IPL 2024 : ગ્લેન મેક્સવેલનો એક રન RCBને 21 લાખમાં પડ્યો, પૂર્વ ક્રિકેટરે મેક્સવેલ પર સાધ્યું નિશાન

RCBનું સપનું ફરી એકવાર ચકનાચૂર થઈ ગયું છે. IPL 2024ના એલિમિનેટરમાં રાજસ્થાન સામેની હાર સાથે RCB ટૂર્નામેન્ટમાંથી બહાર થઈ ગયું હતું. આ મેચમાં RCBએ પ્રથમ બેટિંગ કરીને 172 રન બનાવ્યા હતા અને ત્યારબાદ રાજસ્થાન રોયલ્સે પ્રથમ ઓવરમાં 6 વિકેટ ગુમાવીને આ સ્કોરનો પીછો કર્યો હતો. RCBની હાર બાદ તેના સ્ટાર ખેલાડી ગ્લેન મેક્સવેલ પર સવાલો ઉઠી રહ્યા છે. 11 કરોડ રૂપિયાની કિંમતના આ ખેલાડીએ આખી સિઝનમાં માત્ર 52 રન બનાવ્યા, જે બાદ ટીમ ઈન્ડિયાના પૂર્વ ક્રિકેટર મનોજ તિવારીએ તેના પર મોટો આરોપ લગાવ્યો.

મેક્સવેલ પર નિશાન સાધ્યું

મનોજ તિવારીએ ક્રિકબઝ પર વાતચીત દરમિયાન ગ્લેન મેક્સવેલ પર આરોપ લગાવ્યો કે આ ખેલાડી આઉટ થાય તો તેનાથી કોઈ ફરક નથી પડતો. એલિમિનેટરમાં મેક્સવેલ પર મોટી જવાબદારી હતી પરંતુ તેણે જે રીતે વિકેટ ફેંકી તે ખરેખર વિચિત્ર હતી. મનોજે વધુમાં કહ્યું કે એવું લાગે છે કે મેક્સવેલને કોઈ પરવા નથી, તેનું બેંક બેલેન્સ બરાબર છે અને તેને ચેક પણ મળી જશે. પરંતુ અંતિમ પરિણામ શું આવે છે તે જોવું જરૂરી છે. મનોજ તિવારીએ કહ્યું કે RCBમાં સમસ્યા છે, જેનું સમાધાન લાવવું પડશે.

મેક્સવેલના એક રનની કિંમત 21 લાખ

RCBએ ગ્લેન મેક્સવેલને એક સિઝન માટે 11 કરોડ રૂપિયા આપ્યા હતા પરંતુ તેના બદલામાં આ ખેલાડીએ આખી સિઝનમાં માત્ર 52 રન જ બનાવ્યા હતા. મતલબ, ગ્લેન મેક્સવેલના એક રનની કિંમત RCBને 21 લાખથી વધુ છે. તમને જાણીને નવાઈ લાગશે કે મેક્સવેલ આ આખી સિઝનમાં માત્ર બે વાર ડબલ ફિગરને સ્પર્શી શક્યો અને ચાર વખત ખાતું ખોલાવી શક્યો નહીં.

Web Stories View more

આજનું રાશિફળ તારીખ : 26-06-2024

કરોડોનો માલિક છે ખેલાડી, ઈજાગ્રસ્ત થવાનું નાટક કરવાનો લાગ્યો આરોપ

હાથ પરથી ટેનિંગ કેવી રીતે દૂર કરવું?

જો તમારા ચાંદીના દાગીના કાળા પડી ગયા હોય તો આ ટિપ્સથી એક મિનિટમા થઈ જશે ચકચકિત

Travel Tips : માઉન્ટ આબુ જવા માટે ચોમાની ઋતુ છે બેસ્ટ

કેળા ખાવાથી થાય છે અગણિત ફાયદા, જાણીને રહી જશો દંગ

RCB  ગ્લેન મેક્સવેલને રીલીઝ કરશે?

પોતાની તોફાની બેટિંગ માટે પ્રખ્યાત મેક્સવેલનો સ્ટ્રાઈક રેટ પણ 121 હતો. તે સ્પષ્ટ છે કે જો કોઈ ખેલાડી આટલું ખરાબ પ્રદર્શન કરશે તો ચોક્કસ પ્રશ્નો ઉભા થશે. હવે એ જોવાનું રસપ્રદ રહેશે કે RCB મેક્સવેલને જાળવી રાખશે કે નહીં. અને જો આ ખેલાડીને RCB રીલીઝ કરી દેશે, તો આગામી સિઝનમાં મેક્સવેલ પર કોણ દાવ લગાવશે?

આ પણ વાંચો : IPL 2024 RR vs RCB : મેચની વચ્ચે કોહલીએ શું કહ્યું, જેના પછી અશ્વિને કર્યો હંગામો ?