IPL 2024 : પૃથ્વી શો સાથે થઈ બેઈમાની? થર્ડ અમ્પાયરના નિર્ણય પર હંગામો થયો!
IPL 2024ની 40મી મેચમાં દિલ્હી કેપિટલ્સનો ઓપનર પૃથ્વી શો માત્ર 11 રન બનાવીને આઉટ થયો હતો. જોકે, તેની વિકેટને લઈને વિવાદ થયો હતો. શોની વિકેટ પડ્યા બાદ ચાહકોએ થર્ડ અમ્પાયર સામે મોરચો ખોલ્યો હતો. ફેન્સ સોશિયલ મીડિયા પર તેના નિર્ણય પર સવાલ ઉઠાવતા જોવા મળ્યા હતા.
IPL 2024માં માત્ર શાનદાર ક્રિકેટ જોવા મળી રહ્યું છે એટલું જ નહીં, તેની સાથે અમ્પાયરિંગ પર પણ સવાલો ઉઠી રહ્યા છે. આ સિઝનમાં ક્યારેક નો બોલ તો ક્યારેક વાઈડને લઈને ઘણા વિવાદો થયા છે અને હવે આ લિસ્ટમાં વધુ એક વિવાદ ઉમેરાયો છે. IPLની 40મી મેચમાં દિલ્હી કેપિટલ્સ અને ગુજરાત ટાઇટન્સ વચ્ચેની મેચમાં પૃથ્વી શોની વિકેટ પર હંગામો થયો હતો. દિલ્હીનો આ ઓપનર નૂર અહેમદના હાથે કેચ આઉટ થયો હતો પરંતુ આ કેચ પર જ વિવાદ ઊભો થયો છે.
શોની વિકેટ પર હંગામો
પૃથ્વી શો ચોથી ઓવરમાં સંદીપ વોરિયરના બોલ પર 11 રન બનાવીને આઉટ થયો હતો. શો ડીપ સ્ક્વેર લેગ પર નૂર અહેમદના હાથે કેચ આઉટ થયો હતો. જ્યારે ગુજરાતના આ ખેલાડીએ શોનો કેચ પકડ્યો ત્યારે એવું લાગતું હતું કે જાણે બોલનો સંપર્ક જમીન સાથે થઈ ગયો હતો. જ્યારે મેદાન પરના અમ્પાયરોએ ત્રીજા અમ્પાયરને પોતાનો નિર્ણય આપવા કહ્યું ત્યારે તેણે શોને આઉટ આપ્યો. શો આ નિર્ણયથી ખૂબ જ આશ્ચર્યચકિત જોવા મળ્યો હતો. માત્ર શો જ નહીં, દિલ્હી ટીમના ખેલાડીઓ અને તેના ચાહકો પણ આશ્ચર્યચકિત જોવા મળ્યા.
Woah
Noor Ahmad holds on to a sharp catch in the deep as #DC lose both their openers!
Watch the match LIVE on @JioCinema and @StarSportsIndia #TATAIPL | #DCvGT pic.twitter.com/8zmIDwCdf2
— IndianPremierLeague (@IPL) April 24, 2024
થર્ડ અમ્પાયર પર સવાલ
શોની વિકેટ પડ્યા બાદ ચાહકોએ ઉઠાવતા જોવા મળ્યા હતા. શો આ મેચમાં સારા ફોર્મમાં દેખાઈ રહ્યો હતો પરંતુ આ નિર્ણયને કારણે તેને પેવેલિયન પરત ફરવું પડ્યું હતું. શોની વિકેટ પણ દિલ્હી માટે એક ફટકો હતો કારણ કે બીજો ઓપનર જેક ફ્રેઝર મેગાર્ક પણ ચોથી ઓવરમાં આઉટ થઈ ગયો હતો. મેગાર્કે 14 બોલમાં 23 રન બનાવ્યા હતા. તેના બેટમાંથી 2 છગ્ગા અને 2 ચોગ્ગા આવ્યા હતા. પરંતુ તે સંદીપ વોરિયરનો સ્લોઅર બોલ ચૂકી ગયો અને નૂર અહેમદે કેચ પકડ્યો.
આ પણ વાંચો : IPL 2024: 14 બોલમાં 7 સિક્સર… રિષભ પંતે ગુજરાત ટાઈટન્સ સામે મચાવ્યો હંગામો, બનાવ્યો મોટો રેકોર્ડ