IPL 2024ની સીઝનમાં કોઈ ન કરી શક્યું તે સાણંદના ગુજરાતી ખેલાડીએ કર્યું, ધોનીને 0 પર બોલ્ડ કર્યો
ઈન્ડિયન પ્રીમિયર લીગ 2024માં આજે ડબલ હેડર મેચ છે. પહેલી મેચ પંજાબ કિંગ્સ અને ચેન્નાઈ સુપર કિંગ્સ વચ્ચે રમાય રહી છે. જેમાં આઈપીએલ 2024માં કોઈ ટીમનો ખેલાડી ન કરી શક્યો તે એક ગુજરાતીએ કરી દેખાડ્યું,
ઈન્ડિયન પ્રીમિયર લીગ 2024ની આજે 53મી મેચ ચેન્નાઈ સુપર કિંગ્સ અને પંજાબ કિંગ્સ વચ્ચે ધર્મશાળામાં રમાઈ રહી છે. જેમાં પંજાબ કિંગ્સના કેપ્ટન સૈમ કરને ટોસ જીતી પહેલા બોલિંગ કરવાનો નિર્ણય લીધો હતો. બંન્ને ટીમની આ સીઝનમાં બીજી ટક્કર છે. પહેલી વખત પંજાબે ચેન્નાઈને હાર આપી હતી.ઋતુરાજ ગાયકવાડની કેપ્ટનશીપમાં ચેન્નાઈ સુપર કિંગ્સે 10 માંથી 5 મેચ જીતી લીધી છે. તો પંજાબ કિંગ્સે 10 માંથી 4 મેચ જીતી લીધી છે.
T20 વર્લ્ડ કપ સામેલ ખેલાડી ખાતું પણ ખોલી શક્યો નહિ
ટોસ હાર્યા બાદ પ્રથમ બેટિંગ કરતા ચેન્નાઈએ 20 ઓવરમાં નવ વિકેટ ગુમાવીને 167 રન બનાવ્યા હતા. એક સમયે ચેન્નાઈનો સ્કોર આઠમી ઓવરમાં એક વિકેટે 69 રન હતો. આ પછી ટીમે 98 રનમાં નવ વિકેટ ગુમાવી દીધી હતી. T20 વર્લ્ડ કપ માટે ભારતીય ટીમમાં પસંદ થયેલ શિવમ દુબે સતત બીજી મેચમાં પોતાનું ખાતું પણ ખોલી શક્યો ન હતો.હર્ષલ પટેલે 19મી ઓવરમાં 2 બોલ પર શાર્દુલ ઠાકુર અને મહેન્દ્ર સિંહ ધોનીને ક્લીન બોલ્ડ કર્યો હતો. શાર્દુલ 17 રન બનાવી શક્યો હતો. તો ધોનીએ તો ખાતું પણ ખોલ્યું ન હતુ અને 0 પર પેવેલિયન પરત ફર્યો હતો.
સૌથી વધારે રન રવિન્દ્ર જાડેજાએ બનાવ્યા
આઈપીએલ 2024ની સીઝનમાં અત્યારસુધી કોઈ ન કરી શક્યું તે સાણંદના ગુજરાતી ખેલાડી હર્ષલ પટેલે કરી દેખાડ્યું હતુ. ધોની જ્યારે ક્રિઝ પર આવ્યો તો આખું સ્ટેડિયમમાં ધોનીના નામથી ગુંજી રહ્યું હતુ. ત્યારબાદ હર્ષલ પટેલના પહેલા જ બોલ પર ધોની આઉટ થઈ પેવેલિયન પરત ફર્યો હતો. ત્યારબાદ સ્ટેડિયમમાં બેસેલા પંજાબ કિંગ્સના ચાહકોએ બુમાબુમ કરી હતી.સૌથી વધારે રન રવિન્દ્ર જાડેજાએ બનાવ્યા છે.તેમણે 26 બોલમાં 3 ચોગ્ગા અને 2 સિક્સની મદદથી 43 રન બનાવ્યા છે. ઋતુરાજ ગાયકવાડે 21 બોલમાં 32 રનની ઈનિગ્સ રમી હતી. રહાણે 9 રન, મોઈન અલી 17 રન,મિચેલ 11 રન , શાર્દુલ ઠાકુર 17 રન બનાવી આઉટ થયો હતો.
પંજાબ કિંગ્સ તરફથી રાહુલ ચાહર અને હર્ષલ પટેલે 3-3 વિકેટ લીધી હતી. તો અર્શદીપ સિંહને 2 વિકેટ મળી હતી. સૈમ કરનને એક વિકેટ મળી હતી.
આ પણ વાંચો : IPL 2024 પર્પલ કેપના લિસ્ટમાં છે 2 ગુજરાતી ખેલાડી, ઓરેન્જ કેપમાં આ ખેલાડી છે આગળ