઈન્ટ ટેબલ2026

આઈપીએલના પોઈન્ટ ટેબલની વાત કરીએ તો પહેલા સ્થાને પંજાબ કિંગ્સ, બીજા સ્થાને રોયલ ચેલેન્જર્સ બેંગ્લોર, ત્રીજા સ્થાને રાજસ્થાન રોયલ્સ, ચોથા સ્થાને સનરાઈઝર્સ હૈદરાબાદ અને પાંચમા સ્થાને દિલ્હી કેપિટલ્સ છે. આઈપીએલ 2026ના પોઈન્ટ ટેબલમાં સૌથી નીચે 10માં સ્થાને કોલકત્તા નાઈટ રાઈડર્સ છે, તમને જણાવી દઈએ કે, કોલકત્તા નાઈટ રાઈડર્સે અત્યારસુધી એક પણ મેચ જીતી નથી.